2 Corintio 4:7 - Tachi Ak'õre Pedea

⁷ Cristo k'orea pedea pia bɨt'a taipa uru p'anɨmina, nãɨ k'ak'ua ɨbɨwẽa bɨma. Chok'o jĩra ãrii bɨma. Mãɨpuru jõmãɨrãpa k'awa p'anɨma tai jua chaareadepa mãɨ pedea jaratea p'anɨwẽt'a, mãɨpari Tachi Ak'õre jua chaarea waibɨa bɨdepa jaratea p'anɨt'a.

2 Corintio 4:7 ပူးပေါင်းရင်းမြစ်များ

Mateo 13:44

Pajãne Bɨpa ichidirã ichi juade ua bɨt'a erreara yoorode mẽra bɨda jĩra bɨma. Mãɨ erreara ẽpẽrapa unuk'ari mẽra bɨsima chi badamá. Maapae arapá wãk'ari jõma ichia uru bɨ netok'ari maapae chi ĩjũa atasima.

Mateo 13:52

Mãɨne Jesupa jarasima: —Pajãne Bɨpa ichidirã ichi juade ua bɨ k'orea Moisepa bɨda jarateaparipa k'awasira te chipari jĩra bɨma. Ichia yaa uru bɨdepema nepia chiwidi mãɨnepa chi chõarãenapema ak'ɨpiparima.

Juan 16:33

Mãɨ ãarea mɨa mãrá jarasima mɨnepa ne k'ɨ̃risiadawẽa p'ananamẽrá. Nãɨ ĩjũane nepɨra pará p'ananaipɨ, maamina ne wap'earãt'ɨ: nãɨ ĩjũanepema mɨa p'uesima.

1 Corintio 1:28

Nãɨ ĩjũanepemarãpa chi mĩa chupuria k'edeade apataɨ mãɨnepa ãchia itu bɨpataɨ Tachi Ak'õrepa jɨrɨ atasima. Mãɨya chi atepewẽa berã jɨrɨ atasima chi atepe berã mĩa chupuria bɨi k'orea.

2 Corintio 10:10

Waapẽarãpa nãɨya jara p'anɨma: «Pablopa k'art'adepa mãrá minachia ɨtɨaparima mãɨnepa ne minachia oopiparima. Maamina mãra ome bɨde wap'ea nɨbɨ jĩra bɨma mãɨnepa piawẽa pedeapariade apatama».

2 Corintio 13:4

Ichi ɨbɨwẽa bɨ jĩra k'urusude barijira bɨdaadamina Tachi Ak'õre chaareadepa chok'ae bɨma. Tai sida ɨbɨwẽa p'anɨma ichi ɨbɨwẽa bada jĩra, maamina ichi ome tai Tachi Ak'õre chaareadepa p'ananait'a mãrá unupidaipɨ.

2 Corintio 4:1

Tachi Ak'õrepa tachi mãɨya k'ĩra chupuria bɨdepa ichi pedea itu jarateapi bɨ pẽra, taipa k'ĩra sẽ p'anɨ jĩra k'ɨ̃risiadak'ama.

2 Corintio 5:1

Nãɨ ĩjũane tachi k'ak'ua tãaraa choak'a pẽra, te mẽa p'ãemari k'obɨ jĩra bɨma. Tachia k'awa p'anɨma nãɨ k'ak'ua piuk'ari Tachi Ak'õrepa tachiá tachi pajãnepema piuk'apɨ́ k'ak'ua teait'a. Mãɨ k'ak'ua ẽpẽrarãpa juapa p'ue oodaiwẽma.

2 Corintio 6:10

Tai sõp'uapatamina ewaricha arapá p'anɨma. Tai nenea k'edema. Maamina taipa chok'ará ẽpẽrarã́ Tachi Ak'õre k'orea k'awapipatama ãchi erreara uru be jĩra p'ananamẽrá. Tai nenea p'anɨmina Tachi Ak'õrenepa nejõma uru p'anɨma.

Ep'esio 2:5

nemietaade piu p'anana Cristo ome ará chok'ae bɨsima. Tachi Ak'õrepa ichi sõpiadepa mãra k'aripasima.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

Colosense 2:12

Tachi Ak'õrepa ichi jua chaareadepa Cristo chok'ae p'irabaripisima. Mãrapa Tachi Ak'õre mãɨya jua chaarea bɨ ĩjãanana pẽra porochoasidaɨde unupisidama Cristo ome t'ɨbarisidaɨt'a mãɨnepa Tachi Ak'õrepa mãra ichi ome chok'ae p'irabaripisidaɨt'a.

Colosense 2:3

Ichiapuru Tachi Ak'õre k'ɨ̃risiat'a k'ɨ̃risiapiipɨ mãɨnepa ne minachia k'awapiipɨ. Mãɨ k'ɨ̃risiat'a mãɨnepa ne k'awa p'anɨt'a minachia pia p'anɨma.

1 Tesalonicense 1:5

Taipa chi pedea pia Cristo k'orea mãrá jarateasidaɨde taipa pedeadeepuru pedeadaé pasima. Mãɨpari mãɨ pedea piarã arí k'awa p'anɨ pẽra Tachi Ak'õre Jaore jua chaareadepa pedeasidama. Mãrapa k'awa p'anɨma tai sãmaasã́ mãra paara p'anapachit'a, mãra pia p'ananamẽrá.

1 Tesalonicense 4:4

Mãra k'ak'ua jĩp'a k'awa uru p'anat'ɨ nemietá oopidaemaapa Tachi Ak'õre k'ĩrari mãɨnepa ẽpẽrarã k'ĩrari pia p'ananamẽrá.

2 Timoteo 2:20

Te waibɨa bɨde p'arat'u wawaria nee ooda mãɨnepa p'arat'a ooda p'anɨma. Ichiaba pak'uru ooda mãɨnepa yooro k'ada p'anɨma. Waapẽarã pia be pẽra paritua ewari ne oopataɨ k'orea p'anɨwẽma, mãɨt'u waapẽarã paritua ewari ne oopataɨ k'orea p'anɨma.