2 Corintio 7:2 - Tachi Ak'õre Pedea

² Sõnepa tai k'ɨ̃riat'ɨ. Taipa abaɨ sida mietá oodawẽa p'anɨma, mi ãpia pida nemietá k'ɨ̃risiapidaemaa p'anɨma mãɨnepa seadawẽa p'anɨma.

2 Corintio 7:2 ပူးပေါင်းရင်းမြစ်များ

Mateo 10:14

Abaɨpa mãrá pia chesiade aepɨra, mãɨyawẽpɨra mãra pedea ũri k'ɨ̃riaepɨra, mãmãɨpa wãt'ɨ. Ãchi tiidaɨpa mãɨyawẽpɨra p'uurudepa wãutade yooro jora mãra jĩrunepema jãrap'et'at'ɨ.

Mateo 10:40

»Chi mãrá pia chesidade a bɨpa, mɨá pia chesiade a bɨma. Chi mɨá pia chesiade a bɨpa chi mɨ Peedá pia pedea bɨma.

Luca 10:8

»P'uurude cheutade ẽpẽrarãpa mãra pia pedeadaipɨra, ãchia mãrá teauta k'ot'ɨ.

Hecho 20:33

»Mɨa chĩara p'arat'a, nee wa chi neet'á ara mɨ pae k'ɨ̃riaé pasima.

Romano 16:18

Ãchia Tachi Chipari Jesucristopa k'ɨ̃ria bɨ oo p'anɨwẽma, mãɨpari ãchia k'ɨ̃ria p'anɨt'a oo p'anɨma. Ãchi pedea pia bɨdepa chi k'ɨ̃risiadawẽa berã seapatama.

2 Corintio 1:12

Nãɨ k'orea arapá p'anɨma: taipa k'awa p'anɨma sõ jĩp'a p'anɨnepa, k'ɨ̃risia piadepa nãɨ ĩjũanepemarã t'ãena mãɨnepa mãra t'ãena pia nipadada. Mãɨ sõ jĩp'a bai mãɨnepa k'ɨ̃risia pia Tachi Ak'õrenepemapɨ. Tai nãɨ ĩjũanepema k'ɨ̃risiadepa mãɨya nipadak'ama, mãɨpari Tachi Ak'õrepa ichi sõpiadepa k'aripa bɨ pẽra mãɨya nipapatama.

2 Corintio 11:16

Mɨa mãicha jararuma: mi abaɨ pida k'ɨ̃risiaiwẽa bɨma mɨ k'ɨ̃risia newẽa bɨt'a. Maamina mãɨya k'ɨ̃risiadaipɨra, mɨ k'ɨ̃risia newẽa bɨ jĩra itu pedeapit'ɨ mɨa pida ara mɨchi k'orea ãpia pia pedeai k'orea.

2 Corintio 11:9

Mɨ mãramá baside nejõma uru badawẽmina mãrá idié pasima. Mãɨpari mɨa wẽa bada ũpẽarã Macedonianepema chedaadarãpa ãarea teasidama. Mɨa mi ãpia pida mãrá idié pasima mãɨnepa idiwẽa baipɨ.

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

P'ilipense 2:29

Ichiá sõpia pedeat'ɨ, Tachi Chiparide ĩjãa bɨ pẽra. Chi ichi jĩra be k'orea pia k'ɨ̃risiat'ɨ.

Colosense 4:10

Ũpẽa Aristarco mɨ ome eda jɨ̃a nɨbɨma. Ichia mãrá pia bapade a jara peeruma. Bernabé meme warra Marcopa pia bapade a jara peeruma mãrá. Ichi k'orea mɨa naena k'art'ade bɨsima. Ichi mãramá wãipɨra, ichiá pia pedeat'ɨ.

1 Tesalonicense 2:10

Mãrapa k'awa p'anɨma, Tachi Ak'õre pida k'awa bɨma tai mãra chi Cristode ĩjãapataɨrã t'ãena pia, jĩp'a mãɨnepa nepɨra pará bɨade adawẽa nipasidama.

P'ilemón 1:12

Ichi pɨmá jĩitea peeruma. Mɨa ichi minachia k'ɨ̃ria bɨma. Mɨ chupuria ichi pia uru base mɨa uru bada jĩra.

P'ilemón 1:17

Pɨmá, tachia Tachi Ak'õre pae abarik'a oo p'anɨpɨra, Onesimoa pia pedease mɨá pia pedearu jĩra.

2 Juan 1:10

Chi ẽpẽra mãramá wãrune Cristopa jarateada jĩra jarateawẽpɨra, mãɨ mãra tede eda chepirãt'ɨ mãɨnepa «sõpia p'anɨane pɨ cheda k'orea» arãt'ɨ.