2 Juan 1:12 - Tachi Ak'õre Pedea

¹² Mɨa ne minachia mãrá jara k'ɨ̃ria bɨma. Maamina nãɨ k'art'ade mãɨ ãarea bɨ k'ɨ̃riawẽma. Mɨa mãra ak'ɨde wã k'ɨ̃ria bɨma. Mãɨne mãra ome ará pedeadaipɨ minachia arapá p'ananai k'orea.

2 Juan 1:12 ပူးပေါင်းရင်းမြစ်များ

Juan 15:11

»Mãɨ ãarea mɨa jara bɨma mãra mɨ ome minachia arapá p'ananamẽrá.

Juan 16:12

»Mɨa wapida ne minachia mãrá jarai uru bɨma. Mãɨ mãrapa nãɨena ãarea p'ue k'awadaiwẽma.

Juan 16:24

Mãrapa waidi Tachi Ak'õrea mi ãpia pida mɨ t'ɨ̃nepa ne ididawẽa p'anɨma. Maamina mãɨya ne ididaipɨra mãɨ jitadaipɨ. Mãɨya mãra minachia arapá p'ananaipɨ.

Juan 17:13

»Naapae mɨ pɨmá wãipɨ. Maamina wapida nãɨ ĩjũane bɨde mãɨ ãarea jararuma, arapá p'ananamẽrá, mɨ pɨ ome arapá bɨ jĩra.

Juan 3:29

Miak'ãiutade chi wẽra ataru mãɨ chi atepe bɨma. Maamina chi ichik'á bɨ k'õp'ãero arapá bɨma, ichia pedearut'a ũri bɨẽra. Ara mãɨ jĩra mɨ sõpia bɨma ichi nãma bɨ k'orea.

Romano 15:24

España tuadea wãrune mãra ak'ɨi k'ɨ̃ria bɨma. Mãra ome tãaraa arapá p'aneenak'ari, k'ɨ̃ria bɨma mãrapa mɨ k'aripadait'a, pia wãmẽrá.

2 Timoteo 1:4

Mɨa pɨ jẽasi k'orea k'ɨ̃risiarude ak'ɨde wã k'ɨ̃ria baparima minachia arapá bai k'orea.

P'ilemón 1:22

Mãɨ awara mɨa k'ɨ̃risia bɨma mãrapa Tachi Ak'õrea ɨt'aa chiidi p'anɨnepa mɨ eda serra uru p'anɨnepa awara wãit'a. Mãɨya mɨ mãramá p'ue wãipɨ. Mãɨpuru mɨ pae te yaa uru base.

Hebreo 13:19

Mɨa chichupuria idiruma, mɨ k'orea Tachi Ak'õrea ɨt'aa chiidipadade at'ɨ mãicha isapea mãramá wãpimẽrá.

Hebreo 13:23

K'awat'ɨ tachi ũpẽa Timoteo eda jɨ̃a nɨbada awara wãsit'a. Ichi isapea mɨmá cheipɨra, mãra ak'ɨde wãrune mɨa ichi ateewãipɨ.

1 Juan 1:4

Jõma mãɨ taipa bɨutama tachi minachia arapá p'ananai k'orea.

3 Juan 1:10

Mãɨ k'orea jãmá wãrune mɨa jõmãɨrã́ k'awapiipɨ ichia piawẽa oo bɨt'a. Ichia seadepa tai k'orea k'achia pedeaparima. Mãɨ awara chi ũpẽarã jarateapataɨrã jãmá wãutá ichia pia pedeak'ama mãɨnepa ũpẽarãpa ãchi tede mãɨrã k'ãipidayá ooutade itu k'ãipik'ama. Mãɨrã́ pia pedeasidara mãɨ ũpẽarã ãyá jeret'aaparima.