2 Corintio 5:17 - Tachi Ak'õre Pedea

¹⁷ Piarã abaɨ Cristo ome bɨpɨra, ichi naena bada jĩra bɨwẽma mãɨpari ichi ẽpẽra chiwidi jĩra bɨma.

2 Corintio 5:17 ပူးပေါင်းရင်းမြစ်များ

Mateo 12:33

»Nejõ bɨɨrɨ pia bɨpɨra, chauk'ari, nejõ pia baipɨ. Mãɨpari nejõ bɨɨrɨ mietá bɨpɨra, chauk'ari, nejõ mietá baipɨ. Nejõ bɨɨrɨ chi nejõnepa k'awapatama.

Mateo 24:35

Pajã mãɨnepa nãɨ ĩjũa jõipɨ, maamina mɨ pedea jõiwẽma.

Luca 5:38

Mãɨpuru uvaba chiwidi ãnimara e ooda chiwidide t'ɨɨdai p'anɨma. Mãɨya umea tãaraa choadaipɨ.

Juan 14:20

Mɨ chek'ari mãrapa k'awadaipɨ mɨ, mɨ Ak'õre ome bɨt'a, mãra mɨ ome p'anɨt'a, mãɨnepa mɨ mãra ome bɨt'a.

Juan 15:2

Mɨ pak'uru jua chaudak'aɨ ichia mãɨ t'ɨat'uparima, maamina chi chaupataɨ pak'uru jua mãɨ t'ɨat'uparima atepe chaudamẽrá.

Juan 15:5

»Mɨ chi uva bɨɨrɨ chi piarãpẽapɨ. Mãra chi pak'uru juapɨ. Chi mɨ ome ará be minachia chaupatama, mɨ mãra ome ará bɨ pẽra. Mãrapa mɨwẽa mi ãpia pida Tachi Ak'õre pae p'ue oodaiwẽma.

Juan 17:23

Mɨ ãchi ome bɨ pẽra mãɨnepa pɨ mɨ ome bɨ pẽra tachi ãarea ará k'ak'ua aba bɨ jĩra p'ananaipɨ. Mãɨya nãɨ ĩjũanepemarãpa k'awadaipɨ pɨa mɨ peesit'a mãɨnepa k'awadaipɨ pɨa ãchi k'ɨ̃ria bɨt'a ara mɨ k'ɨ̃ria bɨ jĩra.

Juan 3:3

Jesupa ichiá jarasima: —Piarã ara mɨa pɨá jararuma: ẽpẽra mãicha chiwidi t'õepɨra p'ue baiwẽma Tachi Ak'õre juade ichidirã ome.

Juan 3:5

Jesupa p'anoosima: —Piarã mɨa pɨá jararuma: panianepa, Tachi Ak'õre Jaorede pida t'õepɨra, Tachi Ak'õre juade paiwẽma ichidirã paara.

Romano 16:10

Ũpẽa Apelea pia bapade a jara peet'ɨ. Ichia unupisima Cristo piarã ĩjãa bɨt'a. Jõma Aristóbulo ẽpẽrarã́ pida abarik'a jĩra jarat'ɨ.

Romano 16:11

Mɨ ũpẽa judio Herodioná pia bapade a jara peet'ɨ. Narciso ẽpẽrarã Tachi Chipari ĩjãa berã́ pia p'anapadade a jara peet'ɨ.

Romano 16:3

Ũpẽawẽra Priscilá mãɨnepa ũpẽa Aquilá pia p'anapade a jara peet'ɨ. Ãchia mɨ jĩra abarik'a Jesucristopa oo bɨ oo p'anɨma.

Romano 16:7

Mɨ ũpẽarã judiorã Andronicoa mãɨnepa Juniá ara mãɨ jĩra jarat'ɨ. Waapẽarãpa pia k'awa p'anɨma ãchi Cristopa peedaɨrãt'a. Mɨ ome ará eda serra p'anasidama. Mɨa Cristode ĩjãai naena ãchia ĩjãa p'anasima.

Romano 16:9

Ũpẽa Urbanoa pia bapade a jara peet'ɨ. Ichia tai ome ará Jesucristo k'orea jaratea bɨma. Ũpẽa Estaquia pida abarik'a jarat'ɨ. Ichi sida mɨa k'ɨ̃ria bɨma.

Romano 7:6

Maamina Moisepa bɨdadepa p'anana tachi pari ãjã́ p'aneesidama. Mãɨnepema piusida pẽra naapae Tachi Ak'õre pae nepia oodaipɨ ichi Jaoredepa. Waa k'ɨ̃risiadaiwẽma Moisepa bɨdadepa mãɨya oodait'a.

Romano 8:1

Naapae tachi Cristo Jesú ome p'anɨ pẽra nepɨra mi ãpia pida pará p'anɨane a bɨwẽma.

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

1 Corintio 13:11

Mɨ wapida k'aepe k'arasieda, warra chak'e jĩra pedeapachima mãɨnepa warra chak'e jĩra k'ɨ̃risiapachima. Maamina chõa beek'ari warra chak'e jĩra bada itu bɨsima.

2 Corintio 12:2

Mɨa Cristode ĩjãaparí ẽpẽra aba k'awa bɨma. Catorce ãyo pa baside Tachi Ak'õrepa mãɨ ũpẽa pajãnea ichi bɨmá ateewãsima. Mɨa atua bɨma Tachi Ak'õrepa ichi k'ak'uat'u ateewã basit'a wa abapuru ichi jaoret'a ateewã basit'a. Tachi Ak'õrepuru mãɨ k'awa bɨma.

2 Corintio 5:16

Mãɨ k'orea nãɨ ĩjũanepemarãpa waapẽarã ak'ɨpata jĩra naapae taipa mãɨya ak'ɨdak'ama. Naena taipa Cristo k'orea mãɨya k'ɨ̃risia p'anɨmina naapae mãɨya oodak'ama.

2 Corintio 5:19

Piarã Cristodepa Tachi Ak'õrepa nãɨ ĩjũanepemarã ichi ome pia bɨsima. Tachia nemietá oodada jõma k'ɨ̃risia atuasima. Mãɨnepa mãɨ pedea ichi ome pia bai k'orea taiyá teasima jarateadamẽrá.

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

Gálata 3:28

Mãɨ jara bɨma judio griego ome abarik'a p'anɨma, chi chipari pae pari mimiaparí mãɨnepa chi chipari pae pari mimiak'apɨ́ ome abarik'a p'anɨma, mãɨnepa ɨmɨk'ĩra wẽra ome abarik'a p'anɨma. Jõma mãra ẽpẽra aba bɨ jĩra p'anɨma, Jesucristo ome ará p'anɨ pẽra.

Gálata 5:6

K'ak'ua tauchaa bɨdepa wa k'ak'ua tauchaawẽa bɨdepa tachi Jesucristo ome ará bak'ama. Mãɨpari chi ichide ĩjãa bɨdepa ichi ome ará baparima mãɨnepa waapẽarã k'ɨ̃ria baparima.

Gálata 6:15

Tachi Ak'õremá k'ak'ua tauchaa bai wa k'ak'ua tauchaawẽa bait'a pia bɨwẽma. Ichimá, ẽpẽra chiwidi oodat'u mãɨ pia bɨma.

Ep'esio 2:10

Tachi Ak'õrepa tachi Jesucristodepa chiwidi oosima nepia oo p'ananamẽrá. Mãɨ nepia ichia naena bɨsima tachia oodamẽrá.

Ep'esio 2:15

Moisepa bɨdapa ne minachia wawaria oopipachima mãɨ judiorã, judiorãwẽ ãchi k'ak'awá p'ananamẽrá. Maamina Cristo piudadepa mãɨ Moisepa bɨda ãyá bɨsima, ne k'ɨ̃risiawẽa ará p'ananamẽrá mãɨnepa p'uuru chiwidi aba bɨde tuanamẽrá.

P'ilipense 4:21

Jõma ẽpẽrarã Tachi Ak'õrenepemarã Jesucristo ome berã́ pia p'anapadade a jarat'ɨ. Ũpẽarã mɨ ome p'anɨ pida pia p'anapadade a jara p'anɨma.