2 Corintio 4:11 - Tachi Ak'õre Pedea

¹¹ Piarã tai wapida chok'ae p'anɨne Jesú k'orea ẽpẽrarãpa tai pea k'ɨ̃ria p'ananaipɨ. Mãɨya tai k'ak'ua piui bɨdepa jõmãɨrãpa Jesú chok'ae bɨt'a ununaipɨ.

2 Corintio 4:11 ပူးပေါင်းရင်းမြစ်များ

Romano 8:11

Maamina ichi Jaore mãra sõne bɨ pẽra, ichidepa mãra k'ak'ua piui bɨt'a chok'ae p'irabaripiipɨ Cristo Jesú chok'ae p'irabaripida jĩra.

Romano 8:36

Tachi Ak'õre pedeade nãɨya bɨ bɨma: «Ewaricha pɨ k'orea tai pea k'ɨ̃ria p'anɨma. Oveja peauta jĩra peadai k'ɨ̃risia p'anɨma».

1 Corintio 15:31

Ũpẽarã, mãrapa Tachi Chipari Jesucristode ĩjãa p'anɨ k'orea mɨ piarã arapá bɨma. Piarã jararuma: ewaricha k'ɨ̃risia bɨma ẽpẽrarãpa mɨ chi Jesú pedea k'orea peadai.

1 Corintio 15:49

Tachi chi naapema ẽpẽra yooro k'ak'ua ooda jĩra p'anɨma mãɨnepa pajãnepa cheda ẽpẽra Cristo jĩra p'ananaipɨ.

2 Corintio 4:10

Tai wãutacha ẽpẽrarãpa tai pea k'ɨ̃ria p'anɨma Jesú peadada jĩra. Maamina Jesupa tai k'aripa bɨ pẽra ãchia taidepa Jesú chok'ae bɨt'a unupatama.

2 Corintio 4:12

Piarã ẽpẽrarãpa tai pea k'ɨ̃ria p'anɨmina taipa jaratea p'anɨt'a mãrapa ĩjãasidama. Mãɨpuru ewaricha Tachi Ak'õre ome chok'ae p'ananaipɨ.

2 Corintio 5:4

Piarã tachi nãɨ k'ak'uade p'anɨne minachia mĩapatama mãɨnepa sõp'ua bɨdepa pedeapatama. Maamina mɨa jarawẽa bɨma tachi piu k'ɨ̃ria p'anɨ, nãɨ k'ak'ua uru p'aneenaemaapa. Mãɨpari pajãnepema k'ak'ua jita k'ɨ̃ria p'anɨma. Mãɨya tachi k'ak'ua piui bɨt'a jõk'ari tachi k'ak'ua piuk'apɨɨt'u beeipɨ.

2 Corintio 6:9

Tai pia k'awa p'anɨmina ãchia ununak'apɨ́ ẽpẽrarã jĩra oopatama. Tai piumaa p'anɨ jĩra k'ɨ̃risia p'anɨmina wapida chok'ae p'anɨma. Tai soapa p'epatamina peadak'ama.