2 Corintio 9:7 - Tachi Ak'õre Pedea

⁷ Ẽpẽracha teai bɨma ichi sõne k'ɨ̃risia bɨ jĩra. Teaemaa bɨdepa teaiwẽa bɨma, mãɨyawẽpɨra teapade a p'anɨ k'orea teaiwẽa bɨma. Chi arapá bɨdepa tea bɨt'a Tachi Ak'õrepa k'ɨ̃ria bɨma.

2 Corintio 9:7 ပူးပေါင်းရင်းမြစ်များ

Hecho 20:35

Ãarea mɨa oodadepa mãrá k'awapisima ɨbɨa mimia p'anɨnepa chichupuria k'ede k'aripadai p'anɨt'a. K'ɨ̃risiadai p'anɨma Tachi Chipari Jesupa nãɨya jarasit'a: “Piipará bɨma abaɨa ne teait'a chi mãɨ jitai k'aepẽra”».

Romano 12:8

Chi tearua teasima ũpẽarã k'aripa p'anɨnepa pia ĩjãanamẽrá. Mãɨya teasipɨra, ũpẽarã k'aripadai p'anɨma pia ĩjãanamẽrá. Chi eda waapẽarã́ teasima ne tea p'anɨnepa waapẽarã k'aripadamẽrá. Mãɨya teasipɨra, sõpiadepa teadai p'anɨma. Chi eda waapẽarã́ teasima chi ĩjãapataɨrã ak'ɨpataɨrã p'ananamẽrá. Mãɨya teasipɨra, jĩp'a oo p'ananai p'anɨma. Mãɨnepa chi eda waapẽarã́ teasima waapẽarã k'ĩra chupuriadamẽrá. Mãɨya teasipɨra, arapaadepa k'ĩra chupuriadai p'anɨma.

2 Corintio 8:12

Piarã abaɨpa p'ue tearu jĩra sõpiadepa teaipɨra, mãɨ teada Tachi Ak'õrepa pia unuipɨ. Abaɨpa ne teai newẽa bɨpɨra, Tachi Ak'õrepa teapade ak'ama.

P'ilemón 1:14

Maamina pɨa pia bɨade aiwẽ pada pẽra, mɨa oo k'ɨ̃riaé pasima. Mɨa chichupuria idi bɨma pɨá jok'ae oopade awẽt'a, mãɨpari k'ɨ̃ria bɨma pɨchiapuru mãɨya oo k'ɨ̃ria bait'a.

Santiago 5:9

Ũpẽarã, waapẽarã k'orea k'achia pedearãt'ɨ Jesucristoa mãra ɨtɨapiemaapa. Jesucristo tachi nepɨra ak'ɨparí tãaraawẽa bɨde cheipɨ.

1 Pedro 4:9

Chi mãra tiida cheutarã́ k'achia k'ɨ̃risiadawẽa pia pedeat'ɨ.