2 Corintio 3:12 - Tachi Ak'õre Pedea

¹² Mãɨ pedea chiwidi bɨda piarã jõk'apɨ́ k'awa p'anɨ pẽra taipa pia jarateapatama.

2 Corintio 3:12 ပူးပေါင်းရင်းမြစ်များ

Juan 10:24

Mãɨya bɨde judiorãpa Jesú jũranak'ari idisidama: —Waa ¿sãapae pɨa taiyá pɨ k'orea k'ɨ̃risia k'awapiwẽa uru baima? Pɨ Tachi Ak'õrepa Tachi K'aripaparí teai jaradapɨra, taiyá jĩp'a jarase.

Juan 16:25

»Mɨa ne jara bɨdepa mãɨ mãrá jarasima, maamina ewariaba mɨ waa nepɨra bɨdepa pedeaiwẽma. Mãɨpari mɨ Ak'õre k'orea pia jĩp'a jaraipɨ.

Juan 16:29

Maapae chi ichi ome p'ɨrrɨapataɨrãpa jarasidama: —Naapae pɨa jara bɨt'a taimá pia bɨma. Nepɨra bɨdepa pedea bɨwẽma.

Hecho 14:3

Maamina Pablo mãɨnepa Bernabé mãma tãaraa p'anasidama. Tachi Chiparipa k'aripa bɨ sõnepa ĩjãa p'anɨ pẽra ichi k'orea ne wap'eawẽa jarateapachidama. Mãɨne Tachi Chiparipa ãchiá jua chaarea teasima ẽpẽerãpa ne p'ue oodak'apɨ́ oodamẽrá. Mãɨya k'awapisima ichi sõpiadepema ãchia jaratea p'anɨ piarãt'a.

Hecho 4:13

Chi judiorã chaarearãpa Pedro mãɨnepa Juan ne wap'eawẽa pedea p'anɨt'a unusidaɨde k'awa k'ɨ̃risiadaé pasima. Pedro mãɨnepa Juan k'art'a atua p'anɨ unusidaɨde, k'awasidama ãchi Jesú ome p'ɨrrɨapachidat'a.

Hecho 9:27

Maamina Bernabepa Saulo ateewãsima Jesupa peedaɨrãmá. Maapae ichia nepɨrɨsima sãmaasã́ Saulopa Tachi Chipari ode unusit'a, Tachi Chipari ichi ome pedeadat'a mãɨnepa sãmaasã́ Saulopa Damasco p'uurude Jesú k'orea ne wap'eawẽa pedeapachit'a.

Hecho 9:29

Judiorã chi griego pedeade pedeapataɨrã ome Jesú k'orea pedeapachima maamina ichi pea k'ɨ̃ria p'anasidama.

1 Corintio 14:19

Maamina ũpẽarã ará jere nɨbɨde mɨmá tachia ũrinak'apɨ́ pedeade pedea k'ak'o diez mil pedeai k'aepẽra pia bɨma tachia ũripataɨ pedeade pedea k'ak'o joesoma pedeait'a.

2 Corintio 10:1

Mɨ Pablopɨ. Cristo k'ɨ̃rianepa mãɨnepa ichi sõpiadepa mɨa mãrá chichupuria idiruma mɨ pedea ũrinamẽrá. Waapẽarãpa jara p'anɨma mãra ome bɨde, mɨa wap'ea baparit'a mãra ɨtɨai k'orea, maamina mãra ome bɨwẽne wap'eak'ama mãra k'art'adepa ɨtɨai k'orea.

2 Corintio 3:11

Chi Moisepa bɨda naena minachia pia basimina mãɨ ewaricha pae baé pasima. Maamina ichi pedea chiwidi bɨda jõk'a pẽra piipará bɨma.

2 Corintio 4:13

Tachi Ak'õre pedeade bɨ bɨma: «Mɨa Tachi Ak'õrene ĩjãana pẽra pedeasima». Ara mãɨ jĩra taipa Tachi Ak'õre piarã ĩjãa p'anɨ pẽra ichi k'orea pedea p'anɨma.

2 Corintio 7:4

Mɨa mãrá piarã pedea bɨma mãɨnepa mãra k'orea mɨ arapá bɨma. Tai minachia mĩa p'anɨne mɨ mãra k'orea sõpia baparima mãɨnepa minachia arapá baparima.

P'ilipense 1:14

Mãɨ k'orea chok'ará ũpẽarãpa Tachi Chiparidepa Tachi Ak'õre pedea ne wap'eawẽa jara p'anɨma.

P'ilipense 1:20

Cristo k'orea mɨ mi ãpia pida p'eraiwẽa bɨma, mãɨpari ichi k'orea pedeai k'orea p'eraiwẽa bɨma. Mãɨya mɨa jõmãɨrã́ Cristo chi atepe bɨt'a k'awapiipɨ, ewaricha oo bapari jĩra. Chok'ae beeipɨra wa piuipɨra, mɨa k'ɨ̃ria bɨma jõmãɨrãpa mɨnepa k'awadait'a Cristo chi atepe bɨt'a.

Colosense 4:4

Ɨt'aa chiidit'ɨ mɨa pia jarateamẽrá mɨa ooi bɨ jĩra.

1 Tesalonicense 2:2

K'awa p'anɨma mãramá wãnai naena P'ilipodepemarãpa tai k'orea k'achia pedeasidaɨt'a mãɨnepa piawẽa oosidaɨt'a. Mãɨ awara mãramá chesidaɨde chok'araɨrãpa k'ɨ̃rianaé pasima taipa jaratea p'anɨt'a. Maamina Tachi Ak'õrepa sõpiapisima ichi pedea pia mãrá ne wap'eawẽa jarateadamẽrá.

1 Timoteo 3:13

Ũpẽarã k'aripapataɨrã oodai p'anɨ jĩp'a oodaipɨra, jõmãɨrãpa ãchi k'orea pia pedeadaipɨ. Mãɨya ne wap'eawẽa ãchia Jesucristode ĩjãa p'anɨ k'orea atepe p'ue pedeadaipɨ.

P'ilemón 1:8

Mãɨ k'orea pɨá idiruma mɨa jararut'a oomẽrá. Cristodepa mɨa, pɨá mãɨ p'ue oopi bɨmina, mãɨya oopiiwẽma.