2 Corintio 5:7 - Tachi Ak'õre Pedea

⁷ Tachi taupa unu p'anɨnepa nipadak'ama, mãɨpari Tachi Ak'õrene ĩjãa p'anɨnepa nipapatama.

2 Corintio 5:7 ပူးပေါင်းရင်းမြစ်များ

1 Corintio 13:12

Ara nãɨena tachia Tachi Ak'õre k'orea tau t'aua bɨ jĩra unu p'anɨma chi k'ĩra ak'ɨpataɨde. Maamina ewariaba tachia jõma sãmaasã́ bɨt'a pia ununaipɨ. Ara nãɨena mɨa ãpia k'awa bɨma, maamina ewariaba ne ãarea k'awaipɨ Tachi Ak'õrepa mɨ k'awa bɨ jĩra.

2 Corintio 1:24

Taipa jara p'anɨ jĩra oopidaiwẽma, mãrapa Cristode minachia ĩjãa p'anɨ pẽra. Abapuru mãra k'aripa k'ɨ̃ria p'anɨma arapá p'ananamẽrá.

2 Corintio 4:18

Mãɨ k'orea taupa unupataɨ taipa k'ɨ̃risia p'anɨwẽma, mãɨpari taupa ununak'aɨ k'ɨ̃risia p'anɨma. Tachi taupa unupataɨ isapea jõparima, maamina taupa ununak'aɨ jõk'ama.

Gálata 2:20

Mɨ Cristo ome ará k'urusude barijira bɨsidama. Mãɨpuru ara mɨnepa bɨwẽma, mãɨpari Cristot'a mɨ sõne bɨma. Nãɨ k'ak'uade chok'ae bɨmisa, mɨ Tachi Ak'õre Warra Jesudepa baipɨ. Ara mãɨ Jesupa ichi Ak'õrepa oopi bɨt'a oopachi pẽra, mɨ k'ɨ̃riasima mãɨnepa mɨ k'orea ara ichi itu peapisima.

Hebreo 10:38

Chi mõré jĩp'a bɨ mɨne ĩjãa bɨdepa chok'ae baipɨ. Maamina chi ichia ĩjãa bɨt'a itu bɨsira, mɨa ichi pia unuiwẽma».

1 Pedro 1:8

Mãrapa ununak'amina Jesucristo k'ɨ̃ria p'anɨma. Nãɨena ununawẽa p'anɨmina ichide ĩjãa p'anɨma. Ichi k'orea minachia arapá p'anɨma. Jãɨya arapá p'anɨ pẽra mãɨ arapá sãmaasã́ bɨ k'orea p'ue k'awa jaradawẽma.

1 Pedro 5:9

Maamina tiore jua choat'ɨ. Cristode minachia ĩjãa p'anat'ɨ, k'awa p'anɨ pẽra mãra ũpẽarã jõma tuacha berã abarik'a minachia mĩa p'anɨt'a.