2 Corintio 6:4 - Tachi Ak'õre Pedea

⁴ Mãɨpari ne ãareaɨne unupi p'anɨma tai Tachi Ak'õre pae pari mimiapataɨrã. Minachia mĩa p'anɨne, nenea p'anɨne mãɨnepa nepɨrade p'anɨne jõma choa p'anɨnepa mãɨya unupi p'anɨma.

2 Corintio 6:4 ပူးပေါင်းရင်းမြစ်များ

Luca 21:19

Mãɨ k'aadepema ewari parudea mɨne wapida ĩjãa p'anɨ itu bɨdaepɨra, Tachi Ak'õrepa mãɨ k'aripaipɨ.

Juan 16:33

Mãɨ ãarea mɨa mãrá jarasima mɨnepa ne k'ɨ̃risiadawẽa p'ananamẽrá. Nãɨ ĩjũane nepɨra pará p'ananaipɨ, maamina ne wap'earãt'ɨ: nãɨ ĩjũanepema mɨa p'uesima.

Hecho 2:22

»Israeldepemarã, nãɨ pedea ũrit'ɨ: Tachi Ak'õrepa Jesú Nazaredepemá ẽpẽerãpa ne p'ue oodak'apɨɨrã mãra t'ãena oopik'oasima. Mãɨya oo bɨdepa Jesupa k'awapisima Tachi Ak'õre ichi ome bɨt'a, ara mãrapa pia k'awa p'anɨ jĩra.

Hecho 20:34

Mãrapa minachia k'awa p'anɨma ara mɨ juapa mimiasit'a, chi mɨa uru bai bɨt'a ata bai k'orea mãɨnepa chi mɨ ome p'ɨrrɨapataɨrã́ teai k'orea.

Hecho 9:16

Mɨa ichiá k'awapiipɨ sãmaasã́ mĩai bɨt'a mɨnepema pedeai k'orea.

Romano 14:18

Chi mãɨya Cristo pae mimiapataɨrã Tachi Ak'õrepa pia unu bɨma. Ẽpẽrarã pida pia unupatama.

Romano 16:10

Ũpẽa Apelea pia bapade a jara peet'ɨ. Ichia unupisima Cristo piarã ĩjãa bɨt'a. Jõma Aristóbulo ẽpẽrarã́ pida abarik'a jĩra jarat'ɨ.

Romano 3:5

Mɨ pedearuma ẽpẽrarã pedeapata jĩra. Chi eda waapẽarãpa jarapatama nemietá oo p'anɨnepa, chi Tachi Ak'õre jĩp'a bɨt'a unupipataade apatama. Mãɨne Tachi Ak'õrepa ɨtɨaipɨra, ichi jĩp'a bɨwẽane apatama. ¿Chi mãɨya jara p'anɨa k'ãre jaradaima? ¿Jaradaik'ãra Tachi Ak'õre jĩp'a bɨwẽt'a, tai ɨtɨai pẽra?

Romano 5:8

Maamina Tachi Ak'õrepa tachi minachia k'ɨ̃ria bɨt'a unupisima wapida nemietaade p'anɨne Cristo tachi k'orea piuda pẽra.

1 Corintio 3:5

Maamina ¿Pablo k'aima? ¿Apolo k'aima? Tait'u Tachi Ak'õre pae pari mimiapataɨrãpɨ. Taidepa mãrapa Tachi Chiparide ĩjãasidama. Tachi Ak'õrepa taicha oopida jĩra oosidama.

1 Corintio 4:1

Mãɨya bɨde mãrapa k'ɨ̃risiadai p'anɨma tai Cristo pae pari mimiapataɨrãt'a. Tachi Ak'õrepa tai bɨsima chi ichi k'orea naena k'awapiwẽa bada jarateadamẽrá.

1 Corintio 9:11

Ara mãɨ jĩra taipa mãrá Tachi Ak'õre pedea jarateasida pẽra ¿pia bɨwẽk'ãra taipa mãranepa ne jitadait'a?

2 Corintio 11:23

Ãchi Cristo pae pari mimiapataɨrãane a p'anɨma. Maamina ãchi k'aepẽra mɨa atepe pia Cristopa k'ɨ̃ria bɨ ooparima. Mãɨya pedea bɨde k'ɨ̃risia newẽa bɨ jĩra pedea bɨma. Piarã ãchi k'aepẽra mɨa Tachi Ak'õrepa oo bɨt'a atepe ooparima. Ãchi k'aepẽra ẽpẽrarãpa mɨ bari k'ak'o minachia jok'aesidama. Ãchi k'aepẽra mɨ bari k'ak'o minachia eda jɨ̃a nɨbɨpisidama. Bari k'ak'o minachia mɨ piui basima.

2 Corintio 11:27

Mimia bɨde mɨ minachia mĩapachima. Bari k'ak'o minachia k'ãiwẽa bapachima, jarra bapachima, opisia bapachima, nek'owẽa bapachima. K'õresãapa mɨ wɨwɨrrɨa bapachima, mãɨnepa neet'á nea bapachima.

2 Corintio 11:9

Mɨ mãramá baside nejõma uru badawẽmina mãrá idié pasima. Mãɨpari mɨa wẽa bada ũpẽarã Macedonianepema chedaadarãpa ãarea teasidama. Mɨa mi ãpia pida mãrá idié pasima mãɨnepa idiwẽa baipɨ.

2 Corintio 12:10

Cristo k'orea minachia mĩa bɨde, ɨbɨwẽa bɨde, nenea bɨde, ẽpẽrarãpa k'achia pedea p'anɨne mãɨnepa piawẽa oodai k'orea ẽp'ẽ p'anɨne mɨ arapá bɨma. Piarã mɨ ɨbɨwẽa bɨde Cristodepa chaarea bɨma.

2 Corintio 12:12

Mɨ mãra t'ãena baside jõma oosima, Jesucristopa peedaɨrãpa oopata jĩra. Ãarea choa basima mãɨnepa ẽpẽerãpa ne p'ue oodak'apɨ́ waibɨa be oopachima.

2 Corintio 2:17

Taipa erreara atadai k'orea Tachi Ak'õre pedea jaratea nipadawẽma chok'araɨrãpa oopata jĩra. Mãɨpari Cristo ome p'anɨ pẽra Tachi Ak'õrepa tai peesima. Mãɨne ichi k'ĩrari k'ɨ̃risia piadepa jarateapatama.

2 Corintio 3:6

Tachi Ak'õrepa tai bɨsima ichia ẽpẽrarã ome pedea chiwidi bɨda p'ue jarateadamẽrá. Mãɨ pedea chiwidi bɨda chi Moisepa bɨda jĩra juapa bɨdawẽma, mãɨpari Tachi Ak'õre Jaorepa k'awapi bɨma. Chi Moisepa bɨdapa k'awapi bɨma nemietá oo p'anɨ k'orea ẽpẽrarã piudai p'anɨt'a, maamina Tachi Ak'õre Jaorepa tachiá chok'ae p'anapiparima.

2 Corintio 4:17

Tai ara nãɨena minachia mĩapatamina, mãɨ naa tai k'aripa bɨma chi Tachi Ak'õre k'ĩrawãrea pia bɨde ewaricha p'ananai k'orea. Mãɨ k'ĩrawãrea atepe pia baipɨ chi idiapae ãpia mĩapataɨ k'aepẽra.

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

2 Corintio 4:8

Tai ne ãareaɨne minachia mĩa p'anɨmina mãɨne p'ue ãyá wãnaiwẽ k'ɨ̃risiadak'ama. Sãmaasã́ oodai k'awadawẽa p'anɨne p'ue oodaiwẽ k'ɨ̃risiadak'ama.

2 Corintio 7:11

Tachi Ak'õrepa k'ɨ̃ria bɨ jĩra mãra sõp'uasida pẽra mãɨ sõp'uapa mãrá jĩp'a k'ɨ̃risiapik'ari jĩp'a oopisima. Mãɨpuru mãrapa jĩp'a oo p'anɨ jõmãɨrã́ k'awapi k'ɨ̃ria p'anɨma. Chi mãɨ ũpẽapa nemietá ooda k'orea mãra k'ĩruusidama mãɨnepa Tachi Ak'õrepa ɨtɨai pada wap'easidama. Mãɨ k'orea chi nemietá ooda ẽpẽra ɨtɨadak'ari ãyá jeret'aasidama. Nejõmane mãrapa unupisidama mãɨ nemietá ooda k'orea nepɨradawẽa p'anɨt'a.

Colosense 1:11

Taipa Tachi Ak'õrea ɨt'aa chiidi p'anɨma ichi jua chaarea waibɨa bɨdepa mãra chaarea p'ananamẽrá. Mãɨya mãra minachia mĩa p'anɨt'a mãɨnepa mãrá mĩapii p'anɨt'a pia choadaipɨ.

Colosense 1:24

Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea.

1 Tesalonicense 3:7

Mãɨpa ũpẽarã, taipa k'awasidama mãrapa Jesude wapida ĩjãa p'anɨ. Mãɨpuru tai minachia mĩa p'anɨmina sõpiasidama.

1 Tesalonicense 5:14

Ũpẽarã, taipa chichupuria idi p'anɨma chi mãra t'ãena k'oa p'anɨa ũraat'ɨ. Ãchi sõne k'ĩra piawẽa berã́ sõpiapit'ɨ mãɨnepa chi ẽpẽerã p'ue choadawẽa berã mãɨnepa chi ɨbɨwẽa berã k'aripat'ɨ. Jõmãɨrã ome choat'ɨ.

1 Timoteo 2:15

Maamina warra t'õ p'anɨnepa wẽrarã k'aripaipɨ Cristode ĩjãa p'ananaipɨra, piarã waapẽarã k'ɨ̃ria uru p'ananaipɨra mãɨnepa Tachi Ak'õre pae pia p'ananaipɨra. Jõma mãɨ jĩp'a p'ananai p'anɨma.

1 Timoteo 4:6

Timoteo, pɨa jõma mãɨ ũpẽarã́ jaratea baipɨra, Jesucristo pae pari mimiaparí pia baipɨ. Tachi Ak'õre chi piarã pedea tachia ĩjãa p'anɨ ĩjãapodoutadepa pɨ jaore chaarea wari baipɨ, pia nek'o bɨ jĩra.

1 Timoteo 6:11

Maamina pɨa Cristode ĩjãa bɨ pẽra jõma mãɨnepema ãyá wãse. Jĩp'a nipase. Tachi Ak'õre ode wãse. Sõnepa piarã Cristode ĩjãa base. Jõmãɨrã k'ɨ̃ria base. Jõma choase. Mãɨ atepe k'awa bɨmina, jõmãɨrã ome sõpia base.

2 Timoteo 1:8

Mãɨpuru Tachi Chipari Jesucristo k'orea jarai k'orea p'erarãse. Mɨ Jesucristo k'orea eda serra bɨmina, mɨ k'orea p'erarãse. Mãɨpari chi Jesú k'orea pedea pia jaratearude Tachi Ak'õre jua chaareadepa pɨ sida mĩai k'orea choa base.

2 Timoteo 2:24

Chi Tachi Chipari pae pari mimiaparí k'ĩruu pedea baiwẽa bɨma, mãɨpari jõmãɨrã ome sõpia bai bɨma. Jaratea k'awa bai bɨma. Jõmãɨrã ome choa bai bɨma.

2 Timoteo 4:5

Maamina pɨt'u ne ãareaɨne k'ĩra jĩp'a base. Jõma nepɨra bɨde choa base. Pedea pia Cristo k'orea jaratea base. Jõma pɨa Tachi Ak'õre pae ooi bɨ jĩp'a oo base.

Hebreo 12:1

Mãɨ ẽpẽerã minachia p'anɨrãpa Tachi Ak'õrene piarã ĩjãasida pẽra tachia pida ara mãɨ jĩra ĩjãa p'ananai p'anɨma. Chi tachiá itu ĩjãapik'aɨ mãɨnepa nemietaapa tachi pɨra uru baparí ãyá bɨdak'ari ãarea choa p'anɨnepa naa wãtɨma tachi wãnai p'anɨmá.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.

Apocalipsi 3:10

Mãra mɨ k'orea minachia mĩa p'anɨt'a ãarea choa p'anɨma mɨa jarada jĩra. Mãɨpuru nãɨ ĩjũanepemarã minachia mĩanai ewari cherude mɨa mãra ak'ɨipɨ. Mãɨ ewaride mɨa jõma nãɨ ĩjũane tuanurã minachia mĩapiipɨ, sãmaasã́ oodai k'awayá.