2 Corintio 6:6 - Tachi Ak'õre Pedea

^6-7 Tai jĩp'a nipadadepa, piarã k'ɨ̃risia k'awaadepa, jõma choa p'anɨnepa, sõpiadepa, Tachi Ak'õre Jaore tai sõne bɨdepa, piarã k'ɨ̃rianepa, chi piarã pedea jaratea p'anɨnepa, mãɨnepa Tachi Ak'õre jua chaareadepa mãɨya unupi p'anɨma. Tai jĩp'a p'anɨnepa nemietá p'uepatama mãɨnepa ara mãɨ jĩp'a p'anɨnepa taipa chi nemietá itu p'uepidakama.

2 Corintio 6:6 ပူးပေါင်းရင်းမြစ်များ

Romano 12:9

Machi sõnepa chi k'ɨ̃ria p'anat'ɨ. Jõma nemietá itu bɨt'ɨ. Chi pia bet'a oopariet'ɨ.

Romano 15:19

mãɨnepa ẽpẽerãpa ne p'ue oodak'apɨɨdepa mãɨya k'aripasima. Mɨa Tachi Ak'õre Jaore jua chaareadepa jõma mãɨ ãarea oosima. Jerusalenepa Ilírico tuadea chi pedea pia Cristo k'orea mɨa jõma jarateai badamá jarasima.

1 Corintio 12:8

Tachi Ak'õre Jaorepa chi eda tachidiidepemarã́ tea bɨma ichi k'ɨ̃risiadepa p'ue pedeadamẽrá. Ara Tachi Ak'õre Jaore aba bɨpa chi eda tachidiidepemarã́ tea bɨma ichidepa k'awadada p'ue jarateadamẽrá.

1 Corintio 13:4

Chi waapẽarã k'ɨ̃ria uru bɨpa jõma choa bɨma, waapẽarã k'ĩra chupuriaparima, abaɨpa uru bɨt'a uru bai k'ɨ̃riak'ama, waapẽarã k'aepẽra atepe pia bɨade ak'ama mãɨnepa mãɨya bɨ jĩra k'ɨ̃risiak'ama.

1 Corintio 2:16

Tachi Ak'õre pedeade nãɨya bɨ bɨma: «¿K'aipa Tachi Chipari k'ɨ̃risia k'awa bɨma? ¿K'aipa ichiá jarateaima?» Maamina tachia Cristo k'ɨ̃risiat'a uru p'anɨma.

1 Corintio 2:4

Mɨa Jesú k'orea jaratea baside mɨ k'ɨ̃risiadepa mãɨya ooé pasima mãrapa ĩjãanamẽrá. Mãɨpari Tachi Ak'õre Jaorepa ichi jua chaareadepa k'awapisima mãɨ pedea piarãt'a.

2 Corintio 1:23

Mɨa Tachi Ak'õre k'ĩrari jararuma: Corinto p'uurudea wãwẽa bɨma mãra minachia ɨtɨarudepa sõp'uapiemaapa.

2 Corintio 11:11

¿Mɨa k'ãarea mãɨya erreara idiwẽa bɨma? ¿Mãra k'ɨ̃riawẽa bɨ pẽra mãɨya oo bɨk'ãra? Tachi Ak'õrepa k'awa bɨma mɨa mãra k'ɨ̃ria bɨt'a.

2 Corintio 11:4

Tai awaraɨ chedapa Jesú k'orea taipa jarateadada awara jaratearude, wa chi Tachi Ak'õre Jaore mãrapa jitadada k'orea awara jaratearude mãrapa minachia ĩjãapatama. Ichiaba chi pedea pia mãrapa ĩjãanana awara jaratearude minachia ĩjãapatama.

2 Corintio 11:6

Mɨ pedea pia bɨdepa pedeak'amina, piarã pedea minachia k'awa bɨma. Mãɨ piarã pedea taipa ne ãareaɨnepa mãrá minachia k'awapisidama.

2 Corintio 12:15

Ara mɨ mãɨnepa jõma mɨa uru bɨt'a arapá teaipɨ mãra k'aripai k'orea. Mɨ ãpia k'ɨ̃ria p'anɨmina, mɨa mãra atepe k'ɨ̃riapodoipɨ.

2 Corintio 13:10

Mãɨ k'orea mãramá wãi naena mɨa nãɨ k'art'a tea peeipɨ. Mãrapa mãɨne bɨda ĩjãasidara mãramá cherude mɨa ɨtɨaiwẽma. Piarã Tachi Chiparipa mɨ chaareapié pasima mãra piawẽa p'ananamẽrá, mãɨpari mɨ bɨsima mãrapa pia ĩjãanamẽrá.

2 Corintio 2:10

Abaɨpa nemietá ooda mãrapa k'ɨ̃risia atuasidara mɨa pida k'ɨ̃risia atuaipɨ. Nemietá mɨa k'ɨ̃risia atuai bɨ piarã pasira, mãɨ nemietá Cristo k'ĩrari jõma k'ɨ̃risia atuasima mãra pia tuananamẽrá.

2 Corintio 2:4

Piarã mãɨ k'art'a bɨsima mãra ɨtɨai k'orea. Maamina mãɨya bɨé pasima mãra sõp'uadamẽrá, mãɨpari k'awadamẽrá mɨa mãra piarã k'ɨ̃ria bɨt'a. Mãɨ k'orea mɨa sõp'uadepa, minachia k'ɨ̃risia bɨdepa, mãɨnepa jẽa bɨdepa mãɨ k'art'a bɨ basima.

2 Corintio 3:3

Taidepa Cristode ĩjãanana pẽra mãra k'art'a Cristopa bɨ teada jĩra p'anɨma. Ichia mãɨ k'art'a tintapa bɨé pasima, mãɨpari chi chok'ae bɨ Tachi Ak'õre Jaoredepa bɨsima. Mawara p'ep'edea pedade bɨé pasima, mãɨpari tachi sõne bɨsima.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

2 Corintio 7:2

Sõnepa tai k'ɨ̃riat'ɨ. Taipa abaɨ sida mietá oodawẽa p'anɨma, mi ãpia pida nemietá k'ɨ̃risiapidaemaa p'anɨma mãɨnepa seadawẽa p'anɨma.

Gálata 3:2

Mɨa nãɨ mãrá idiruma: Tachi Ak'õre Jaore jitasidaɨde, ¿mãrapa Moisepa bɨda oo p'anasidak'ãra? Wa ¿chi pedea Jesú k'orea ũrinak'ari ĩjãasidak'ãra?

Gálata 3:5

Tachi Ak'õrepa ichi Jaore mãrá teasi awara, ẽpẽerãpa ne p'ue oodak'apɨ́ mãra t'ãena oo bɨma. ¿Chi Moisepa bɨda oo p'anana k'orea mãɨya oo bɨk'ãra? ¿Mãɨya oowẽk'ãra chi pedea pia Cristo k'orea ũrinak'ari ĩjãasida pẽra?

Gálata 5:22

Maamina Tachi Ak'õre Jaorepa nakɨɨ teaparima: waapẽarã k'ɨ̃ria p'anapataɨ, arapá p'anapataɨ, ne k'ɨ̃risiawẽa p'anapataɨ, jõma choa p'anapataɨ, ẽpẽrarã ome sõpia p'anapataɨ, ẽpẽra pia p'anapataɨ, ãchia jara p'anɨ jĩra oopataɨ,

Ep'esio 3:4

Nãɨ k'art'a eda jara p'anɨne mãrapa k'awadaipɨ Tachi Ak'õrepa Cristo k'orea k'awapiwẽa bada mɨa k'awa bɨt'a.

Ep'esio 4:2

Mãra chi atepe be k'ɨ̃risiarãt'ɨ, mãɨpari k'ɨ̃risia piadepa p'anat'ɨ. Ara machi paara k'ɨ̃rianepa choa p'anat'ɨ.

Ep'esio 4:32

Sõpia p'anat'ɨ. K'ĩra chupuria p'anat'ɨ. Chi mãrapa piawẽa oodada k'ɨ̃risia atuat'ɨ, Tachi Ak'õrepa mãra nemietá Cristodepa k'ɨ̃risia atuada jĩra.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

Colosense 2:3

Ichiapuru Tachi Ak'õre k'ɨ̃risiat'a k'ɨ̃risiapiipɨ mãɨnepa ne minachia k'awapiipɨ. Mãɨ k'ɨ̃risiat'a mãɨnepa ne k'awa p'anɨt'a minachia pia p'anɨma.

Colosense 3:12

Tachi Ak'õrepa mãra k'ɨ̃rianepa jɨrɨ atasima ichi pae pia p'ananamẽrá. Mãɨpuru waapẽarã k'ĩra chupuria p'anat'ɨ. Ẽpẽra pia p'anat'ɨ. Mãra chi atepe be k'ɨ̃risiarãt'ɨ. Jõmãɨrã ome k'ɨ̃risia piadepa p'anat'ɨ. Ara machi paara choa p'anat'ɨ.

1 Tesalonicense 2:10

Mãrapa k'awa p'anɨma, Tachi Ak'õre pida k'awa bɨma tai mãra chi Cristode ĩjãapataɨrã t'ãena pia, jĩp'a mãɨnepa nepɨra pará bɨade adawẽa nipasidama.

1 Timoteo 4:12

Pɨ k'ũtã́ bɨmina abaɨa itu k'aepe bɨ jĩra k'ɨ̃risiapirãse. Mãɨpari pɨa pedearudepa, ne oo bɨdepa, awaraɨrã piarã k'ɨ̃ria bɨdepa, k'ĩra jĩp'a bɨdepa mãɨnepa Cristode ĩjãa bɨdepa ũpẽarã́ unupise sãmaasã́ p'ananai p'anɨt'a.

1 Timoteo 5:2

Chõtãarã́ pedease pɨ nae ome pedeapari jĩra. Ãwẽrarã́ k'ɨ̃risia piadepa pedease pɨ ũpẽawẽra ome pedeapari jĩra.

2 Timoteo 3:10

Maamina pɨa nãɨ ãarea jõma minachia k'awa bɨma: mɨa jaratea bɨt'a, mɨ nipaparit'a, mɨa oo k'ɨ̃ria bɨt'a, mɨa Cristode ĩjãa bɨt'a, mɨa jõmãɨrã ome choa bɨt'a, mɨa waapẽarã k'ɨ̃ria uru bɨt'a, mɨ ne ãareane sẽwẽa choa bɨt'a,

2 Timoteo 4:2

Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose.

Tito 2:7

Jõma pia oo bɨdepa jõmãɨrã́ unupi base sãmaasã́ nipadai p'anɨ. K'ɨ̃risia piadepa jĩp'a jaratea base.

Santiago 3:17

Maamina chi Tachi Ak'õrepa tea bɨ k'ɨ̃risia uru bepa ne ãareaɨne jĩp'a oopatama, jõmãɨrã ome ne k'ɨ̃risiawẽa p'ananamẽrá jɨrɨpatama, jõmãɨrã ome pia p'anapatama, waapẽarãpa jara bɨ ũrinai k'orea p'anapatama, chĩara k'ĩra chupuriapatama mãɨnepa nejõma pia oopatama. Abaɨ waapẽarã k'aepẽra pia atepe k'ɨ̃rianak'ama. Ichia jara bɨ jĩra ara mãɨya ooparima.

1 Pedro 1:12

Maamina Tachi Ak'õrepa k'awapida ãchia pedeadada ãchi paewẽ pasima, mãɨpari mãra paepuru pasima. Ãchia pedeadada naapae chi pedea pia Cristo k'orea jarateapataɨrãpa tachiá pia k'awapi p'anɨma, Tachi Ak'õre Jaore pajãnepa peedadepa. Makɨɨ Tachi Ak'õrepa ɨt'aripa peedarã pida k'awa k'ɨ̃ria p'anɨma.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

1 Juan 3:18

Mɨ warrarã, tachi ũpẽarã k'ɨ̃rianai p'anɨma. Abapuru pedeadepa mãɨya oodaiwẽa p'anɨma, mãɨpari tachia oo p'anɨnepa piarã k'ɨ̃rianai p'anɨma.