2 Corintio 7:14 - Tachi Ak'õre Pedea

¹⁴ Tito mãramá wãi naena mɨa mãra k'orea ichiá pia jarasima. Mɨa jarada jĩra Titopa unune wãna pẽra mɨ mãra k'orea k'ĩra p'erawẽa bɨma. Jõma taipa mãrá jarateadada piarã pasima. Ara mãɨ jĩra jõma taipa Titoa mãra k'orea pia jaradada piarã pasima.

2 Corintio 7:14 ပူးပေါင်းရင်းမြစ်များ

Juan 17:19

Ãchi k'orea ara mɨ pɨ pae awara beeruma, ãchi sida pɨ pae awara p'ananamẽrá pɨ piarãt'a k'awa p'anɨnepa.

2 Corintio 10:8

Pia jaraideepara, Tachi Ak'õrepa taiyá oopi bɨ k'orea mɨa atepe pedea bɨmina mãɨ k'orea k'ĩra p'era bɨwẽma. Tachi Chiparipa taiyá mãɨya oopi bɨma mãrapa pia ĩjãanamẽrá. Ichia tai bɨé pasima mãrapa ĩjãapataɨ itu bɨdamẽrá.

2 Corintio 12:6

Piarã ara mɨchi k'orea pia pedea k'ɨ̃ria bɨpara mɨ k'ɨ̃risia newẽa bɨ jĩra pedeaé pasima, chi piarã pedea pedeai pasi pẽra. Maamina mɨa mãɨya pedeawẽma mi ãpia pida mɨ pia bɨt'a k'ɨ̃risiapidaemaapa. Mãɨpari mɨa k'ɨ̃ria bɨma mãrapa mɨ k'orea arí k'ɨ̃risiadait'a mɨa oo bɨt'a unu p'anɨ pẽra mãɨnepa mɨa jaratea bɨt'a ũri p'anɨ pẽra.

2 Corintio 2:13

Maamina mɨ ũpẽa Tito unué pẽra sõne ne k'ɨ̃risiawẽa baé pasima. Mãɨ k'orea ũpẽarã ome ará nɨbeek'ari mɨ wãyane asima. Ara mãɨne Macedonia tuadea Tito jɨrɨde wãsima.

2 Corintio 7:13

Jõma mãɨpa tai sõpiapisima. Mãɨ awara mãrapa Tito sõpiapisidama. Ichi mãramãɨpa arapá cheda pẽra tai arapaapisima.

2 Corintio 7:4

Mɨa mãrá piarã pedea bɨma mãɨnepa mãra k'orea mɨ arapá bɨma. Tai minachia mĩa p'anɨne mɨ mãra k'orea sõpia baparima mãɨnepa minachia arapá baparima.

2 Corintio 7:6

Maamina Tito cheside tai sõpiasidama Tachi Ak'õrepa chi k'ĩra piawẽa be sõpiapipari pẽra.

2 Corintio 8:24

Mãɨ ũpẽarã́ unupit'ɨ mãrapa ãchi piarã k'ɨ̃ria p'anɨt'a. Mãɨya ãchia k'awadaipɨ taipa mãra k'orea pia jaradada piarã pasit'a. Waapẽarã ũpẽarã pida ara mãɨ jĩra k'awadaipɨ.

P'ilipense 1:26

Jesucristopa mɨ mãramá mãicha ateerude mãra ichi k'orea pia arapaadak'ari pia jaradaipɨ.

2 Tesalonicense 1:4

Mãɨ k'orea taipa ẽpẽrarã Tachi Ak'õrenepemarã p'anɨmá mãra k'orea arapá nepɨrɨpatama. Jarapatama ẽpẽrarãpa mĩapidai k'orea ẽp'ẽ p'anɨmina mãrapa wapida Cristode ĩjãa p'anɨ mãɨnepa minachia mĩa p'anɨmina jõma choa p'anɨ.