2 Corintio 8:3 - Tachi Ak'õre Pedea

³ Mɨa jararuma: ãchia erreara jitapata jĩra sõpiadepa teasidama. Mãɨnepa ãchia p'ue teadai p'anana wãyá teasidama.

2 Corintio 8:3 ပူးပေါင်းရင်းမြစ်များ

Marco 14:8

Nãɨ wẽrapa ara ichi p'ue oosima. Tãaraawẽa bɨde mɨ piuk'ari t'ɨbaridaipɨ. Ichia mɨ mãɨ k'orea k'erapa p'ɨrɨsima.

Hecho 11:29

Mãɨpuru chi Jesude ĩjãapataɨrã Antioquiade p'anɨpa pedea ausidama erreara ũpẽarã Judea tuade berã pae tea peedai k'orea. Ãchicha p'ue teauta jĩra teadayade asidama.

Romano 10:2

Mɨa jararuma ãchia Tachi Ak'õre piarã k'awa k'ɨ̃ria p'anɨ. Maamina Tachi Ak'õrepa k'ɨ̃ria bɨ k'orea piawẽa k'ɨ̃risia p'anɨma.

1 Corintio 16:2

Tomiocha mãracha erreara jitautadepema awara bɨdak'ari yaat'ɨ. Mãɨ mɨ cherude mãrapa jɨrɨp'edaiwẽa p'anɨma.

1 Corintio 9:17

Mɨchia k'ɨ̃ria bɨdepa jarateadapara, ne jitai pasima. Maamina mɨchia k'ɨ̃ria bɨdepa jarateawẽa bɨma. Tachi Ak'õrepuru mɨá jarateapisi pẽra, mɨa mãɨya bai bɨma.

Gálata 4:15

¿K'ãasãasima mãra naena arapá p'ananat'a? Mɨa piarã jararuma mãrapa p'ue oodaipara, ara machi tau noet'ai pasima mɨá teadai k'orea.

P'ilipense 2:13

Ichiapuru mãra k'aripa bɨma ichia k'ɨ̃ria bɨ oo p'ananamẽrá mãɨnepa mãɨya oo k'ɨ̃ria p'ananamẽrá.

Colosense 4:13

Mɨa jararuma: ũpẽa Epap'ra piarã mimia bɨma mãra k'aripai k'orea, jõma ũpẽarã Laodicea p'uurudepemarã mãɨnepa Hierápoli p'uurudepemarã k'aripai k'orea.

1 Tesalonicense 2:8

Taipa mãra minachia k'ɨ̃ria p'anɨ pẽra abapuru chi pedea pia Tachi Ak'õre k'orea mãrá jarateadaé pasima, mãɨpari ne ãareanepa k'aripadai k'orea p'anasidama.

P'ilemón 1:14

Maamina pɨa pia bɨade aiwẽ pada pẽra, mɨa oo k'ɨ̃riaé pasima. Mɨa chichupuria idi bɨma pɨá jok'ae oopade awẽt'a, mãɨpari k'ɨ̃ria bɨma pɨchiapuru mãɨya oo k'ɨ̃ria bait'a.

1 Pedro 4:11

Abaɨpa ne jarateaipɨra, Tachi Ak'õre pedea jaratea bɨ pẽra jĩrak'aua jarateai bɨma. Abaɨpa waapẽarã k'aripaipɨra, Tachi Ak'õre jua chaareadepa k'aripai bɨma. Nejõma oot'ɨ jõmãɨrãpa Jesucristodepa Tachi Ak'õrea pia pedeadamẽrá. Ichiaapuru ewaricha pia pedeadai p'anɨma. Pia bɨma nejõma ichi juade uru bait'a. Minachia pia bɨma mãɨya bait'a.

1 Pedro 5:2

Tachi Ak'õrepa ũpẽarã mãra juade bɨda minachia ak'ɨt'ɨ. Mãɨya oorãt'ɨ waapẽarãpa mĩesa oopi p'anɨ pẽra. Mãɨpari ak'ɨ k'ɨ̃ria p'anɨ pẽra mãɨya oot'ɨ. Erreara awaa p'anɨnepa mãɨ oorãt'ɨ, mãɨpari sõnepa ak'ɨ k'ɨ̃ria p'anɨ pẽra mãɨya oot'ɨ.