2 Corintio 9:8 - Tachi Ak'õre Pedea

⁸ Piarã Tachi Ak'õrepa nejõma mãrá minachia p'ue teaipɨ. Mãɨya ewaricha ne ãareaɨne mãrapa uru p'ananai p'anɨt'a piarã uru p'ananaipɨ mãɨnepa nejõma pia oodai k'orea.

2 Corintio 9:8 ပူးပေါင်းရင်းမြစ်များ

Hecho 9:36

Mãɨ ewaride Jesude ĩjãa bɨ wẽra Tabita apataɨ Jope p'uurude basima. Griego pedeade ichi t'ɨ̃ Dorca apachidama. Mãɨ ũpẽawẽrapa nepia be oo bapachima. Chi nenea k'ede minachia k'aripapachima.

1 Corintio 15:58

Mãɨ k'orea ũpẽarã mɨa k'ɨ̃ria berã, minachia ĩjãa p'anat'ɨ. Tachi Chiparipa k'ɨ̃ria bɨ minachia oopariet'ɨ. Mãrapa k'awa p'anɨma chi Tachi Chipari pae oo p'anɨ, pari oo p'anɨwẽt'a.

2 Corintio 13:3

Mãrapa Cristo piarã mɨnepa pedea bɨt'a k'awa k'ɨ̃ria p'anɨẽra mɨa mãɨya unupiipɨ. Cristopa ara ichi ɨbɨwẽa bɨt'a mãrá unupik'ama, mãɨpari chaarea bɨ unupi bɨma.

2 Corintio 8:19

Mãɨ awara ũpẽarã p'uuru bechadepemarãpa ichi jɨrɨ atasidama tai ome erreara ũpẽarã pae jɨrɨp'edada Jerusalenea teade wãmẽrá. Mãɨ taipa oo p'anɨma ũpẽarãpa Tachi Chiparia pia pedeadamẽrá mãɨnepa taipa piarã k'aripa k'ɨ̃ria p'anɨt'a ak'ɨpidai k'orea.

2 Corintio 8:2

Ãchi minachia mĩa p'anɨmina arapá p'anɨma. Nenea p'anɨmina arapaapa erreara minachia teasidama.

2 Corintio 8:7

Mãrapa ne ãareaɨne minachia pia oo p'anɨma: Jesude minachia ĩjãa p'anɨma, minachia pedea k'awa p'anɨma, Tachi Ak'õrenepa minachia ne k'awa p'anɨma, Tachi Ak'õrepa k'ɨ̃ria bɨ jĩra minachia oo k'ɨ̃ria p'anɨma mãɨnepa tai minachia k'ɨ̃ria p'anɨma. Mãɨpuru mãrapa machi sõpiadepa erreara jɨrɨp'e p'anɨ minachia teat'ɨ.

2 Corintio 9:11

Piarã Tachi Ak'õrepa mãrá nejõma minachia teaipɨ waapẽarã sõpiadepa p'ue k'aripadamẽrá. Maapae mãrapa tai ome erreara tea peeuta k'orea ũpẽarãpa Tachi Ak'õrea sõpia bɨade adaipɨ.

Ep'esio 2:10

Tachi Ak'õrepa tachi Jesucristodepa chiwidi oosima nepia oo p'ananamẽrá. Mãɨ nepia ichia naena bɨsima tachia oodamẽrá.

Ep'esio 3:20

¡Tachi Ak'õre minachia pia bɨma! Ichi jua chaarea tachi sõne bɨdepa ne waibɨa p'ue ooipɨ, tachia k'ɨ̃risiapataɨ k'aepẽra wa ichiá ɨt'aa chiidipataɨ k'aepẽra.

P'ilipense 4:11

Mãɨya jarawẽa bɨma mɨ nenea bɨ pẽra. Ne ãareaɨne mɨa k'awasima mãɨya ne k'ɨ̃risiawẽa bait'a, ara mɨa ne uru bɨdepa.

Colosense 1:10

Mãɨya mãra p'ue jĩp'a nipadaipɨ Tachi Chiparipa k'ɨ̃ria bɨ jĩra mãɨnepa ne ãareaɨne ichia mãra pia unuipɨ. Piarã mãrapa nejõma pia oo p'anɨnepa nejõ pia chau bɨ jĩra tuananaipɨ mãɨnepa Tachi Ak'õre pia k'awapododaipɨ.

2 Timoteo 2:21

Tachi sida ara mãɨ jĩra p'anɨma. Tachia k'achia itu bɨdaipɨra, Tachi Chipari pae pia p'ananaipɨ. Mãɨya tachidepa ichia ne p'ue ooipɨ mãɨnepa nejõma pia oodai k'orea p'ananaipɨ.

2 Timoteo 3:17

Mãɨya ẽpẽrarã Tachi Ak'õrenerãpa nejõma pia be oo k'awadak'ari p'ue oo p'ananaipɨ.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Tito 3:14

Tachi chi Cristode ĩjãa berãpa pia oo k'awadai p'anɨma nenea k'ede k'aripadai k'orea. Mãɨya ara tachi pari p'ananaiwẽma.

Tito 3:8

Mãɨ pedea piarã arí bɨ pẽra, mãɨne ĩjãanai p'anɨma. Mɨa k'ɨ̃ria bɨma pɨa mãɨ minachia jaratea bai Tachi Ak'õrene ĩjãa berãpa nejõma pia oo wãnamẽrá. Mãɨ pedea minachia pia bɨma. Jõmãɨrã k'aripaparima.

1 Pedro 4:10

Tachi Ak'õrepa ichi sõpiadepa tachicha Ichi Jaorepa oopi bɨ teasima, waapẽarã k'aripadamẽrá. Tachi Ak'õre pae pari mimiapataɨrã piarã pẽra ichia machicha teadadepa waapẽarã k'aripat'ɨ.