2 Corintio 7:15 - Tachi Ak'õre Pedea

¹⁵ Titopa k'ɨ̃risia baparima mãrapa ichia jarada jĩra oosidama mãɨnepa wap'ea p'anɨnepa ichi pia bɨade asidama. Mãɨpuru mãra minachia k'ɨ̃ria bɨma.

2 Corintio 7:15 ပူးပေါင်းရင်းမြစ်များ

Juan 16:21

Piarã wẽra warra t'õrune p'uaparima ichi ewari pada pẽra. Maamina warra t'õk'ari mãɨ p'ua bada k'ɨ̃risia atuaparima ichi warra k'orea arapá bɨ pẽra.

Hecho 16:29

Maapae chi jɨ̃a nɨbɨpataɨ te ot'eaparipa ĩpira enemeepik'ari Pablo mãɨnepa Sila p'anɨmá isapea eda wãsima. Ne wap'eapa k'ak'ua ore nɨbɨpa ãchi k'ĩrari bedabari k'obeesima.

1 Corintio 2:3

Mãɨne mɨ ɨbɨwẽa bɨ k'ɨ̃risiasima. Mãɨnepa p'ue pia jarateawẽa k'ɨ̃risia bada pẽra wap'eapa k'ak'ua ãarea ore nɨbapachima.

2 Corintio 2:9

Mɨa naena mãɨ k'orea bɨsima mãrapa piarã jõma mɨa jarada oodai k'awai k'orea.

2 Corintio 6:12

Piarã taipa mãra sõnepa k'ɨ̃ria p'anɨma, maamina mãrapa sõnepa tai k'ɨ̃rianawẽa p'anɨma.

Ep'esio 6:5

Chi chipari pae pari mimiapataɨrã, mãra chi nãɨ ĩjũanepema chipari wap'ea p'anɨnepa, ichia jararu sõnepa jõma oot'ɨ, Cristo pedea oo p'anɨ jĩra.

P'ilipense 1:8

Tachi Ak'õrepa k'awa bɨma mɨa Jesucristo minachia k'ɨ̃ria bɨdepa jõma mãra sida minachia k'ɨ̃ria bɨt'a.

P'ilipense 2:12

Mãɨya mɨ ũpẽarã chi k'ɨ̃ria berã, mɨ mãra ome badadepa Tachi Ak'õre pedea jara bɨ jĩra oo p'anɨma. Naapae mɨ mãra ome bɨwẽmina Tachi Ak'õre minachia wap'ea p'anɨnepa mãɨ oo p'anat'ɨ ichia mãra k'aripada pẽra.

Colosense 3:12

Tachi Ak'õrepa mãra k'ɨ̃rianepa jɨrɨ atasima ichi pae pia p'ananamẽrá. Mãɨpuru waapẽarã k'ĩra chupuria p'anat'ɨ. Ẽpẽra pia p'anat'ɨ. Mãra chi atepe be k'ɨ̃risiarãt'ɨ. Jõmãɨrã ome k'ɨ̃risia piadepa p'anat'ɨ. Ara machi paara choa p'anat'ɨ.

2 Tesalonicense 3:14

Taipa nãɨ k'art'ade jarateadada abaɨ pida ĩjãaepɨra, jõmãɨrã́ k'awapit'ɨ piawẽa oo bɨt'a. Ichi ome ará p'anarãt'ɨ p'eramẽrá.

1 Juan 3:17

Chi nãɨ ĩjũane ne uru bɨpa chi nenea bɨ ũpẽa unu bɨt'a k'aripaepɨra, ¿Tachi Ak'õrepa k'ɨ̃ria bɨ jĩra ichi sõne mãɨya bɨk'ãra? Mãɨyawẽma.