2 Corintio 6:9 - Tachi Ak'õre Pedea

⁹ Tai pia k'awa p'anɨmina ãchia ununak'apɨ́ ẽpẽrarã jĩra oopatama. Tai piumaa p'anɨ jĩra k'ɨ̃risia p'anɨmina wapida chok'ae p'anɨma. Tai soapa p'epatamina peadak'ama.

2 Corintio 6:9 ပူးပေါင်းရင်းမြစ်များ

Hecho 17:18

Chi eda waapẽarã ẽpẽerã epicureorã k'ɨ̃risia ĩjãa berã mãɨnepa estoico k'ɨ̃risia ĩjãa berã mãma p'anasidama. Mãɨ ẽpẽerã Pablo ome pedea p'anɨne chi eda waapẽarãpa ara ãchi tuaba idi tuanasidama: «¿K'ãret'a jara bɨma nãɨ chi minachia pedeaparipa?» Awaraɨrãpa p'anoosidama: «Taimá, tua awaraɨdepema Tachi Ak'õre k'orea jaratea bɨma». Mãɨya jarasidama Pablopa chi pedea pia Jesú k'orea mãɨnepa tachi chok'ae p'irabaridai k'orea jaratea bada pẽra.

Hecho 19:26

Maamina mãrapa unu p'anɨma mãɨnepa ũri p'anɨma jãɨ Pablopa juapa oodada sãdo Tachi Ak'õre chi piarãwẽane a bɨt'a. Ichia nãɨ Ep'esode mãɨnepa perá ãarea Asia tuade ara mãɨya jara nipaparima. Mãɨpuru minachia ẽpẽerãpa Artemisa itu bɨutama.

Hecho 25:19

Mãɨpari ichi nepɨra pará bɨade a jara p'anasidama chi ãchia ĩjãa p'anɨ awara jaratea bɨ k'orea mãɨnepa ẽpẽra Jesú apataɨ k'orea. Mãɨ piudamina Pablopa jara bɨma chok'ae bɨt'a.

Hecho 25:26

Maamina mɨa piarã k'awawẽma k'ãre bɨit'a ichi nepɨra k'orea chi poro chaarea bɨpa mãɨ k'awamẽrá. Mɨmá mi ãpia pida bɨwẽpɨra pari peeipɨ. Mãɨpuru ichi mãra k'ĩrari enemeepisima. Judiorã poro jũra jɨ̃parí jɨ̃ bɨ Agripa, mɨa k'ɨ̃ria bɨma pɨapuru mãɨa pia ũriit'a. Mãɨya chi mãrapa ichiá minachia ididak'ari, mɨa tachi poro chaarea pae ichia nemietá oodat'a k'art'ade p'ue bɨipɨ.

Romano 15:19

mãɨnepa ẽpẽerãpa ne p'ue oodak'apɨɨdepa mãɨya k'aripasima. Mɨa Tachi Ak'õre Jaore jua chaareadepa jõma mãɨ ãarea oosima. Jerusalenepa Ilírico tuadea chi pedea pia Cristo k'orea mɨa jõma jarateai badamá jarasima.

Romano 8:36

Tachi Ak'õre pedeade nãɨya bɨ bɨma: «Ewaricha pɨ k'orea tai pea k'ɨ̃ria p'anɨma. Oveja peauta jĩra peadai k'ɨ̃risia p'anɨma».

1 Corintio 11:32

Maamina tachi ak'ɨrude, tachi ɨtɨaparima nãɨ ĩjũanepemarã ome nepɨra pará bɨade apiemaapa.

1 Corintio 15:31

Ũpẽarã, mãrapa Tachi Chipari Jesucristode ĩjãa p'anɨ k'orea mɨ piarã arapá bɨma. Piarã jararuma: ewaricha k'ɨ̃risia bɨma ẽpẽrarãpa mɨ chi Jesú pedea k'orea peadai.

1 Corintio 4:9

Maamina mɨa k'ɨ̃risia bɨma tai chi Jesucristopa peedaɨrã Tachi Ak'õrepa jõmãɨrã k'aepẽra k'aadea bɨsit'a. Tai chi nepɨra ak'ɨparipa jõmãɨrã k'ĩrari peapipade a bɨ jĩra p'anɨma. Ẽpẽrarãpa mãɨnepa Tachi Ak'õrepa ɨt'aripa peedaɨrãpa, jõmãɨrãpa ak'ɨ p'anɨma piudai k'awadai k'orea.

2 Corintio 11:6

Mɨ pedea pia bɨdepa pedeak'amina, piarã pedea minachia k'awa bɨma. Mãɨ piarã pedea taipa ne ãareaɨnepa mãrá minachia k'awapisidama.

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

2 Corintio 5:11

Tachi Chipari wap'ea p'anɨ pẽra taipa ẽpẽrarã́ jara p'anɨma ichide ĩjãanamẽrá. Tachi Ak'õrepa k'awa bɨma taipa k'ɨ̃risia piadepa jaratea nipadada. Mɨa k'ɨ̃risia bɨma mãra pida mãɨ k'awa p'anɨt'a.