2 Corintio 8:18 - Tachi Ak'õre Pedea

¹⁸ Ichi ome taipa ũpẽa aba peeutama. Mãɨ ũpẽapa chi pedea pia Cristo k'orea k'aripa jaratea nipapari pẽra ũpẽarã p'uuru bechadepemarãpa ichi k'orea pia pedeapatama.

2 Corintio 8:18 ပူးပေါင်းရင်းမြစ်များ

Romano 16:4

Perá piusidama mɨ k'aripadai k'orea. Mɨa mãɨnepa jõma ũpẽarã judiorãwẽ pida ãchiá sõpia p'anapade apatama.

1 Corintio 16:3

Mɨ cherude chi ũpẽarã mãrapa jɨrɨ atadada mɨa mãɨrã ome Jerusalenea erreara tea peeipɨ. Ũpẽarã Jerusalenepemarãpa ãchi pia p'anɨane adamẽrá mɨa, ãchi ome k'art'a tea peeipɨ.

1 Corintio 4:17

Mãɨpuru Timoteo mãramá peeruma. Tachi Chiparidepa ichi mɨ warra k'ɨ̃ria bɨ jĩra bɨma mãɨnepa jĩp'a nipaparima. Ichia mãrá k'ɨ̃risiapiipɨ mɨ Jesucristo ome sãmaasã́ nit'a. Mɨ mãɨya nipai bɨt'a ẽpẽrarã Jesucristoderã becha jarateaparima.

1 Corintio 7:17

Tachi Ak'õrepa tachi t'ɨ̃side ara tachi p'anana jĩra p'ananai p'anɨma. K'ak'ua tauchaa basira ara mãɨya bai bɨma. K'ak'ua tauchaawẽa basira ara mãɨya bai bɨma. Tachicha p'ananai p'anɨma Tachi Chiparipa bɨda jĩra. Mɨa ẽpẽrarã Tachi Ak'õrenepemarã becha mãɨya jaratea bɨma.

2 Corintio 12:18

Mɨa Titoa chichupuria idisima mãra ak'ɨde wãmẽrá. Waapẽarã ũpẽa sida ichi ome peesima. Ãchi wãsidaɨde ¿Titopa mãra seasik'ãra erreara jitai k'orea? ¿Taipa abarik'a k'ɨ̃risia uru p'ananaé pasik'ãra? ¿Ara mãɨ jĩra nipadaé pasik'ãra?

2 Corintio 2:12

Mɨ Troa p'uurudea wãsima chi pedea pia Cristo k'orea jarateai k'orea. Mãma Tachi Chiparipa eda wãpataɨ ewaru jĩra oosima ẽpẽrarãpa ũri k'ɨ̃rianamẽrá.

2 Corintio 8:19

Mãɨ awara ũpẽarã p'uuru bechadepemarãpa ichi jɨrɨ atasidama tai ome erreara ũpẽarã pae jɨrɨp'edada Jerusalenea teade wãmẽrá. Mãɨ taipa oo p'anɨma ũpẽarãpa Tachi Chiparia pia pedeadamẽrá mãɨnepa taipa piarã k'aripa k'ɨ̃ria p'anɨt'a ak'ɨpidai k'orea.