2 Corintio 6:3 - Tachi Ak'õre Pedea

³ Tai k'orea abaɨa piawẽa unupidawẽa p'anɨma, mi ãpia pida piawẽa pedeapidaemaapa taipa jarateapataɨ k'orea.

2 Corintio 6:3 ပူးပေါင်းရင်းမြစ်များ

Mateo 17:27

Tachi, Tachi Ak'õreneerãmina, mãɨ erreara teadaipɨ, ẽpẽrarãpa tachi k'orea piawẽa k'ɨ̃risiapidaemaapa. Mãɨpuru senianea to ɨade wãse. Chi naa beta pearu it'aede erreara tau aba unuipɨ. Mãɨ erreara jitak'ari, tease mɨ pari mãɨnepa pɨ pari.

Mateo 18:6

»Abaɨpa chi ãpia k'ede mɨne ĩjãa p'anɨ nemietaade baepiipɨra, Tachi Ak'õrepa mãɨ ẽpẽra minachia ɨtɨaipɨ. Mãɨ minachia ɨbɨa ɨtɨai pẽra piipará bɨma mãɨ ẽpẽra obɨɨrɨde k'ũruma waibɨa jɨ̃nak'ari senia chomanea toeda t'aa peedai.

Hecho 19:27

Mãɨpa chi tachia mimiapataɨ ẽpẽerãpa piawẽa unu p'aneenaipɨ. Chi Artemisa te minachia bɨ sida waa t'ɨ̃ p'oaiwẽma. Mãɨyara Asia tuade mãɨnepa ãarea nãɨ ĩjũane chi Artemisade ĩjãa p'anɨpa waa atepe k'ɨ̃risiadaiwẽma».

Romano 14:13

Mãɨpuru abaɨpa oo bɨ k'orea waa piawẽa pedeadaiwẽa p'anɨma. Mãɨpari sõnepa nãɨya k'ɨ̃risiadai p'anɨma: tachia oo p'anɨnepa ũpẽa abaɨ sida nemietaade baepidaiwẽa p'anɨma.

1 Corintio 9:12

Waapẽarã jarateapataɨrãpa mãranepa ne jitadai p'anɨpɨra, taipa ãchi k'aepẽra ne atepe jitadai p'anɨma. Maamina ne ididak'ama. Mãɨpari jõma choa p'anɨma ẽpẽrarãpa chi pedea pia Cristo k'orea piawẽa k'ɨ̃risiapidaemaapa.

1 Corintio 9:22

Chi ũpẽarã chi piarãpẽa pedea ãpia k'awa k'ede t'ãena bɨde ãchi jĩra baparima mɨnepa Jesucristo k'orea pia k'awadamẽrá. Mɨ wãrucha ẽpẽrarã t'ãena bɨde ãchi jĩra baparima mɨnepa waapẽarãpa Cristode ĩjãanak'ari mɨa ãchi nemietaadepema k'aripamẽrá.

2 Corintio 1:12

Nãɨ k'orea arapá p'anɨma: taipa k'awa p'anɨma sõ jĩp'a p'anɨnepa, k'ɨ̃risia piadepa nãɨ ĩjũanepemarã t'ãena mãɨnepa mãra t'ãena pia nipadada. Mãɨ sõ jĩp'a bai mãɨnepa k'ɨ̃risia pia Tachi Ak'õrenepemapɨ. Tai nãɨ ĩjũanepema k'ɨ̃risiadepa mãɨya nipadak'ama, mãɨpari Tachi Ak'õrepa ichi sõpiadepa k'aripa bɨ pẽra mãɨya nipapatama.

2 Corintio 8:20

Taipa jĩrak'aua oo p'anɨma mãɨ erreara waibɨa jɨrɨp'edada ateeutade mi ãpia pida k'achia pedeapidaemaapa.