2 Corintio 8:10 - Tachi Ak'õre Pedea

¹⁰ Mɨmá mãrapa nãɨya oodaipɨra pia p'ananaipɨ: mãɨ warí ãyo paside, mãrapuru waapẽarã k'aepẽra naa erreara jɨrɨp'e p'aneesidama mãɨnepa mãɨya oo k'ɨ̃riasidama.

2 Corintio 8:10 ပူးပေါင်းရင်းမြစ်များ

Mateo 10:42

Mɨa jararuma: abaɨ pida chi mɨ ome p'ɨrrɨapataɨrã chi k'ɨ̃risia ãpia k'ɨrɨa pania k'õresã́ teaipɨra, Tachi Ak'õrepa piarã mãɨ ẽpẽrá nepia teaipɨ».

Juan 11:50

Romanepemarãpa ãarea tachi judiorã peadai k'aepẽra pia bɨma ẽpẽra aba judiorã ãareaɨrã k'orea piuit'a.

Juan 16:7

Mɨa piarã jararuma: mãra pae pia bɨma mɨ wãit'a. Mɨ wãepɨra mãra K'aripaparí cheiwẽma. Maamina mɨ wãipɨra ichi peeipɨ.

Juan 18:14

Ara mãɨ Caip'apa judiorã́ jara basima ẽpẽra aba judiorã ãareaɨrã k'orea piuit'a pia bɨma.

1 Corintio 10:23

Waapẽarãpa jara p'anɨma «Cristode ĩjãa bɨ pẽra mɨa k'ɨ̃ria bɨ jĩra jõma ooi bɨma». Maamina mɨa jararuma: nejõma ooi bɨmina ãarea tachia oo k'ɨ̃ria bɨpa tachi k'aripak'ama. Piarã jõma tachia oo k'ɨ̃ria bɨt'a ooi bɨmina jõma mãɨpa ũpẽarã k'aripak'ama.

1 Corintio 16:2

Tomiocha mãracha erreara jitautadepema awara bɨdak'ari yaat'ɨ. Mãɨ mɨ cherude mãrapa jɨrɨp'edaiwẽa p'anɨma.

1 Corintio 6:12

Chi eda mãranepemarãpa jarapatama: «Cristode ĩjãa bɨ pẽra mɨa k'ɨ̃ria bɨ jĩra jõma ooi bɨma». Maamina mɨa jararuma tachia k'ɨ̃ria p'anɨ jõma oodai p'anɨmina, jõma tachia oo k'ɨ̃ria p'anɨpa tachi k'aripak'ama. Mãɨpuru jõma mɨa oo k'ɨ̃ria bɨa, p'ue itu oopiiwẽa bɨma.

1 Corintio 7:25

Mãɨ awara chi k'ima waidi atadak'á bee k'orea mɨa jararuma. Tachi Chipari Jesucristopa mɨá mãɨ k'orea jarateapiwẽ pẽra mɨa k'ɨ̃risia bɨt'a jararuma. Mãrapa k'awa p'anɨma Tachi Chiparipa mɨ k'ĩra chupuriada pẽra mɨa piarã jaraparima.

1 Corintio 7:40

Mɨmá mãɨ wẽrapa k'ima ataiwẽpɨra arapá beeipɨ. Ichiaba mɨa k'ɨ̃risia bɨma Tachi Ak'õre Jaorepa mãɨya k'ɨ̃risiapi bɨt'a.

2 Corintio 12:1

Mãicha ara mɨchi k'orea pia pedeaipɨ, mãɨpa waapẽarã k'aripak'amina. Tachi Chiparipa mɨá k'ãmok'araa jĩra unupida mãɨnepa k'awapida mɨa jararuma.

2 Corintio 8:6

Mãɨ k'orea taipa Titoa chichupuria idisidama mãrá jarade wãmẽrá jõma mãrapa sõpiadepa teadayade adada piarã jɨrɨp'edamẽrá.

2 Corintio 8:8

Mɨa mãɨ oopadade awẽa bɨma, mãɨpari mɨa k'ɨ̃ria bɨma mãrapa unupidait'a ũpẽarã piarã k'ɨ̃ria p'anɨt'a. Mãɨ k'orea mɨa mãrá k'awapi bɨma sãmaasã́ waapẽarãpa erreara ũpẽarã Jerusalenepema pae jɨrɨp'e p'anɨt'a.

2 Corintio 9:2

mɨa k'awa bɨ pẽra mãrapa k'aripa k'ɨ̃ria p'anɨt'a. Mãɨ k'orea nãma Macedonia tuade mɨa ũpẽarã́ mãra k'orea pia pedeaparima. Mɨa ãchiá jarapachima warí ãyo pasiedapema mãra Acaya tuadepemarãpa k'aripadai k'orea p'anasit'a. Mãɨya ũrinana pẽra chok'ará ũpẽarã Macedonianepemarãpa abarik'a k'aripa k'ɨ̃ria p'anɨma.

P'ilipense 4:17

Mɨa idiwẽa bɨma mãrapa ne tea peedamẽrá, mãɨpari k'ɨ̃ria bɨma pia oo p'anɨ k'orea Tachi Ak'õrepa mãra pia k'aripait'a.

Hebreo 13:16

K'ɨ̃risia atuarãt'ɨ pia oodai k'orea mãɨnepa mãrapa uru p'anɨnepa chi k'aripa p'ananai k'orea. Mãɨ ãarea Tachi Ak'õrepa pia unu bɨma ãnimara paatea p'anɨ jĩra.