2 Corintio 9:2 - Tachi Ak'õre Pedea

² mɨa k'awa bɨ pẽra mãrapa k'aripa k'ɨ̃ria p'anɨt'a. Mãɨ k'orea nãma Macedonia tuade mɨa ũpẽarã́ mãra k'orea pia pedeaparima. Mɨa ãchiá jarapachima warí ãyo pasiedapema mãra Acaya tuadepemarãpa k'aripadai k'orea p'anasit'a. Mãɨya ũrinana pẽra chok'ará ũpẽarã Macedonianepemarãpa abarik'a k'aripa k'ɨ̃ria p'anɨma.

2 Corintio 9:2 ပူးပေါင်းရင်းမြစ်များ

Hecho 18:12

Galión apataɨ Acaya ĩjũanepema chi chaarea bɨ beeside judiorãpa ará pedeadak'ari Pablo jitadak'ari, ichi mãɨ Galión k'ĩrari ateesidama.

Hecho 24:17

»Mɨ Jerusalén awara bada ãyo minachia bak'ari, maapae mãicha Jerusalenea wãsima, mɨ p'uurudepemarã nenea k'ede pae erreara teai k'orea mãɨnepa Tachi Ak'õrea ãnimara paateai k'orea.

Romano 15:26

Mãɨ erreara ũpẽarã Macedonia tuadepemarãpa mãɨnepa Acaya tuadepemarãpa arapá jɨrɨp'esidama, Tachi Ak'õrene ĩjãapataɨrã Jerusalenepemarã chi nenea k'ede k'aripadai k'orea.

1 Corintio 16:15

Ũpẽarã, mãrapa k'awa p'anɨma Acaya tuade Estep'anapa mãɨnepa ichi ẽpẽrarã naa Jesude ĩjãanana mãɨnepa ãchia k'ɨ̃risia p'anɨ jõma ũpẽarã k'aripadai k'orea.

2 Corintio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Tachi ũpẽa Timoteo mɨ ome bɨma. Nãɨ k'art'a bɨruma ẽpẽrarã Tachi Ak'õrenepemarã Corinto p'uurudepemarã pae mãɨnepa jõma ichi ẽpẽrarã Acaya tuade be pae.

2 Corintio 7:14

Tito mãramá wãi naena mɨa mãra k'orea ichiá pia jarasima. Mɨa jarada jĩra Titopa unune wãna pẽra mɨ mãra k'orea k'ĩra p'erawẽa bɨma. Jõma taipa mãrá jarateadada piarã pasima. Ara mãɨ jĩra jõma taipa Titoa mãra k'orea pia jaradada piarã pasima.

2 Corintio 7:4

Mɨa mãrá piarã pedea bɨma mãɨnepa mãra k'orea mɨ arapá bɨma. Tai minachia mĩa p'anɨne mɨ mãra k'orea sõpia baparima mãɨnepa minachia arapá baparima.

2 Corintio 8:10

Mɨmá mãrapa nãɨya oodaipɨra pia p'ananaipɨ: mãɨ warí ãyo paside, mãrapuru waapẽarã k'aepẽra naa erreara jɨrɨp'e p'aneesidama mãɨnepa mãɨya oo k'ɨ̃riasidama.

2 Corintio 8:11

Mãrapa naa erreara jɨrɨp'e p'anasidaɨde sõpiadepa mãɨya oo p'anasidama. Ara mãɨ jĩra mãrapa sõpiadepa teadayade adada jõma mãɨya teat'ɨ. Mãracha p'ue teadai p'anɨt'u teat'ɨ.

2 Corintio 8:19

Mãɨ awara ũpẽarã p'uuru bechadepemarãpa ichi jɨrɨ atasidama tai ome erreara ũpẽarã pae jɨrɨp'edada Jerusalenea teade wãmẽrá. Mãɨ taipa oo p'anɨma ũpẽarãpa Tachi Chiparia pia pedeadamẽrá mãɨnepa taipa piarã k'aripa k'ɨ̃ria p'anɨt'a ak'ɨpidai k'orea.

2 Corintio 8:24

Mãɨ ũpẽarã́ unupit'ɨ mãrapa ãchi piarã k'ɨ̃ria p'anɨt'a. Mãɨya ãchia k'awadaipɨ taipa mãra k'orea pia jaradada piarã pasit'a. Waapẽarã ũpẽarã pida ara mãɨ jĩra k'awadaipɨ.

2 Corintio 8:8

Mɨa mãɨ oopadade awẽa bɨma, mãɨpari mɨa k'ɨ̃ria bɨma mãrapa unupidait'a ũpẽarã piarã k'ɨ̃ria p'anɨt'a. Mãɨ k'orea mɨa mãrá k'awapi bɨma sãmaasã́ waapẽarãpa erreara ũpẽarã Jerusalenepema pae jɨrɨp'e p'anɨt'a.

1 Tesalonicense 1:7

Mãɨya jõma Cristode ĩjãa berã Macedonia tuadepemarãpa mãɨnepa Acaya tuadepemarãpa mãra k'orea ũrisidama sãmaasã́ p'ananai p'anɨ.

Hebreo 10:24

Jɨrɨdai p'anɨma sãmaasã́ chi k'aripadait'a pia chi k'ɨ̃rianai k'orea mãɨnepa nepia oodai k'orea.