2 Pedro 1:5 - Tachi Ak'õre Pedea

⁵ Mãɨpuru Cristode ĩjãa p'anɨ pẽra jĩp'a nipadai k'orea minachia jɨrɨt'ɨ; jĩp'a nipa p'anɨne k'ɨ̃risia k'awaa p'ananai k'orea jɨrɨt'ɨ;

2 Pedro 1:5 ပူးပေါင်းရင်းမြစ်များ

Luca 16:26

Mãɨ awara edá uria minachia bɨ tachi esa bɨma. Mãɨpuru mãramá wã k'ɨ̃ria berã p'ue wãnaiwẽma. Ichiaba jãmãɨpa abaɨ pida p'ue taimá chedaiwẽma”.

Luca 24:21

Ichiapuru tachi Israel p'uuru nepɨra pará bɨ k'aripayade a k'ɨ̃risia p'anasima. Maamina ichi peadada idiipa ewari ũpea pa bɨma.

Juan 6:27

Mimiarãt'ɨ chik'o k'odai k'orea, mãɨ chik'o jõpari pẽra. Mãɨpari mimiat'ɨ chi Tachi Ak'õre ome ewaricha chok'ae bapiparí p'ana atadai k'orea. Mãɨ mɨ, chi Ẽpẽra Warrapa teaipɨ. Tachi Ak'õrepa mɨ mãɨ k'orea bɨsima.

1 Corintio 14:20

Ũpẽarã, warra chak'erã jĩra p'anat'ɨ. Ãchia nemietá k'orea minachia atua p'anɨma. Maamina Tachi Ak'õre Jaorepa oopi bɨ k'orea chõarã jĩra k'ɨ̃risia p'anat'ɨ. Waa warra chak'erã jĩra k'ɨ̃risiarãt'ɨ.

Ep'esio 5:17

K'ɨ̃risiawẽa be jĩra p'anarãt'ɨ, mãɨpari minachia k'awat'ɨ k'ãre Tachi Chiparipa oopi bɨt'a.

P'ilipense 1:9

Mɨa Tachi Ak'õrea ɨt'aa chiidi bɨma mãra minachia chi k'ɨ̃ria p'ananamẽrá, ichi pia k'awadamẽrá mãɨnepa sãmaasã́ nipadai p'anɨ k'awadamẽrá.

P'ilipense 2:12

Mãɨya mɨ ũpẽarã chi k'ɨ̃ria berã, mɨ mãra ome badadepa Tachi Ak'õre pedea jara bɨ jĩra oo p'anɨma. Naapae mɨ mãra ome bɨwẽmina Tachi Ak'õre minachia wap'ea p'anɨnepa mãɨ oo p'anat'ɨ ichia mãra k'aripada pẽra.

P'ilipense 4:8

Mãɨ awara ũpẽarã, jõma piarãnepema, nejõma tachia pia bɨt'a unupataɨdepema, jõma jĩp'a bɨdepema, jõma nemietaawẽa bɨdepema, jõmãɨrãpa k'ɨ̃riapataɨdepema, jõma chi piipará bayade a p'anɨnepema, nejõma piadepema mãɨnepa nejõma tachia pia jarapataɨdepema k'ɨ̃risia p'anat'ɨ.

Colosense 1:9

Mãɨya ũrisidaedapema taipa mãra k'orea ewaricha Tachi Ak'õrea ɨt'aa chiidi p'anɨma ichia oopi k'ɨ̃ria bɨ mãrá jõma k'awapimẽrá. Ichiaba ɨt'aa idi p'anɨma ichia mãrá pia k'ɨ̃risiapimẽrá mãɨnepa ichi Jaoredepa pia k'ɨ̃risiapimẽrá.

Colosense 2:3

Ichiapuru Tachi Ak'õre k'ɨ̃risiat'a k'ɨ̃risiapiipɨ mãɨnepa ne minachia k'awapiipɨ. Mãɨ k'ɨ̃risiat'a mãɨnepa ne k'awa p'anɨt'a minachia pia p'anɨma.

Hebreo 11:6

Maamina chi Tachi Ak'õrene ĩjãak'apɨ́, Tachi Ak'õrepa mãɨ pia unuk'ama. Chi Tachi Ak'õremá che k'ɨ̃ria bɨpa ĩjãai bɨma Tachi Ak'õre piarã bɨt'a mãɨnepa ãarea chi ichi jɨrɨutat'a k'aripaparit'a.

Hebreo 12:15

Jĩrak'aua p'anat'ɨ chi Tachi Ak'õrepa ichi sõpiadepa k'aripa bɨt'a mi ãpia pida itu bɨpidaemaapa. Mãɨnepa jĩrak'aua p'anat'ɨ mãra paara mi ãpia pida ẽpẽra pak'uru k'arra asia bɨ jĩra bɨt'a p'anapidaemaapa. Mãɨpa ũpẽarã́ piawẽa k'ɨ̃risiapik'ari mietá oopiparima.

Hebreo 6:11

Taipa k'ɨ̃ria p'anɨma machicha mãɨya oo p'ananait'a aba piuutadea. Ara mãɨya mãrapa chi Tachi Ak'õrenepema jitadayá nɨ p'anɨ ãarea jitadaipɨ.

1 Pedro 3:7

Ɨmɨk'ĩrarã k'ima pará berã, k'ɨ̃risia piadepa mãra k'ima ome pia p'anat'ɨ. Mãra k'ima pia bapii k'ɨ̃ria p'anɨnepa ãchi pia ak'ɨt'ɨ, wẽra ɨmɨk'ĩra k'aepẽra ɨbɨwẽa bɨ pẽra mãɨnepa mãra ome ará p'anɨrã́ Tachi Ak'õrepa, ichi sõpiadepa chok'ae p'ananait'a pari teada pẽra. Mãɨya oodaepɨra, mãrapa ɨt'aa chiidiutat'a Tachi Ak'õrepa pia ũriwẽma.

2 Pedro 1:10

Ũpẽarã, Tachi Ak'õrepa mãra t'ɨ̃k'ari jɨrɨ atasima. Piarã mãɨya be unupidai k'orea chok'ea p'anat'ɨ. Mãɨya oodaipɨra baedaiwẽma.

2 Pedro 1:11

Mãɨne Tachi Chipari Jesucristopa mãra itu wãpiipɨ ichi p'uurudea, te eda wãpataɨ ewa bɨ jĩra. Tachi K'aripaparipa tachi ewaricha pia uru baipɨ.

2 Pedro 3:14

Ũpẽarã, mãrapa jõma mãɨ nɨ p'anɨ pẽra ne ãareaɨne k'ĩra jĩp'a nipat'ɨ Tachi Ak'õrepa mãra pia, ne k'achiawẽa, ichi ome ne k'ɨ̃risiawẽa p'anɨ unumẽrá.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.