2 Pedro 1:12 - Tachi Ak'õre Pedea

¹² Jõma makɨɨ k'awa p'anɨmina mãɨnepa chi piarã pedea minachia ĩjãa p'anɨmina, mɨa jõma makɨɨ mãrá k'ɨ̃risiapi baipɨ.

2 Pedro 1:12 ပူးပေါင်းရင်းမြစ်များ

Hecho 16:5

Mãɨya ũpẽarãpa Tachi Chiparide minachia ĩjãasidama mãɨnepa ewaricha eapasidama.

P'ilipense 3:1

Mãɨ awara ũpẽarã, Tachi Chiparidepa arapá p'anat'ɨ. Mɨa nãɨ pedea naena bɨdamina, sẽk'ama abarik'a mãicha bɨi k'orea. Mãɨya k'aripaipɨ nemietá oopidaemaapa.

Colosense 1:5

Mãra mãɨya p'anɨma, k'awa p'anɨ pẽra Tachi Ak'õrepa mãra pae nepia pajãne yaa uru bɨt'a. Mãɨ mãrapa naena ũrisidama chi piarãpẽa pedea Jesucristo k'orea mãramá cheside. Mãɨ pedea pia

Colosense 2:7

Ichidepa chaarea p'anat'ɨ k'arra minachia jita p'anɨ jĩra mãɨnepa te pia ooda jĩra. Ichide minachia ĩjãa p'anat'ɨ ũpẽarãpa jarateadada jĩra, mãɨnepa ewaricha Tachi Ak'õrea machi sõpia p'anɨane at'ɨ.

1 Timoteo 4:6

Timoteo, pɨa jõma mãɨ ũpẽarã́ jaratea baipɨra, Jesucristo pae pari mimiaparí pia baipɨ. Tachi Ak'õre chi piarã pedea tachia ĩjãa p'anɨ ĩjãapodoutadepa pɨ jaore chaarea wari baipɨ, pia nek'o bɨ jĩra.

2 Timoteo 1:6

Mɨ jua pɨ ɨ̃rɨ bɨside Tachi Ak'õrepa pɨá ne teasima ichi pae oomẽrá. Mãɨ k'orea mɨa jararuma: mãɨ Tachi Ak'õrepa teada pia oo bapariese, et'abarrade t'ɨpɨ p'uapari jĩra.

Hebreo 10:32

K'ɨ̃risiat'ɨ mãrapa naa chi piarã pedea k'awasidaɨde sãmaasã́ p'anasit'a. Mãɨ ewaride mãra minachia mĩanana ãarea choasidama.

Hebreo 13:9

Maamina chi eda waapẽarãpa ne wawaria piawẽa jarateapatama. Ãchirã́ itu seapirãt'ɨ. Mãrapa ne wawaria k'o p'anɨnepa wa nek'odawẽa p'anɨnepa k'aripak'ama. Chi mãɨya oo p'anɨrã pia p'anɨwẽma. Mãɨpari Tachi Ak'õrepa ichi sõpiadepa k'aripa bɨma mãrapa pia sõnepa ĩjãanamẽrá.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.

1 Pedro 5:12

Ũpẽa Silvanopa nãɨ k'art'a chak'e k'aripa bɨsima. Mɨa k'awa bɨma ara ichia jara bɨ jĩra nejõma ooparit'a. Nãɨ k'art'adepa mɨa mãra k'aripa k'ɨ̃ria bɨma pia ĩjãanamẽrá. Mãɨnepa k'awapii k'ɨ̃ria bɨma piarã Tachi Ak'õrepa ichi sõpiadepa k'aripa bɨt'a. Mãɨ ĩjãa p'anat'ɨ.

2 Pedro 1:13

Mɨmá pia bɨma wapida chok'ae bɨmisa mãɨ mãrá k'ɨ̃risiapi bait'a.

2 Pedro 1:15

Mãɨpuru mɨa jõma ooipɨ mɨ piuk'ari mãrapa jõma makɨɨ ewaricha k'ɨ̃risiadamẽrá.

2 Pedro 3:1

Ũpẽarã, nãɨ chi mãɨ ɨ̃aripema k'art'a mɨa mãra pae bɨruma. Nãɨ k'art'a bari k'ak'o ume bɨdade, mɨa k'ɨ̃risiapii bɨma chi naena k'awa p'anana k'orea, jĩp'a k'ɨ̃risiadamẽrá.

2 Pedro 3:17

Ũpẽarã, mãrapa mãɨ k'awa p'anɨ pẽra jĩrak'aua p'anat'ɨ ẽpẽra k'achiarãpa piawẽa jaratea p'anɨnepa seapidaemaapa. Mãɨya mãrapa minachia ĩjãa p'anɨt'a itu bɨdaiwẽma.

1 Juan 2:21

Mɨa nãɨ k'art'a bɨwẽa bɨma mãrapa chi piarã pedea atua p'anɨ pẽra mãɨpari bɨruma k'awa p'anɨ pẽra. Mãɨnepa k'awa p'anɨma chi seat'a piarãpemawẽma.

2 Juan 1:2

Mãɨya k'ɨ̃ria p'anɨma, chi piarã pedea tachi sõne bɨ pẽra. Mãɨnepa tachi sõne ewaricha baipɨ.

Juda 1:17

Maamina ũpẽarã, chi Tachi Chipari Jesucristopa peedaɨrãpa naena jaradada k'ɨ̃risiat'ɨ.

Juda 1:3

Ũpẽarã, mɨa nãɨ k'art'ade Tachi Ak'õrepa tachi k'aripada k'orea bɨ k'ɨ̃ria basima. Maamina ara nãɨena bɨruma mãra jĩrak'aua p'ananamẽrá. Ara machia ĩjãa p'anɨ k'orea wawá choa p'anat'ɨ. Tachi Ak'õrepa chi piarãpẽa pedea ichi ẽpẽrarã́ barimama teasima. Mãɨ ewariaba pida k'ĩra awara teaiwẽma.

Juda 1:5

Mãɨ ãarea k'awa p'anɨmina mɨa k'ɨ̃risiapiruma Tachi Chiparipa ichi p'uuru Egitodepa k'aripasit'a. Maamina k'aripak'ari chi ichide ĩjãanawẽa berã k'enasima.