2 Corintio 7:4 - Tachi Ak'õre Pedea

⁴ Mɨa mãrá piarã pedea bɨma mãɨnepa mãra k'orea mɨ arapá bɨma. Tai minachia mĩa p'anɨne mɨ mãra k'orea sõpia baparima mãɨnepa minachia arapá baparima.

2 Corintio 7:4 ပူးပေါင်းရင်းမြစ်များ

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

Romano 5:3

Mãɨ awara tachi minachia mĩa p'anɨne arapá p'anapatama k'awa p'anɨ pẽra makɨɨdepa pia choa k'awadait'a.

1 Corintio 1:4

Mãra Jesucristo ome p'anɨ pẽra Tachi Ak'õrepa ichi sõpiadepa k'aripa bɨma. Mãɨpuru mɨa Tachi Ak'õrea ɨt'aa chiidirucha mãra k'orea sõpia bɨade aparima.

2 Corintio 1:4

Ne ãareaɨne minachia mĩa p'anɨne ichia tai sõpiapiparima waapẽarã minachia mĩa be sõpiapidamẽrá ichia tai sõpiapida jĩra.

2 Corintio 10:8

Pia jaraideepara, Tachi Ak'õrepa taiyá oopi bɨ k'orea mɨa atepe pedea bɨmina mãɨ k'orea k'ĩra p'era bɨwẽma. Tachi Chiparipa taiyá mãɨya oopi bɨma mãrapa pia ĩjãanamẽrá. Ichia tai bɨé pasima mãrapa ĩjãapataɨ itu bɨdamẽrá.

2 Corintio 11:21

Mɨa jararuma: mɨ mãra t'ãena baside, jãɨrã jĩra baé pasima. Mãramá, mɨ mãɨya jua chaareawẽa bada k'orea ¿p'era bai bɨk'ãra? Abaɨ pida ara ichi k'orea p'ue pia pedeaipɨra, mɨa pida ara mɨ k'orea p'ue pia pedeaipɨ. Maamina mãɨya pedeai k'ɨ̃risia newẽa bɨ jĩra pedeai bɨma.

2 Corintio 2:14

Tachi Ak'õrea sõpia bɨade adai p'anɨma. Jesucristopa jõma p'uek'ari tai jõmãɨrã k'ĩrari p'uurujãnea ateewãruma mãɨnepa taidepa tuacha ichi k'orea k'awapi bɨma. Cristo k'orea jaratea p'anɨne Tachi Ak'õre k'ĩrari tai k'era jĩra p'iumá p'anɨma. Mãɨnepa tachia ichi k'orea k'awadait'a k'era jĩra bɨma. Mãɨ k'era chi k'aripai p'anɨ ẽpẽrarãpa mãɨnepa chi atuadai p'anɨ ẽpẽrarãpa ɨ̃patama.

2 Corintio 3:12

Mãɨ pedea chiwidi bɨda piarã jõk'apɨ́ k'awa p'anɨ pẽra taipa pia jarateapatama.

2 Corintio 7:14

Tito mãramá wãi naena mɨa mãra k'orea ichiá pia jarasima. Mɨa jarada jĩra Titopa unune wãna pẽra mɨ mãra k'orea k'ĩra p'erawẽa bɨma. Jõma taipa mãrá jarateadada piarã pasima. Ara mãɨ jĩra jõma taipa Titoa mãra k'orea pia jaradada piarã pasima.

2 Corintio 8:24

Mãɨ ũpẽarã́ unupit'ɨ mãrapa ãchi piarã k'ɨ̃ria p'anɨt'a. Mãɨya ãchia k'awadaipɨ taipa mãra k'orea pia jaradada piarã pasit'a. Waapẽarã ũpẽarã pida ara mãɨ jĩra k'awadaipɨ.

P'ilipense 1:14

Mãɨ k'orea chok'ará ũpẽarãpa Tachi Chiparidepa Tachi Ak'õre pedea ne wap'eawẽa jara p'anɨma.

P'ilipense 1:20

Cristo k'orea mɨ mi ãpia pida p'eraiwẽa bɨma, mãɨpari ichi k'orea pedeai k'orea p'eraiwẽa bɨma. Mãɨya mɨa jõmãɨrã́ Cristo chi atepe bɨt'a k'awapiipɨ, ewaricha oo bapari jĩra. Chok'ae beeipɨra wa piuipɨra, mɨa k'ɨ̃ria bɨma jõmãɨrãpa mɨnepa k'awadait'a Cristo chi atepe bɨt'a.

P'ilipense 1:26

Jesucristopa mɨ mãramá mãicha ateerude mãra ichi k'orea pia arapaadak'ari pia jaradaipɨ.

P'ilipense 2:17

Tãaraawẽa bɨde mɨ Cristo k'orea peadai p'anɨma, uvaba Tachi Ak'õrea weateai jĩra. Ara mãɨya mãrapa Cristode ĩjãa p'anɨt'a ãnimara Tachi Ak'õrea paateai jĩra bɨma. Mãɨ k'orea mɨ mãra ome minachia arapá bɨma.

Colosense 1:24

Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea.

1 Tesalonicense 2:19

Piarã tai mãra k'orea arapá p'anɨma. Mãɨ awara k'awa p'anɨma Tachi Chipari Jesucristo cherude taipa mãra jĩp'a p'anɨt'a ichiá unupidaipɨ. Mãɨne ichi k'ĩrari mãra k'orea tai sõpia p'ananaipɨ.

1 Tesalonicense 2:2

K'awa p'anɨma mãramá wãnai naena P'ilipodepemarãpa tai k'orea k'achia pedeasidaɨt'a mãɨnepa piawẽa oosidaɨt'a. Mãɨ awara mãramá chesidaɨde chok'araɨrãpa k'ɨ̃rianaé pasima taipa jaratea p'anɨt'a. Maamina Tachi Ak'õrepa sõpiapisima ichi pedea pia mãrá ne wap'eawẽa jarateadamẽrá.

2 Tesalonicense 1:4

Mãɨ k'orea taipa ẽpẽrarã Tachi Ak'õrenepemarã p'anɨmá mãra k'orea arapá nepɨrɨpatama. Jarapatama ẽpẽrarãpa mĩapidai k'orea ẽp'ẽ p'anɨmina mãrapa wapida Cristode ĩjãa p'anɨ mãɨnepa minachia mĩa p'anɨmina jõma choa p'anɨ.

P'ilemón 1:7

Ũpẽa, pɨa ẽpẽrarã Tachi Ak'õrenepemarã k'ɨ̃rianepa sõpiapida pẽra mɨ sida arapaapisima mãɨnepa minachia sõpia nipapisima.

Santiago 1:2

Ũpẽarã, ne wawariade mĩa p'anɨne minachia arapá p'anat'ɨ.