2 Corintio 4:4 - Tachi Ak'õre Pedea

⁴ Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

2 Corintio 4:4 ပူးပေါင်းရင်းမြစ်များ

Mateo 13:22

Chi net'a tau ĩjũa ɨɨrɨ idá bɨde p'oda nãɨ jara bɨma: chi eda waapẽarã ẽpẽrarãpa Tachi Ak'õre pedea ũripatama, maamina ãchi sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ãarea mãɨ k'ɨ̃risia mietapa ãchia sõne pia ũrinana itu bɨpiparima ne uu warida chauk'á bapari jĩra.

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Juan 1:18

Abaɨ pida Tachi Ak'õre ununak'ama. Maamina chi Warra aba bɨt'a Tachi Ak'õre pẽra mãɨnepa chi Ak'õre ome abarik'a bɨ pẽra, tachiá k'awapisima Tachi Ak'õre piarã sãmaasã́ bɨt'a.

Juan 12:31

Naapae Tachi Ak'õrepa nãɨ ĩjũanepemarãpa nemietá oopataɨ ak'ɨk'ari ɨtɨaipɨ. Naapae, chi nãɨ ĩjũanepema chipari Tachi Ak'õrepa p'ueipɨ.

Juan 12:35

Jesupa p'anoosima: —Nãɨ ɨnaa bɨ mãra ome tãaraa baiwẽma. Mãɨpuru ɨnaa bɨde nipat'ɨ ichi mãra ome bɨmisa mãɨ paritua p'ãrione baedaemaapa. Chi p'ãrione ni, mãɨpa sãmá wãrut'a k'awawẽma.

Juan 12:40

«Mɨa ãchi tau p'ãrio be jĩra bɨsima mãɨnepa sõ chaarea bɨsima ãchi taupa unu p'anɨmina k'awapidaemaapa mãɨnepa ũri p'anɨmina sõnepa k'awapidaemaapa. Mãɨya p'anɨ pẽra mɨmá chedak'ama mɨa jɨpa beepimẽrá».

Juan 12:45

Chi mɨ unu bɨpa mɨ Peeda sida unu bɨma.

Juan 14:30

»Mɨ mãra ome minachia pedeawẽma, chi nãɨ ĩjũanepema chaarea bɨ cheru pẽra. Ichia mɨ p'uek'ama.

Juan 15:24

Mɨa ãchi k'ĩrari ẽpẽerãpa ne p'ue oodak'apɨ́ oodaépara, ãchia nemietá oodada k'orea nepɨrade p'aneenaiwẽ pasima. Maamina mɨa ooda ãchia unusidamina mɨ, mɨ Ak'õre sida unuemaa uru p'anɨma.

Juan 16:11

Mãɨnepa Tachi Ak'õre Jaorepa k'awapiipɨ nãɨ ĩjũanepemarã nepɨra pará p'anɨane ait'a, Tachi Ak'õrepa chi nãɨ ĩjũanepema chipari nepɨra pará bɨade ada pẽra.

Juan 8:12

Mãɨya nak'ari Jesupa ẽpẽerã́ mãicha jarasima: —Mɨ nãɨ ĩjũanepemarã pae ɨnaa bɨ jĩra bɨma. Parituapa mɨ k'aade wãipɨra p'ãrione nipaiwẽma, mãɨpari ɨnaane bɨ pẽra chok'ae baipɨ.

Hecho 26:23

Ãchia jarapachidama Tachi Ak'õrepa Tachi K'aripaparí teai jarada mĩa bai basit'a mãɨnepa chi piudadepema naa chok'ae p'irabarii basit'a, chi tachi k'aripai ɨnaa bɨt'a judiorã́ mãɨnepa judiorãwẽa jarai k'orea.

1 Corintio 10:20

Maamina chi Tachi Ak'õrene ĩjãanak'apɨɨrãpa ne k'iuru ãchi sãdorã́ teautade piarã jaore mietaarã́ tea p'anɨma. Tachi Ak'õrea tea p'anɨwẽma. Mãrapa mãɨ k'iuru k'odaipɨra, unupidaipɨ jaore mietade ĩjãa p'anɨt'a. Mɨa mãɨ k'ɨ̃riawẽma.

2 Corintio 2:11

Mãɨya mɨa mãɨ k'ɨ̃risia atuasima tiorea tachi seapiemaapa. Ichia sãmaasã́ oopari tachia minachia k'awa p'anɨma.

2 Corintio 2:12

Mɨ Troa p'uurudea wãsima chi pedea pia Cristo k'orea jarateai k'orea. Mãma Tachi Chiparipa eda wãpataɨ ewaru jĩra oosima ẽpẽrarãpa ũri k'ɨ̃rianamẽrá.

2 Corintio 3:11

Chi Moisepa bɨda naena minachia pia basimina mãɨ ewaricha pae baé pasima. Maamina ichi pedea chiwidi bɨda jõk'a pẽra piipará bɨma.

2 Corintio 3:14

Maamina ãchia mãɨ k'awadaé pasima. Idiapae pida Moisepa bɨda ak'ɨutade judiorãpa k'awadak'ama. Ãchi k'ɨ̃risiat'a wapida neet'apa mẽra pɨra uru p'anɨ jĩra bɨma aba Cristodeepuru mãɨ wẽai bɨ pẽra.

2 Corintio 3:18

Tachia Cristode ĩjãa p'anɨ pẽra tachi k'ĩra neet'apa mẽra pɨra uru p'anɨ jĩra p'anɨwẽma. Mãɨpuru tachidepa waapẽarãpa Tachi Chipari k'ĩrawãrea unu p'anɨma k'ĩra ak'ɨpataɨde ak'ɨ p'anɨ jĩra. Mãɨne Tachi Chipari Jaorepa tachi ewaricha pia oopodo bɨma Tachi Chipari jĩra p'ananamẽrá.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

Gálata 1:4

Chi mãɨ Jesucristopa ara ichi tachi nemietá k'orea itu peapisima nãɨ ewari mietaadepema k'aripai k'orea. Mãɨya oosima Tachi Pajãnepema Ak'õrepa k'ɨ̃riana pẽra.

Ep'esio 2:2

Mãɨya p'ɨrrɨasidama chi nãɨ ĩjũanepema k'ɨ̃risiat'a ĩjãa p'anana pẽra mãɨnepa jaore mietaarã chi minachia k'awa bɨde ĩjãa p'anana pẽra. Nãɨ ewaride ichia chi Tachi Ak'õre pedea ĩjãanak'apɨɨrã ichi juade uru bɨma.

Ep'esio 6:12

Tachi ẽpẽrarã paara chõo p'anɨwẽma. Mãɨ k'aepẽra jaore mietaarã nãɨ ĩjũa p'ãrionepemarã paara chõo p'anɨma. Ãchi chi tachia ununak'apɨ́ chi jua chaarea berãpɨ, chi ɨt'aripema jaore mietaarãnepema poro chaarearãpɨ.

P'ilipense 2:6

Ichi Tachi Ak'õremina, ara Tachi Ak'õre jĩra abarik'a bai k'ɨ̃risiaé pasima.

Colosense 1:15

Chi tachia ununak'aɨ Tachi Ak'õre, mãɨ Jesucristodepa unupatama. Ichit'a Tachi Ak'õre Warra ĩwini pẽra nejõma Tachi Ak'õrepa ooda Chiparipɨ.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

1 Timoteo 1:11

Tachia chi Tachi Ak'õre k'orea pedea pi-ia jarateautade, mãɨ ãarea k'awapidaipɨ. Tachi Ak'õre pia bɨpa mãɨ mɨá teasima jaratea bamẽrá.

Tito 2:13

Tachi pia p'ananai ewari nɨ p'anɨmisa mãɨya p'ananai p'anɨma. Mãɨ ewaride Tachi K'aripaparí Jesucristo cherude, ichi k'ĩrawãrea ununaipɨ, ichi Tachi Ak'õre chi atepe bɨdeepuru.

Hebreo 1:3

Ichi Warrapa Tachi Ak'õre k'ĩrawãrea achiterrea unupiparima. Ichiapuru Tachi Ak'õre sãmaasã́ bɨt'a k'awapiparima. Ichi pedea jua chaarea bɨdepa ne ãarea ooda ichi juade ara mãɨya uru bɨma. Ichia tachi nemietá oodada sɨɨk'ari Tachi Ak'õre chi auk'ará bɨ juaraari pajãne suak'abari beesima.

Hebreo 6:4

Chi eda waapẽarãpa chi piarã pedea k'awa p'ananak'ari, Tachi Ak'õrepa tea bɨ k'orea arapá p'ananak'ari, Ichi Jaoredepa ne jitadak'ari,

2 Pedro 1:19

Mãɨ awara k'awa p'anɨma Tachi Ak'õre pari pedeapataɨrãpa jaradada piarãt'a. Mãɨ pedea ĩpira p'ãrione urua bɨ jĩra bɨ pẽra mãrapa minachia jĩrak'aua ũrinai p'anɨma. Ĩpira uruaparima aba ewari wãrunea, aba chi tap'edepema k'ãk'ãi ochiarudea. Ara mãɨ jĩra tachi nãɨ ĩjũa nemietaade p'anɨmisa mãɨ pedeapa tachi sõne k'awapi bɨma sãmaasã́ nipadai p'anɨt'a aba Cristo cherudea.

1 Juan 2:11

Maamina chi ichi ũpẽa unuemaa uru bɨ p'ãrione bɨma. P'ãrione nipapari pẽra atua bɨma sãmá wãit'a, mãɨ p'ãriopa ichi tau p'ãrio uru bɨ pẽra.

1 Juan 2:8

Maamina chi mɨa bɨ bɨt'u chiwidi jĩra bɨma Cristopa ooda pẽra mãɨnepa mãra pida piarã oo p'anɨ pẽra. Chi nãɨ chiwidi bɨt'a p'ãrio jõpodo jĩra bɨma, mãrapa nemietá itu bɨpodouta pẽra. Ichiaba piarã ɨnaapodo jĩra bɨma, mãrapa k'ɨ̃ria p'anɨnepa jĩp'a oopodouta pẽra.

1 Juan 5:19

Tachia k'awa p'anɨma tachi Tachi Ak'õrené. Mãɨnepa k'awa p'anɨma jõma chi nãɨ ĩjũane Tachi Ak'õre atua be tiore juade p'anɨrãt'a.