2 Corintio 5:1 - Tachi Ak'õre Pedea

¹ Nãɨ ĩjũane tachi k'ak'ua tãaraa choak'a pẽra, te mẽa p'ãemari k'obɨ jĩra bɨma. Tachia k'awa p'anɨma nãɨ k'ak'ua piuk'ari Tachi Ak'õrepa tachiá tachi pajãnepema piuk'apɨ́ k'ak'ua teait'a. Mãɨ k'ak'ua ẽpẽrarãpa juapa p'ue oodaiwẽma.

2 Corintio 5:1 ပူးပေါင်းရင်းမြစ်များ

Marco 14:58

—Taipa ũrisidama ichia nãɨya jara bɨt'a: “Ẽpẽerãpa oodada Tachi Ak'õre te minachia bɨ mɨa ãriipɨ, maamina ewari ũpeaɨde mɨa te awara ooipɨ, mãɨ ẽpẽerã juapa oodadawẽt'a”.

Hecho 7:48

Maamina Tachi Ak'õre chi Atepe Bɨ ẽpẽra juapa ooda tede bak'ama. Tachi Ak'õre pari pedeaparipa k'art'ade nãɨya bɨsima:

1 Corintio 3:9

Mɨa Apolo ome abarik'a Tachi Ak'õrepa oopi bɨt'a oo p'anɨma. Mãra sida Tachi Ak'õre ne uu ĩjũapɨ. Mãɨ awara mãra Tachi Ak'õrepa te oomaa bɨ jĩra p'anɨma.

2 Corintio 4:7

Cristo k'orea pedea pia bɨt'a taipa uru p'anɨmina, nãɨ k'ak'ua ɨbɨwẽa bɨma. Chok'o jĩra ãrii bɨma. Mãɨpuru jõmãɨrãpa k'awa p'anɨma tai jua chaareadepa mãɨ pedea jaratea p'anɨwẽt'a, mãɨpari Tachi Ak'õre jua chaarea waibɨa bɨdepa jaratea p'anɨt'a.

2 Corintio 5:4

Piarã tachi nãɨ k'ak'uade p'anɨne minachia mĩapatama mãɨnepa sõp'ua bɨdepa pedeapatama. Maamina mɨa jarawẽa bɨma tachi piu k'ɨ̃ria p'anɨ, nãɨ k'ak'ua uru p'aneenaemaapa. Mãɨpari pajãnepema k'ak'ua jita k'ɨ̃ria p'anɨma. Mãɨya tachi k'ak'ua piui bɨt'a jõk'ari tachi k'ak'ua piuk'apɨɨt'u beeipɨ.

Colosense 2:11

Mãra ichi ẽpẽrarã pẽra k'ak'ua tauchaadada jĩra p'anɨma. Maamina ẽpẽra juapa oodawẽma. Mãɨpari jara bɨma tachi k'ak'uapa nemietá ooyá bɨdepema k'aripasima. Mãɨ k'ak'ua tauchaada Cristopa oosima.

2 Timoteo 1:12

Mãɨ k'orea mɨ mãɨya mĩa bɨma. Maamina p'erawẽa bɨma. Mɨa k'awa bɨma k'aide ĩjãa bɨt'a. Mãɨnepa k'awa bɨma mɨa ichi juade ne bɨda ak'ɨmẽrá, mãɨ ichia p'ue ak'ɨi bɨt'a, aba ichia ɨtɨai ewaridea.

Hebreo 11:10

Abrahán mãɨya bapachima, chi p'uuru jõk'á bɨdea bade wãi k'orea nɨ bada pẽra. Mãɨ p'uuru Tachi Ak'õrepa minachia k'ɨ̃risia bak'ari ãarea oosima.

Hebreo 9:11

Maamina Cristo tachi P'aare minachia k'awa bɨ pa basima, tachia nepia Tachi Ak'õrenepa teada uru p'ananamẽrá. Tachi Ak'õre te pajãne bɨde eda wãsima. Mãɨ te chi piipará bɨpɨ mãɨnepa chi atepe bɨpɨ. Ẽpẽerãpa mãɨ oodawẽma; nãɨ ĩjũanepemawẽma.

Hebreo 9:24

Cristo Tachi Ak'õre te ẽpẽerãpa oodaadade eda wãé pasima, mãɨ abapuru Tachi Ak'õre te chi piarã bɨt'a, ara pajãne bɨ jĩra bɨ pẽra. Cristo pajãne Tachi Ak'õre k'ĩrari wãsima, ichi oa ãrisidepa tachi k'orea ichiá k'ĩra chupuria idi bai k'orea.

1 Pedro 1:4

ichia tachi pae pajãne uru bɨt'a jõma jitadaipɨ. Mãɨ ãrik'ama, jõk'ama, mãɨnepa nemietaawẽma.

2 Pedro 3:11

Nejõma jõi pẽra Tachi Ak'õrepa k'ɨ̃ria bɨ jĩra, mãra jĩp'a mãɨnepa nemietá newẽa nipadai p'anɨma.

1 Juan 3:14

Tachia ũpẽarã k'ɨ̃ria p'anɨ pẽra k'awa p'anɨma tachi piu p'anana chok'ae p'aneesidat'a. Chi ichi ũpẽa k'ɨ̃riawẽa bɨ wapida piu bɨma.

1 Juan 3:19

Mãɨnepa k'awa p'anɨma tachi piarã Tachi Ak'õrenet'a. Mãɨnepa ara tachi sõne nemietá oo p'anɨane a k'ɨ̃risiadaipɨra, Tachi Ak'õre k'ĩrari p'ue ne k'ɨ̃risiawẽa p'ananaipɨ. Tachi Ak'õrepa tachi k'orea pia k'awa bɨma chi tachi sõne k'ɨ̃risia p'anɨ k'aepẽra. Ichia jõma k'awa bɨma.

1 Juan 3:2

Ũpẽarã, tachi Tachi Ak'õre warrarãpɨ. Tachi Ak'õrepa wapida k'awapiwẽa bɨma tachi sãmaasã́ p'ananait'a. Maamina k'awa p'anɨma Cristo cherude ichi jĩra p'ananait'a, mãɨ ewaride ichi sãmaasã́ bɨ ununai pẽra.