2 Pedro 1:3 - Tachi Ak'õre Pedea

^3-4 Tachi Ak'õre k'awa p'anɨ pẽra, ichi jua chaareadepa tachiá nejõma teasima ichia k'ɨ̃ria bɨ jĩra nipadamẽrá mãɨnepa ewaricha ichi ome chok'ae p'ananamẽrá. Ichi chi atepe bɨ pẽra mãɨnepa jĩp'a bɨ pẽra tachi t'ɨ̃k'ari ne waibɨa mãɨnepa minachia pia bɨt'a, tachi pae ooyade asima. Mãɨya oo bɨ pẽra nãɨ ĩjũanepemarãpa nemietá oo k'ɨ̃ria p'anɨt'a mãrapa itu bɨdak'ari p'ue ichi jĩra jĩp'a p'ananaipɨ.

2 Pedro 1:3 ပူးပေါင်းရင်းမြစ်များ

Mateo 28:18

Mãɨne Jesú ãchi k'ait'a chek'ari jarasima: —Tachi Ak'õrepa mɨá jua chaarea teasima pajãne mãɨnepa nãɨ ĩjũane ne ãarea mɨ juade uru bamẽrá.

Romano 8:32

Piarã Tachi Ak'õrepa ichi Warra wãak'aé pasima mãɨpari jõma tachi k'orea itu peapisima. Mãɨpuru ¿ichia tachiá nejõma pia Cristo ome ará teaiwẽk'ãra?

Romano 9:24

Tachi mãɨ ẽpẽrarãnepemapɨ. Tachi Ak'õrepa tachi jõma t'ɨ̃sima. Eda waapẽarã judiorãma, ya eda waapẽarã judiorãwẽma,

1 Corintio 1:9

Tachi Ak'õrepa ara ichia jara bɨ jĩra ooipɨ. Ichia mãra t'ɨ̃sima ichi Warra Tachi Chipari Jesucristo ome ará p'ananamẽrá.

2 Corintio 12:9

Maamina ichia jarasima: «Mɨ sõpiadepa pɨ k'aripaipɨ jõma choa bamẽrá. Pɨ ɨbɨwẽa bɨde, mɨ jua chaarea atepe ɨbɨa baparima». Mɨ ɨbɨwẽa bɨde Cristo chaarea bapari pẽra mɨ ɨbɨwẽa bɨ k'orea arapaadepa pia pedeaipɨ.

Ep'esio 4:1

Mɨ Tachi Chipari k'orea eda serra bɨma. Mɨa mãrá chichupuria idiruma jĩp'a nipadamẽrá. Tachi Ak'õrepa mãra t'ɨ̃sima mãɨya nipadamẽrá.

Ep'esio 4:4

Tachi k'ak'ua abapuru bɨma. Tachi Ak'õre Jaore abapuru bɨt'a uru p'anɨma. Tachi Ak'õrepa mãra t'ɨ̃sima abarik'a nɨ p'ananamẽrá.

P'ilipense 3:8

Piarã mɨ Chipari Jesucristo k'await'a ne ãarea k'aepẽra atepe piipará bɨma. Mɨa naena k'ɨ̃risia bada, mãɨ ãarea ichi k'orea itu bɨsima. Jõma mãɨ nejarra jĩra unu bɨma, Cristo unui k'orea

P'ilipense 4:8

Mãɨ awara ũpẽarã, jõma piarãnepema, nejõma tachia pia bɨt'a unupataɨdepema, jõma jĩp'a bɨdepema, jõma nemietaawẽa bɨdepema, jõmãɨrãpa k'ɨ̃riapataɨdepema, jõma chi piipará bayade a p'anɨnepema, nejõma piadepema mãɨnepa nejõma tachia pia jarapataɨdepema k'ɨ̃risia p'anat'ɨ.

Colosense 1:16

Ichidepa Tachi Ak'õrepa nejõma oosima. Pajãne be, nãɨ ĩjũane be, tachia unupataɨt'a mãɨnepa tachia ununak'aɨt'a ãarea oosima. Jõma ununak'aɨ minachia berã, chi atepe k'awa p'anɨrã mãɨnepa chi jua chaarea be oosima. Tachi Ak'õrepa nejõma Cristodepa oosima mãɨnepa Cristo pae oosima.

1 Tesalonicense 2:12

Taipa minachia ũraasidama mãra Tachi Ak'õrepa k'ɨ̃ria bɨ jĩra nipadamẽrá. Ichia mãra t'ɨ̃sima ichi juade ua bai k'orea mãɨnepa ichi pia bɨdepema uru p'ananamẽrá.

1 Tesalonicense 4:7

Tachi Ak'õrepa tachi jɨrɨ ataé pasima k'achiade p'ananamẽrá, mãɨpari jɨrɨ atasima ichi pae jĩp'a p'ananamẽrá.

2 Tesalonicense 2:14

Taipa chi pedea pia jaratea p'anɨnepa Tachi Ak'õrepa mãra t'ɨ̃sima Tachi Chipari Jesucristo pia bɨdepema atadamẽrá.

1 Timoteo 4:8

Piarã tachi k'ak'ua chaareapidayá oo p'ananaipɨra, ara tachi k'ak'ua puru k'aripadaipɨ. Maamina Tachi Ak'õrepa oo k'ɨ̃ria bɨ oodaipɨra, mãɨpa tachi ne ãareaɨne k'aripaipɨ. Idiapae mãɨnepa k'aadeapema ewaride k'aripaipɨ.

2 Timoteo 1:9

Tachi Ak'õrepa tachi k'aripasima mãɨnepa t'ɨ̃sima ichi pae pia p'ananamẽrá. Tachia pia oo p'anɨnepa mãɨya ooé pasima, mãɨpari ichi sõpiadepa ooi k'ɨ̃risia bada pẽra mãɨya oosima. Piarã nãɨ ĩjũa bai naena Tachi Ak'õrepa ichi sõpiadepa k'ɨ̃risiasima Jesucristodepa tachi k'aripait'a.

Hebreo 1:3

Ichi Warrapa Tachi Ak'õre k'ĩrawãrea achiterrea unupiparima. Ichiapuru Tachi Ak'õre sãmaasã́ bɨt'a k'awapiparima. Ichi pedea jua chaarea bɨdepa ne ãarea ooda ichi juade ara mãɨya uru bɨma. Ichia tachi nemietá oodada sɨɨk'ari Tachi Ak'õre chi auk'ará bɨ juaraari pajãne suak'abari beesima.

1 Pedro 1:15

Tachi Ak'õrepa mãra t'ɨ̃sima. Ichi ne ãareaɨne jĩp'a bɨma. Mãɨpuru machia ooutacha jĩp'a p'anat'ɨ.

1 Pedro 1:5

Jesucristode ĩjãa p'anɨ pẽra Tachi Ak'õrepa ichi jua chaareadepa mãra ak'ɨ uru baipɨ aba chi k'aadeapema ewaride k'ariparudea.

1 Pedro 2:21

Cristo mãra k'orea minachia mĩana pẽra Tachi Ak'õrepa mãra t'ɨ̃sima mĩanamẽrá. Cristo mĩaside unupisima mãra nepɨra paraautade sãmaasã́ nipadai p'anɨt'a.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.

1 Pedro 3:9

Abaɨ pida mãra piawẽa oosira ara mãɨya oorãt'ɨ. K'achia pedeasira ara mãɨya k'achia pedearãt'ɨ. Mãɨpari ɨt'aa chiidit'ɨ Tachi Ak'õrepa ichi k'aripamẽrá. K'awa p'anɨma Tachi Ak'õrepa mãra atasit'a, mãɨya p'ananamẽrá. Mãɨya p'ananaipɨra, Tachi Ak'õrepa mãra sida k'aripaipɨ.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.

2 Pedro 1:10

Ũpẽarã, Tachi Ak'õrepa mãra t'ɨ̃k'ari jɨrɨ atasima. Piarã mãɨya be unupidai k'orea chok'ea p'anat'ɨ. Mãɨya oodaipɨra baedaiwẽma.

2 Pedro 1:2

Mãrapa Tachi Ak'õre mãɨnepa Tachi Chipari Jesú k'awa p'anɨ pẽra, mɨa k'ɨ̃ria bɨma ãchi sõpiadepa mãra minachia k'aripa p'ananait'a mãɨnepa minachia ne k'ɨ̃risiawẽa p'anapiit'a.

2 Pedro 1:5

Mãɨpuru Cristode ĩjãa p'anɨ pẽra jĩp'a nipadai k'orea minachia jɨrɨt'ɨ; jĩp'a nipa p'anɨne k'ɨ̃risia k'awaa p'ananai k'orea jɨrɨt'ɨ;

2 Pedro 1:6

k'ɨ̃risia k'awaa p'anɨne mãra k'ak'ua jĩp'a uru p'ananai k'orea jɨrɨt'ɨ; mãra k'ak'ua jĩp'a uru p'anɨne jõma choadai k'orea jɨrɨt'ɨ; jõma choa p'anɨne Tachi Ak'õrepa k'ɨ̃ria bɨ jĩra p'ananai k'orea jɨrɨt'ɨ;

2 Pedro 1:8

Mãrapa mãɨ jõma pia oodaipɨra, mãɨpa tachiá Tachi Chipari Jesucristo waa pia k'awapipododaipɨ mãɨnepa tachi nepia oodai k'orea chok'ea p'anapidaipɨ.

2 Pedro 2:20

Jesucristo Tachi Chipari mãɨnepa Tachi K'aripaparí k'awa p'anɨ pẽra nãɨ ĩjũane bɨ nemietaadepema k'aripasidama. Maamina jɨ̃k'arade memenea p'aneeuta jĩra waa mãicha nemietá oodaipɨra, naena p'anana k'aepẽra atepe piawẽa p'aneenaipɨ.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.