2 Corintio 8:9 - Tachi Ak'õre Pedea

⁹ Mãrapa minachia k'awa p'anɨma Tachi Chipari Jesucristopa ichi sõpiadepa oodat'a. Ichi pajãne nejõma uru bɨmina, mãra pae nãɨ k'ak'uade nenea bɨ jĩra basima mãrapa nejõma Tachi Ak'õrepa tea bɨdepema uru p'ananamẽrá.

2 Corintio 8:9 ပူးပေါင်းရင်းမြစ်များ

Mateo 17:27

Tachi, Tachi Ak'õreneerãmina, mãɨ erreara teadaipɨ, ẽpẽrarãpa tachi k'orea piawẽa k'ɨ̃risiapidaemaapa. Mãɨpuru senianea to ɨade wãse. Chi naa beta pearu it'aede erreara tau aba unuipɨ. Mãɨ erreara jitak'ari, tease mɨ pari mãɨnepa pɨ pari.

Mateo 20:28

Mãɨ jĩra mɨ, chi Ẽpẽra Warra chewẽa bɨma ẽpẽerã chi mɨ pae pari mimiapataɨrã padamẽrá. Mãɨpari mɨ che bɨma ẽpẽerã pae pari mimiaparí bai k'orea. Mãɨya mɨ piuipɨ ẽpẽerã minachia k'aripai k'orea.

Mateo 8:20

Jesupa ichiá jarasima: —Et'erre k'oparí te pará bɨma mãɨnepa ĩpana te pará bɨma, maamina mɨ, chi Ẽpẽra Warra chi mãma k'ãi newẽa bɨma.

Marco 6:3

¿Ichia pak'urudepa ne ook'oapariwẽk'ãra? ¿María warrawẽk'ãra? ¿Ichi ũpẽarã Santiago, José, Juda mãɨnepa Simonwẽk'ãra? ¿Ichi ũpẽawẽrarã sida tachi t'ãena p'anɨwẽk'ãra? Ãchia Jesude ĩjãanai k'ɨ̃rianaé pasima.

Luca 16:11

Ara mãɨ jĩra mãrapa nãɨ ĩjũanepema nepia jĩp'a oodaepɨra ¿Tachi Ak'õrepa pajãnepema nepia mãrá teaik'ãra?

Luca 2:7

K'ãipataɨ te pari newẽ pẽra ichi warra ĩwini t'õna p'arupa pɨrak'ari ãnimara nek'opataɨde eda bɨsima.

Luca 8:3

Cuza k'ima Juana sida basima. Cuzapa Herode tedepema ãarea ak'ɨpachima. Susana sida basima. Mãɨ awara waapẽarã wẽrarã chok'ará p'anasidama. Ãchia ne teapachidama Jesú k'aripadai k'orea.

Luca 9:58

Jesupa jarasima: —Et'erre k'oparí te pará bɨma mãɨnepa ĩpana te pará bɨma, maamina mɨ, chi Ẽpẽra Warra chi mãma k'ãi newẽa bɨma.

Juan 1:10

Mãɨ ɨnaa bɨ ĩjũane basima. Tachi Ak'õrepa ichidepa nãɨ ĩjũa oodamina nãɨ ĩjũanepemarãpa ichi k'awadaé pasima.

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Juan 1:17

Tachi Ak'õrepa naena Moisepa bɨda teasima, maamina Jesucristodepa tachiá k'awapisima ichi piarã sãmaasã́ bɨt'a mãɨnepa ichi sõpiadepa tachi minachia k'aripa bɨt'a.

Juan 12:30

Mãɨne Jesupa jarasima: —Mãɨ pedea mɨ pae pedeaé pasima. Mãɨyawẽa mãra paepuru pedeasima.

Juan 16:15

Jõma mɨ Ak'õrené, ichiaba mõrepɨ. Mãɨ k'orea mɨa jarasima Tachi Ak'õre Jaorepa mɨ pedea ũrik'ari mãrá jarateait'a.

Juan 17:19

Ãchi k'orea ara mɨ pɨ pae awara beeruma, ãchi sida pɨ pae awara p'ananamẽrá pɨ piarãt'a k'awa p'anɨnepa.

Romano 11:12

Judiorãpa Cristo itu bɨdada pẽra ãchi k'aepẽra Tachi Ak'õrepa jõma nãɨ ĩjũanepema judiorãwẽ minachia k'aripa bɨma. Mãɨpuru chi judiorã mãicha Tachi Ak'õre ome pia p'aneeuta ewaride ¿Tachi Ak'õrepa jõmãɨrã pia k'aripaiwẽk'ãra?

Romano 15:3

Piarã Cristo pida ara ichia k'ɨ̃ria bɨt'a ooé pasima, mãɨpari Tachi Ak'õre pedeade bɨ bɨ jĩra mãɨyasima. Nãɨya bɨ bɨma: «Tachi Ak'õre, ãchia pɨ k'orea k'achia pedeasidaɨde mɨ k'orea pida k'achia pedeasidama».

Romano 5:8

Maamina Tachi Ak'õrepa tachi minachia k'ɨ̃ria bɨt'a unupisima wapida nemietaade p'anɨne Cristo tachi k'orea piuda pẽra.

Romano 8:32

Piarã Tachi Ak'õrepa ichi Warra wãak'aé pasima mãɨpari jõma tachi k'orea itu peapisima. Mãɨpuru ¿ichia tachiá nejõma pia Cristo ome ará teaiwẽk'ãra?

1 Corintio 1:4

Mãra Jesucristo ome p'anɨ pẽra Tachi Ak'õrepa ichi sõpiadepa k'aripa bɨma. Mãɨpuru mɨa Tachi Ak'õrea ɨt'aa chiidirucha mãra k'orea sõpia bɨade aparima.

1 Corintio 15:47

Chi naapema ẽpẽra Adán apataɨ yooro ooda pẽra, nãɨ ĩjũanepema pasima. Chi k'aadeapema ẽpẽra Jesucristo apataɨ pajãnepemapɨ.

2 Corintio 13:14

Mɨa k'ɨ̃ria bɨma Tachi Chipari Jesucristopa ichi sõpiadepa mãra k'aripa bait'a, Tachi Ak'õrepa minachia k'ɨ̃ria bait'a mãɨnepa ewaricha Tachi Ak'õre Jaorepa ará pia uru bait'a.

2 Corintio 6:10

Tai sõp'uapatamina ewaricha arapá p'anɨma. Tai nenea k'edema. Maamina taipa chok'ará ẽpẽrarã́ Tachi Ak'õre k'orea k'awapipatama ãchi erreara uru be jĩra p'ananamẽrá. Tai nenea p'anɨmina Tachi Ak'õrenepa nejõma uru p'anɨma.

Ep'esio 2:7

Mãɨ jõma oosima k'aadeapema ewaride ichi sõpia minachia bɨt'a unupii k'orea. Mãɨnepa tachi chi Jesucristo ome p'anɨrã k'aripasima.

Ep'esio 3:19

Ara tachi k'ɨ̃risiadepa p'ue k'awadak'amina mɨa ɨt'aa chiidi bɨma mãrapa mãɨ k'awadamẽrá. K'awasidara ne ãareaɨne Tachi Ak'õre jĩra p'ananaipɨ.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Colosense 1:24

Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea.

1 Timoteo 6:18

Chi ne pará berã́ jarase jõmãɨrã ome nepia oodamẽrá. Mãɨnepa jarase ãchia uru p'anɨnepema sõpiadepa waapẽarã́ teadai k'orea p'ananai p'anɨ.

Hebreo 1:2

Maamina nãɨ k'aadeapema ewaride ichi Warradepa tachiá pedeasima. Ichi Warradepa Tachi Ak'õrepa ne ãarea oosima mãɨnepa ichi bɨsima ne ãarea uru bamẽrá.

Santiago 2:5

Ũpẽarã mɨa k'ɨ̃ria berã, ¡ũrit'ɨ! ¿Tachi Ak'õrepa nãɨ ĩjũane nenea k'ede k'aripawẽk'ãra Jesucristode ĩjãanamẽrá? Mãɨya ãchi ẽpẽra ɨbɨa p'anɨ jĩra p'anɨma. Tachi Ak'õrepa ãchi ichi juade ua baipɨ. Mãɨya piarã jarasima, chi ichi k'ɨ̃ria berã́.

Apocalipsi 2:9

»Mãrapa oo p'anɨt'a mɨa k'awa bɨma. Mãra mĩa p'anɨt'a mãɨnepa nenea k'edet'a k'awa bɨma. Mãɨya p'anɨmina Tachi Ak'õrenepa ɨbɨa p'anɨma. Mɨa k'awa bɨma chi ara ãchi judiorãane apataɨrãpa mãra k'orea k'achia pedeapatat'a. Ãchi Tachi Ak'õrené ẽpẽerãane apatamina tioredé ẽpẽerãpɨ.

Apocalipsi 21:7

Nemietá p'uedaadarãpa jõma mãɨ atadaipɨ warrapa chi ak'õrené atapari jĩra. Mɨ ãchi Tachi Ak'õre paipɨ mãɨnepa mɨ warrarã p'ananaipɨ.

Apocalipsi 3:18

Mãɨpuru mɨa mãrá nãɨya ũraaruma: nee chi ichiera t'ɨpɨde torbarida, mãɨ mɨnepa atat'ɨ. Mãɨya mãra piarã ɨbɨa padaipɨ. Mãɨnepa p'aru t'ot'oa be mɨnepa atat'ɨ jɨ̃nai k'orea. Mãɨya mãra ãk'adá p'anana k'orea k'ĩra p'eradaiwẽma. Mãɨnepa mɨnepa nẽará atat'ɨ mãra taude t'aadak'ari pia ununamẽrá.