2 Corintio 3:2 - Tachi Ak'õre Pedea

² Mãrat'a chi tai sõne k'art'a bɨ bɨ jĩra p'anɨma. Jõmãɨrãpa mãɨ k'art'a ak'ɨdak'ari k'awa p'anɨma taipa jĩp'a jarateapataɨt'a.

2 Corintio 3:2 ပူးပေါင်းရင်းမြစ်များ

Romano 1:8

Naa mɨa jararuma: Jesucristodepa mɨa jõma mãra k'orea Tachi Ak'õrea sõpia bɨade aparima mãrapa Jesucristode ĩjãa p'anɨ k'orea tuachadepemarãpa pedea p'anɨ pẽra.

1 Corintio 3:10

Mɨ te ooparí pia jĩra bɨma. Tachi Ak'õrepa ichi sõpiadepa mɨá teadadepa, te tĩitau yaayá eudu k'orosima. Waapẽarãpa mãɨ ɨ̃rɨ te oopatama. Maamina tachicha jĩrak'aua bai bɨma sãmaasã́ mãɨ ɨ̃rɨ ooi bɨt'a.

2 Corintio 11:11

¿Mɨa k'ãarea mãɨya erreara idiwẽa bɨma? ¿Mãra k'ɨ̃riawẽa bɨ pẽra mãɨya oo bɨk'ãra? Tachi Ak'õrepa k'awa bɨma mɨa mãra k'ɨ̃ria bɨt'a.

2 Corintio 12:15

Ara mɨ mãɨnepa jõma mɨa uru bɨt'a arapá teaipɨ mãra k'aripai k'orea. Mɨ ãpia k'ɨ̃ria p'anɨmina, mɨa mãra atepe k'ɨ̃riapodoipɨ.

2 Corintio 3:1

¿Mãɨ jara p'anɨnepa mãicha ara tai k'orea pia pedea p'anɨk'ãra? ¿Tai pia nipadada k'orea k'art'a mãrá ak'ɨpidai p'anɨk'ãra jarateadai k'orea? ¿Taipa mãrá k'art'a ididai p'anɨk'ãra jarateade wãnai k'orea waapẽarãpa oopata jĩra?

2 Corintio 7:3

Mɨa mãɨ jarawẽa bɨma mãra k'orea k'achia pedeai k'orea. Mɨa naena jarasima taipa mãra sõnepa k'ɨ̃ria p'anɨ. Mãɨnepa mãra ome ará p'anɨne wa piuutade, mãɨya k'ɨ̃ria p'ananaipɨ.

P'ilipense 1:7

Pia bɨma mɨa jõma mãra k'orea mãɨya k'ɨ̃risia bait'a, mãra minachia k'ɨ̃ria bɨ pẽra. Mɨ eda jɨ̃a nɨbɨde wa chi pedea pia Cristo k'orea piarã k'awapii bɨde, Tachi Ak'õrepa ichi sõpiadepa mãra mãɨnepa mɨ sida k'aripa bɨma ichi pedea jaratea p'ananamẽrá.

1 Tesalonicense 1:8

Mãɨ ãchit'ura mãranepemarãpa Tachi Chipari pedea ũrinaé pasima, mãɨpari tuacha ẽpẽrarãpa k'awasidama mãrapa Tachi Ak'õrene ĩjãa p'anɨt'a. Mãɨ k'orea ¿taipa mãra k'orea k'ãre waa jaradaima?