2 Corintio 7:11 - Tachi Ak'õre Pedea

¹¹ Tachi Ak'õrepa k'ɨ̃ria bɨ jĩra mãra sõp'uasida pẽra mãɨ sõp'uapa mãrá jĩp'a k'ɨ̃risiapik'ari jĩp'a oopisima. Mãɨpuru mãrapa jĩp'a oo p'anɨ jõmãɨrã́ k'awapi k'ɨ̃ria p'anɨma. Chi mãɨ ũpẽapa nemietá ooda k'orea mãra k'ĩruusidama mãɨnepa Tachi Ak'õrepa ɨtɨai pada wap'easidama. Mãɨ k'orea chi nemietá ooda ẽpẽra ɨtɨadak'ari ãyá jeret'aasidama. Nejõmane mãrapa unupisidama mãɨ nemietá ooda k'orea nepɨradawẽa p'anɨt'a.

2 Corintio 7:11 ပူးပေါင်းရင်းမြစ်များ

Marco 3:5

Mãɨne Jesú k'ĩra piawẽa beesima ãchi sõ chaarea p'anasideepuru. Ãchi k'ĩruu ak'ɨside chi jua sorek'ea bɨa jarasima: —Jua ɨase. Mãɨya ɨaside ichi jua jɨpa beesima.

Juan 2:17

Mãɨne ichi ome p'ɨrrɨapataɨrãpa k'ɨ̃risiasidama Tachi Ak'õre pedeade nãɨya bɨ bɨt'a: «Mɨa pɨ te minachia k'ɨ̃ria bɨ pẽra mɨ peapidaipɨ».

Hecho 17:16

Pablopa Sila mãɨnepa Timoteo Atena p'uurude nɨbɨmisa mãɨ juapa oodada sãdo minachia mãɨ p'uurude unuk'ari sõp'ua beesima.

Romano 11:20

Piarã mãɨya bɨma. Maamina Tachi Ak'õrepa ãchi itu bɨsima Cristode ĩjãanaé pasi pẽra. Maapae mãra jɨrɨ atasima Cristode ĩjãanana pẽra. Mãɨ k'orea mãra judiorã k'aepẽra pia be k'ɨ̃risiarãt'ɨ, mãɨpari Tachi Ak'õre wap'ea p'anat'ɨ.

Romano 14:18

Chi mãɨya Cristo pae mimiapataɨrã Tachi Ak'õrepa pia unu bɨma. Ẽpẽrarã pida pia unupatama.

Romano 3:5

Mɨ pedearuma ẽpẽrarã pedeapata jĩra. Chi eda waapẽarãpa jarapatama nemietá oo p'anɨnepa, chi Tachi Ak'õre jĩp'a bɨt'a unupipataade apatama. Mãɨne Tachi Ak'õrepa ɨtɨaipɨra, ichi jĩp'a bɨwẽane apatama. ¿Chi mãɨya jara p'anɨa k'ãre jaradaima? ¿Jaradaik'ãra Tachi Ak'õre jĩp'a bɨwẽt'a, tai ɨtɨai pẽra?

1 Corintio 12:25

Mãɨya oosima tachi k'ak'ua piawẽa beepiemaapa, mãɨpari ara machi paara ak'ɨ p'ananamẽrá.

1 Corintio 5:2

Maamina ¡mãrapa wapida k'ɨ̃risia p'anɨma waapẽarã k'aepẽra piipará berãpɨ! ¿Mãɨ ẽpẽrapa nemietá ooda k'orea minachia sõp'ua p'aneenaiwẽk'ãra? ¿Mãɨ mãranepema ãyá bɨdai p'anasidawẽk'ãra?

2 Corintio 13:7

Taipa Tachi Ak'õrea idi p'anɨma mãrá nemietá oopidaemaapa. Maamina mãɨya idi p'anɨwẽma ak'ɨpidai k'orea tai Jesucristopa peedaɨrãt'a. Mãɨpari idi p'anɨma mãrapa jõma pia oodamẽrá, tai Jesucristopa peedaɨrãt'a k'ɨ̃risiadawẽa p'anɨmina.

2 Corintio 2:6

Perá jõma mãranepemarãpa mãɨ ẽpẽra nemietá ooda k'orea ɨtɨasidama. Ara mãɨpa arí bɨma.

2 Corintio 6:4

Mãɨpari ne ãareaɨne unupi p'anɨma tai Tachi Ak'õre pae pari mimiapataɨrã. Minachia mĩa p'anɨne, nenea p'anɨne mãɨnepa nepɨrade p'anɨne jõma choa p'anɨnepa mãɨya unupi p'anɨma.

2 Corintio 7:1

Ũpẽarã, Tachi Ak'õrepa tachiá mãɨ jõma ooyade ada pẽra nãɨ k'ak'uapa nemietá ooparí mãɨnepa tachi k'ɨ̃risiadepa nemietá k'ɨ̃risiaparí jõma itu bɨdai p'anɨma. Tachi Ak'õre minachia wap'ea p'anɨnepa ichi pae pia p'ananai p'anɨma.

2 Corintio 7:7

Tai abapuru ichi cheda k'orea sõpia p'aneenaé pasima, mãɨpari mãra k'orea sõpia p'aneesidama. Ichia jarasima mãra ome baside mãrapa ichi sõpiapisidama. Mãɨ awara nepɨrɨsima mãrapa tai ununayá p'anɨt'a, nemietá oodada k'orea sõp'uapa jẽa p'anɨt'a, mãɨnepa k'ɨ̃rianepa mɨ k'ɨ̃risia p'anɨt'a. Mãɨ k'orea mɨ minachia arapá beesima.

2 Corintio 7:9

Maamina naapae mɨ arapá bɨma. Arapá bɨwẽma mãra sõp'uapida pẽra, mãɨpari arapá bɨma mãrapa nemietá oo p'anana sõp'uadepa itu bɨdak'ari mãicha Tachi Ak'õremá chesida pẽra. Piarã Tachi Ak'õrepa k'ɨ̃ria bɨ jĩra mãra sõp'ua p'anasidama. Mãɨya taipa ɨtɨadada k'orea mãra piawẽa p'aneenaé pasima.

2 Corintio 9:2

mɨa k'awa bɨ pẽra mãrapa k'aripa k'ɨ̃ria p'anɨt'a. Mãɨ k'orea nãma Macedonia tuade mɨa ũpẽarã́ mãra k'orea pia pedeaparima. Mɨa ãchiá jarapachima warí ãyo pasiedapema mãra Acaya tuadepemarãpa k'aripadai k'orea p'anasit'a. Mãɨya ũrinana pẽra chok'ará ũpẽarã Macedonianepemarãpa abarik'a k'aripa k'ɨ̃ria p'anɨma.

Ep'esio 4:26

K'ĩruunaipɨra nemietá oorãt'ɨ. Mãra k'ĩruu p'anɨmisa chi k'ĩruuna ome sõpia pedeat'ɨ ewari k'iui naena.

Ep'esio 5:11

P'ãrionenemarãpa nemietá oopatadepa nepia be chek'ama. Mãɨpuru abarik'a oorãt'ɨ, mãɨpari k'awapit'ɨ ãchia nemietá oopataɨ.

P'ilipense 2:12

Mãɨya mɨ ũpẽarã chi k'ɨ̃ria berã, mɨ mãra ome badadepa Tachi Ak'õre pedea jara bɨ jĩra oo p'anɨma. Naapae mɨ mãra ome bɨwẽmina Tachi Ak'õre minachia wap'ea p'anɨnepa mãɨ oo p'anat'ɨ ichia mãra k'aripada pẽra.

1 Tesalonicense 4:6

Mãɨneepuru tachi ũpẽarã nemietá oorãt'ɨ, mãɨnepa mãɨya searãt'ɨ. Jõma makɨɨ Tachi Chiparipa ɨtɨaipɨ taipa mãrá jaradada jĩra.

1 Timoteo 5:20

Maamina ũpẽarã ak'ɨparipa nemietá oo k'ãri bɨpɨra, jõmãɨrã k'ĩrari ɨtɨase waapẽarãpa wap'eadamẽrá.

2 Timoteo 2:15

Tachi Ak'õre pedea piarãpema arí jaratea bɨ unupi base. Mimiaparí pia bɨ jĩra jĩrak'aua oo base Tachi Ak'õrepa pɨ p'erawẽa pia unumẽrá.

Tito 3:8

Mãɨ pedea piarã arí bɨ pẽra, mãɨne ĩjãanai p'anɨma. Mɨa k'ɨ̃ria bɨma pɨa mãɨ minachia jaratea bai Tachi Ak'õrene ĩjãa berãpa nejõma pia oo wãnamẽrá. Mãɨ pedea minachia pia bɨma. Jõmãɨrã k'aripaparima.

Hebreo 4:1

Tachi Ak'õrepa piarã jara bɨma tachi wapida ichia ɨ̃apaapii bɨmá p'ue padai p'anɨt'a. Maamina jĩrak'aua p'anat'ɨ. Mãɨyawẽpɨra abaɨ mãranepema mãma p'ue paiwẽma.

Santiago 3:17

Maamina chi Tachi Ak'õrepa tea bɨ k'ɨ̃risia uru bepa ne ãareaɨne jĩp'a oopatama, jõmãɨrã ome ne k'ɨ̃risiawẽa p'ananamẽrá jɨrɨpatama, jõmãɨrã ome pia p'anapatama, waapẽarãpa jara bɨ ũrinai k'orea p'anapatama, chĩara k'ĩra chupuriapatama mãɨnepa nejõma pia oopatama. Abaɨ waapẽarã k'aepẽra pia atepe k'ɨ̃rianak'ama. Ichia jara bɨ jĩra ara mãɨya ooparima.

1 Pedro 1:17

Mãrapa Tachi Ak'õrea pedeautade mãra Ak'õreane apatapɨra, k'awat'ɨ Ichia ẽpẽra waapẽarã k'aepẽra atepe k'ɨ̃riawẽanepa jõma ak'ɨipɨ, tachicha oodada k'orea. Mãɨpuru wapida nãɨ ĩjũane p'anɨmisa tua awaraɨdepemarã jĩra ewaricha ichi wap'ea p'anɨnepa jĩp'a nipat'ɨ.

1 Pedro 2:2

Tachi Chiparipa piadepa mãra k'aripaparit'a k'awasidama. Mãɨpuru warra chak'e chiwidi t'õnapa juto k'ɨ̃ria bapari jĩra, Tachi Ak'õre pedea pia k'awa k'ɨ̃riat'ɨ. Ichi pedea jubaara jĩra bɨma. Mãɨ chi pedea k'awa p'ananaipɨra, waridaipɨ ichia mãra k'ariparudea.

Juda 1:23

Chi t'ɨpɨ tau urua nɨbɨdea wãuta k'aripa p'anat'ɨ. Waapẽarã k'ĩra chupuria p'anat'ɨ, maamina jĩrak'aua p'anat'ɨ. Ãchia nemietá ãarea oopataɨ itu bɨt'ɨ.

Apocalipsi 3:19

Chi mɨa k'ɨ̃ria bɨ ẽpẽerã ɨtɨak'ari ũraaparima, mɨ pedea oodamẽrá. Mãɨpuru ya mɨmá chedak'ari machi sõnepa piarã mɨ ome nipat'ɨ.