2 Corintio 5:14 - Tachi Ak'õre Pedea

¹⁴ Cristopa tai k'ɨ̃ria bɨ pẽra ichia k'ɨ̃ria bɨt'a oo p'anɨma. Mãɨ k'ɨ̃risiadak'ari, piarã k'awa p'anɨma Ẽpẽra Aba piusit'a jõmãɨrã k'orea. Mãɨpuru Tachi Ak'õre k'ĩrari jõmãɨrã piusidama.

2 Corintio 5:14 ပူးပေါင်းရင်းမြစ်များ

Mateo 20:28

Mãɨ jĩra mɨ, chi Ẽpẽra Warra chewẽa bɨma ẽpẽerã chi mɨ pae pari mimiapataɨrã padamẽrá. Mãɨpari mɨ che bɨma ẽpẽerã pae pari mimiaparí bai k'orea. Mãɨya mɨ piuipɨ ẽpẽerã minachia k'aripai k'orea.

Luca 15:32

Maamina naapae sõ arapaadai pia bɨma, pɨ ũpẽa piuda jĩra bada chok'ae bɨẽra; chi atua bada unusidaɨdeepuru”».

Luca 24:29

Maamina ãchi ome beemẽrá nãɨya minachia chichupuria idisidama: —Ewari k'iupodo pẽra wãrãse. Tai ome beese. Mãɨpuru ãchi ome beesima.

Juan 1:29

Mãɨ norema Juanpa Jesú ichimá cheru unuk'ari, ya jarasima: «¡Ak'ɨt'ɨ! Jãɨt'a Tachi Ak'õre oveja chak'epɨ. Ichidepa Tachi Ak'õrepa nãɨ ĩjũanepemarãpa nemietá oopataɨ k'ɨ̃risia atuaipɨ.

Juan 11:25

Jesupa jarasima: —Mɨa chi piudaadarã chok'ae p'irabaripiparima mãɨnepa chok'ae bapiparima. Parituapa mɨne ĩjãaipɨra, piurumina ewaricha Tachi Ak'õre ome chok'ae baipɨ.

Juan 5:25

Piarã jararuma: ewari chei bada chesima. Nãmãɨpa chi piuda jĩra p'anɨrãpa mɨ, chi Tachi Ak'õre Warra pedea ũrinaipɨ. Chi mɨne ĩjãauta chok'ae p'ananaipɨ.

Hecho 18:5

Mãɨya bɨde Sila mãɨnepa Timoteo Macedonia tuadepa chesidama. Mãmãɨpa Pablopa ewaricha Tachi Ak'õre pedea jaratea bapachima. Ichia judiorã́ jarapachima Jesú piarã Tachi Ak'õrepa Tachi K'aripaparí teai jaradat'a.

Romano 2:2

Tachia k'awa p'anɨma Tachi Ak'õrepa nemietá oopataɨrã ɨtɨaparit'a, ichi pedea piarãpẽanepa.

Romano 5:15

Piarã ẽpẽra aba bɨpa nemietá ooda k'orea jõmãɨrã piusidama. Maamina ẽpẽra aba bɨdepa Tachi Ak'õrepa ichi sõpiadepa pari chok'ae bapisima mãɨ ãarea chok'ae p'ananamẽrá. Jesucristopa ichi sõpiadepa tachi pae ooda, chi Adanpa nemietá oo bada k'aepẽra atepe piipará bɨma. Mãɨpuru chi Tachi Ak'õrepa pari tea bɨt'a Adanpa nemietá oodadepa cheda jĩra bɨwẽma.

Romano 6:13

Mãra k'ak'uá itu nemietá oopirãt'ɨ. Mãɨpari ara mãra Tachi Ak'õrea teat'ɨ. Mãra nemietaade piu p'anana Tachi Ak'õre pae chok'ae p'aneesidama. Mãɨpuru mãra k'ak'ua Tachi Ak'õrea teat'ɨ jĩp'a oodai k'orea.

Romano 6:6

Tachia k'awa p'anɨma tachi k'ɨ̃risia chota bɨ piusit'a Cristo ome k'urusude barijira bɨdada jĩra. Mãɨya tachi k'ɨ̃risia chota bɨpa nãɨ k'ak'uapa nemietá oo k'ɨ̃ria bɨ waa p'ue oopiiwẽma. Tachi waa nemietá pae pari mimiapataɨrãwẽma.

1 Corintio 16:22

Parituapa Tachi Chipari Jesucristo k'ɨ̃riawẽpɨra, Tachi Ak'õrepa mãɨ ẽpẽra nepɨra paraayade aipɨ. ¡Chese, Tachi Chipari!

1 Corintio 2:14

Maamina Tachi Ak'õre Jaorepa k'awapi bɨt'a, chi Tachi Ak'õre Jaore nea bɨpa k'awai k'ɨ̃riak'ama, ichimá piawẽa bɨ pẽra. Mãɨnepa p'ue k'awak'ama, Tachi Ak'õre Jaoredepa mãɨ k'awapi bɨ pẽra.

2 Corintio 3:7

Tachi Ak'õrepa Moisea chi ley mawara p'ep'edea bɨde teak'ari, ichi k'ĩrawãreapa chi Moisé k'ĩra ãarea achiterrea beepisima. Mãɨ k'orea israel ĩjũanepemarãpa Moisé k'ĩra p'ue ak'ɨdaé pasima. Mãɨ k'ĩrawãrea bɨ pik'ã́ jõi pasimina waidi p'ue ak'ɨdawẽa p'anasidama. Piarã Tachi Ak'õrepa ichi k'ĩrawãreapa unupisima mãɨ Moisepa bɨda minachia pia bɨt'a. Maamina ichia pedea chiwidi bɨda ichi Jaorepa k'awapi bɨ pẽra ¿chi Moisepa bɨda k'aepẽra atepe pia bɨwẽk'ãra?

2 Corintio 3:9

Piarã mãɨ Moisepa bɨdapa ẽpẽrarã piudai p'anɨane a jara bɨmina minachia pia bɨma. Maamina Tachi Ak'õrepa pedea chiwidi bɨda atepe piipará bɨma. Mãɨpa k'awapi bɨma sãmaasã́ Tachi Ak'õrepa tachi nepɨra newẽa p'anɨane aparit'a.

Gálata 2:20

Mɨ Cristo ome ará k'urusude barijira bɨsidama. Mãɨpuru ara mɨnepa bɨwẽma, mãɨpari Cristot'a mɨ sõne bɨma. Nãɨ k'ak'uade chok'ae bɨmisa, mɨ Tachi Ak'õre Warra Jesudepa baipɨ. Ara mãɨ Jesupa ichi Ak'õrepa oopi bɨt'a oopachi pẽra, mɨ k'ɨ̃riasima mãɨnepa mɨ k'orea ara ichi itu peapisima.

Ep'esio 6:24

Mɨa k'ɨ̃ria bɨma Tachi Ak'õrepa ichi sõpiadepa jõma Tachi Chipari Jesucristo piarã minachia k'ɨ̃ria berã k'aripa bait'a. Mãɨya beese.

Colosense 2:13

Naena mãra piu p'anasidama, ĩjãanawẽa p'anasidepa nemietá oopachida pẽra. Mãɨne tachi k'ak'uapa nemietá ooyá bɨ oopachidama. Maamina Tachi Ak'õrepa mãra Cristo ome chok'ae bɨsima. Jõma tachia nemietá oodada ichia k'ɨ̃risia atuasima.

Colosense 3:3

Mãɨya p'ɨrrɨadai p'anɨma, Cristo ome piudak'ari, ichi ome chok'ae p'anɨ pẽra. Mãɨ waapẽarã k'awadak'ama. Maamina Cristo Tachi Ak'õre ome chok'ae bɨ pẽra, mãra sida Tachi Ak'õre ome chok'ae p'anɨma.

1 Timoteo 2:6

Ara ichi itu peapisima jõma ẽpẽrarã k'aripa bai k'orea. Tachi Ak'õrepa bɨda ewaride mãɨ k'awapisima.

1 Timoteo 5:6

Maamina p'ẽtãpa bɨsi oo bai k'orea jɨrɨ baipɨra, chok'ae bɨmina piuda jĩra bɨma.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

Hebreo 2:9

Maamina Jesú k'orea k'awa p'anɨma. Tachi Ak'õrepa ichit'u nãɨ ĩjũane k'aepe bɨsima chi ɨt'aripa peedaɨrã k'aepẽra. Tachi Ak'õrepa ichi sõpiadepa mãɨya oosima Jesú jõmãɨrã k'orea piumẽrá. Minachia mĩak'ari piuda pẽra Tachi Ak'õrepa ichi pia bɨsima mãɨnepa chi atepe bɨsima.

Hebreo 6:10

Tachi Ak'õre jĩp'a bapari pẽra mãrapa pia oo p'anɨt'a mãɨnepa ichi k'ɨ̃ria p'anɨt'a k'ɨ̃risia atuaiwẽma. Ichi ẽpẽrarã k'aripa p'anɨnepa mãrapa unupisidama chi ichi k'ɨ̃ria p'anɨt'a. Wapida k'aripa p'anɨma.

1 Pedro 1:8

Mãrapa ununak'amina Jesucristo k'ɨ̃ria p'anɨma. Nãɨena ununawẽa p'anɨmina ichide ĩjãa p'anɨma. Ichi k'orea minachia arapá p'anɨma. Jãɨya arapá p'anɨ pẽra mãɨ arapá sãmaasã́ bɨ k'orea p'ue k'awa jaradawẽma.

1 Juan 5:19

Tachia k'awa p'anɨma tachi Tachi Ak'õrené. Mãɨnepa k'awa p'anɨma jõma chi nãɨ ĩjũane Tachi Ak'õre atua be tiore juade p'anɨrãt'a.