2 Corintio 4:16 - Tachi Ak'õre Pedea

¹⁶ Mãɨpuru taipa waa jarateadaiwẽ k'ɨ̃risiadak'ama. Tai k'ak'ua ewaricha jõpodoutamina Tachi Ak'õrepa k'aripa bɨma tai sõne chaarea p'ananamẽrá.

2 Corintio 4:16 ပူးပေါင်းရင်းမြစ်များ

Luca 11:3

Taiyá chik'o tease ewaricha k'odamẽrá.

Romano 12:2

Chi nãɨ ĩjũanepemarãpa oopataɨ jĩra niparãt'ɨ, mãɨpari k'ɨ̃risia chiwidi Tachi Ak'õrepa tea bɨdepa jĩp'a nipat'ɨ. Mãɨya Tachi Ak'õrepa k'ɨ̃ria bɨt'a mãrapa k'awadaipɨ. Jõma ichia k'ɨ̃ria bɨt'a pia bɨma, jĩp'a bɨma mãɨnepa ichia pia unu bɨma.

Romano 7:22

Piarã mɨa sõnepa Moisepa bɨda minachia pia unu bɨma.

1 Corintio 15:58

Mãɨ k'orea ũpẽarã mɨa k'ɨ̃ria berã, minachia ĩjãa p'anat'ɨ. Tachi Chiparipa k'ɨ̃ria bɨ minachia oopariet'ɨ. Mãrapa k'awa p'anɨma chi Tachi Chipari pae oo p'anɨ, pari oo p'anɨwẽt'a.

2 Corintio 12:15

Ara mɨ mãɨnepa jõma mɨa uru bɨt'a arapá teaipɨ mãra k'aripai k'orea. Mɨ ãpia k'ɨ̃ria p'anɨmina, mɨa mãra atepe k'ɨ̃riapodoipɨ.

2 Corintio 4:1

Tachi Ak'õrepa tachi mãɨya k'ĩra chupuria bɨdepa ichi pedea itu jarateapi bɨ pẽra, taipa k'ĩra sẽ p'anɨ jĩra k'ɨ̃risiadak'ama.

Ep'esio 3:16

Mɨa ɨt'aa chiidi bɨma ichi Jaoredepa mãɨnepa ichia ne minachia pia bɨdepema mãra sõne jua chaarea p'anapimẽrá. Mãɨya mãra chaarea p'ananaipɨ.

Ep'esio 4:23

Mãɨpari Tachi Ak'õrea mãra k'ɨ̃risia chiwidi itu oopit'ɨ.

Colosense 3:10

Neet'á chiwidi jɨ̃uta jĩra mãra chiwidi p'aneesidama ara Tachi Ak'õre jĩra p'ananamẽrá. Mãɨ awara mãra pia oopodoutama ichi jĩra p'aneenamẽrá mãɨnepa ichi pia k'awadamẽrá.

Tito 3:5

Mãɨpa tachi k'aripasima. Tachia pia oodada k'orea k'aripaé pasima, mãɨpari ichi k'ĩra chupuria bɨdepa k'aripasima. Tachi nemietá k'ɨ̃risia atuasima neet'á t'õna jĩra p'aneenamẽrá mãɨnepa chiwidi jĩra p'aneenamẽrá. Ichiaba Tachi Ak'õre Jaorepa tachiá mãicha chok'ae p'anapisima.

1 Pedro 3:4

Mãɨpari mãra sõnepuru mip'it'á bai bɨma; sõpiadepa mãɨnepa ne k'ɨ̃risiawẽa bɨdepa bai bɨma. Mãɨ mip'it'á jõk'ama mãɨnepa Tachi Ak'õrepa pia unu bɨma.

1 Pedro 4:14

Waapẽarãpa mãra Cristode ĩjãa p'anɨ k'orea k'achia pedeadaipɨra, Tachi Ak'õre k'ĩrari minachia pia p'anɨma. Tachi Ak'õre Jaore k'ĩrawãrea bɨt'a mãra ome bɨma.