2 Corintio 3:1 - Tachi Ak'õre Pedea

¹ ¿Mãɨ jara p'anɨnepa mãicha ara tai k'orea pia pedea p'anɨk'ãra? ¿Tai pia nipadada k'orea k'art'a mãrá ak'ɨpidai p'anɨk'ãra jarateadai k'orea? ¿Taipa mãrá k'art'a ididai p'anɨk'ãra jarateade wãnai k'orea waapẽarãpa oopata jĩra?

2 Corintio 3:1 ပူးပေါင်းရင်းမြစ်များ

Hecho 18:27

Mãɨya nak'ari Apolo Acaya tuadea wã k'ɨ̃ria basima. Mãɨpuru ũpẽarã Ep'esodepemarãpa ichi wãit'a pia bɨade asidama. K'art'a bɨsidama Jesude ĩjãapataɨrãpa ichi mãma “pɨ pia chesiade” adamẽrá. Acaya tuade cheside Apolopa ũpẽarã Tachi Ak'õre sõpiadepa Jesude ĩjãanana minachia k'aripasima.

Romano 16:1

Mɨa mãrá tachi ũpẽawẽra P'ebe apataɨ k'orea pia jararuma. Ichi Cencrea p'uurude ũpẽarã k'aripaparipɨ.

1 Corintio 10:33

Ara mãɨ jĩra mɨa oo bɨdepa jõmãɨrã́ pia k'ɨ̃risiapi k'ɨ̃ria bɨma. Mɨt'a pia bai k'oreapuru jɨrɨk'ama, mãɨpari ẽpẽrarã chok'ará pia p'ananamẽrá jɨrɨparima. Mãɨya mɨa oo bɨdepa ãchia Cristode ĩjãanaipɨ Tachi Ak'õrepa k'aripamẽrá.

1 Corintio 16:3

Mɨ cherude chi ũpẽarã mãrapa jɨrɨ atadada mɨa mãɨrã ome Jerusalenea erreara tea peeipɨ. Ũpẽarã Jerusalenepemarãpa ãchi pia p'anɨane adamẽrá mɨa, ãchi ome k'art'a tea peeipɨ.

1 Corintio 3:10

Mɨ te ooparí pia jĩra bɨma. Tachi Ak'õrepa ichi sõpiadepa mɨá teadadepa, te tĩitau yaayá eudu k'orosima. Waapẽarãpa mãɨ ɨ̃rɨ te oopatama. Maamina tachicha jĩrak'aua bai bɨma sãmaasã́ mãɨ ɨ̃rɨ ooi bɨt'a.

1 Corintio 4:15

Mãrapa Cristo k'orea jarateapataɨrã chok'ará uru p'anɨpara wapida ak'õre aba uru p'ananai pasima. Mɨnepa mãrapa chi Jesú k'orea pedea pia ĩjãanana pẽra ichidepa mɨ mãra ak'õrepɨ.

2 Corintio 10:12

Maamina ¿sãmaasã́ tachi k'ɨ̃ría chi waapẽarã ãchit'u chi piipará beade apataɨrã jĩra k'ɨ̃risiadaima? Ara ãchit'u chaapatama, mãɨnepa ara ãchi waapẽarã paara ak'ɨpatama, k'ai piipará bɨ k'awadai k'orea. Mãɨya oodadepa, k'ɨ̃risia nea p'anɨt'a unupipatama.

2 Corintio 10:18

Abaɨpa ara ichi k'orea pia jaraipɨra, mãɨ jara bɨwẽma Tachi Chiparipa mãɨ ẽpẽra pia unu bɨt'a. Mãɨpari chi Tachi Chiparipa chi ẽpẽra pia bɨade a bɨt'a, mãɨt'u pia unu bɨma.

2 Corintio 10:8

Pia jaraideepara, Tachi Ak'õrepa taiyá oopi bɨ k'orea mɨa atepe pedea bɨmina mãɨ k'orea k'ĩra p'era bɨwẽma. Tachi Chiparipa taiyá mãɨya oopi bɨma mãrapa pia ĩjãanamẽrá. Ichia tai bɨé pasima mãrapa ĩjãapataɨ itu bɨdamẽrá.

2 Corintio 12:11

Mɨ k'ɨ̃risia newẽa bɨ jĩra ara mɨchi k'orea pia pedea bɨma, maamina mãrapuru mɨ mãɨya pedeapisidama. Mãrapa mɨ k'orea pia pedeadai p'anɨmina pia pedeadawẽa p'anɨma. K'ɨ̃risia p'anɨma jãɨrã Jesucristopa peedaɨrã apataɨrã chi atepe p'anɨt'a. Mɨ chi atepewẽmina ãchi k'aepẽra k'aepea bɨwẽma.

2 Corintio 12:19

¿Mãramá taipa mãɨya jara p'anɨk'ãra tai k'orea piawẽa k'ɨ̃risiapidaemaapa? Mãɨyawẽma. Ũpẽarã, tai Cristoderã pẽra Tachi Ak'õre k'ĩrari jõma mãɨ jara p'anɨma mãrapa pia ĩjãanamẽrá.

2 Corintio 2:17

Taipa erreara atadai k'orea Tachi Ak'õre pedea jaratea nipadawẽma chok'araɨrãpa oopata jĩra. Mãɨpari Cristo ome p'anɨ pẽra Tachi Ak'õrepa tai peesima. Mãɨne ichi k'ĩrari k'ɨ̃risia piadepa jarateapatama.

2 Corintio 5:12

Mãicha ara tai k'orea mãrá pia pedea p'anɨwẽma, mãɨpari k'ɨ̃ria p'anɨma mãrapa tai k'orea p'ue pia k'ɨ̃risiadait'a. Mãɨya chi eda waapẽarãpa tai k'orea k'achia pedeautade mãrapa tai k'orea p'ue pia jaradaipɨ. Jãɨrãpa ãchi taupa pia unu bɨt'a pia bɨade a k'ɨ̃risiapatama. Maamina sõnepema k'ɨ̃risiadak'ama.