2 Corintio 2:7 - Tachi Ak'õre Pedea

⁷ Maawẽapuru naapae ichia ooda k'ɨ̃risia atuadai p'anɨma mãɨnepa sõpiapidai p'anɨma minachia sõp'ua bɨpa piawẽa beepiemaapa.

2 Corintio 2:7 ပူးပေါင်းရင်းမြစ်များ

1 Corintio 15:54

Mãɨya tachi k'ak'ua beraaparí, k'ak'ua beraak'apɨ́ beerude mãɨnepa k'ak'ua piui pada, k'ak'ua piuk'apɨ́ beerude, Tachi Ak'õre pedeade bɨ bɨ jĩra piarã mãɨya baipɨ. Nãɨya bɨ bɨma: «Tachi Ak'õrepa tachi piui pada jõpisima».

2 Corintio 2:8

Mãɨ k'orea mɨa mãrá chichupuria idiruma mãrapa ichi k'ɨ̃ria p'anɨt'a mãicha k'awapidamẽrá.

2 Corintio 5:4

Piarã tachi nãɨ k'ak'uade p'anɨne minachia mĩapatama mãɨnepa sõp'ua bɨdepa pedeapatama. Maamina mɨa jarawẽa bɨma tachi piu k'ɨ̃ria p'anɨ, nãɨ k'ak'ua uru p'aneenaemaapa. Mãɨpari pajãnepema k'ak'ua jita k'ɨ̃ria p'anɨma. Mãɨya tachi k'ak'ua piui bɨt'a jõk'ari tachi k'ak'ua piuk'apɨɨt'u beeipɨ.

2 Corintio 7:10

Abaɨpa ichi nemietá ooda k'orea Tachi Ak'õrepa k'ɨ̃ria bɨ jĩra sõp'ua beeipɨra, ichia nemietá ooda itu bɨk'ari Tachi Ak'õremá cheipɨ. Maapae Tachi Ak'õrepa ichi k'aripaipɨ. Tachi Ak'õre ome pia beeda pẽra mãɨ sõp'ua beei k'orea piawẽa k'ɨ̃risiak'ama. Maamina abaɨpa nãɨ ĩjũanepemarã sõp'ua p'anapata jĩra sõp'ua beeipɨra, nemietá itu bɨwẽ pẽra piuipɨ.

Ep'esio 4:32

Sõpia p'anat'ɨ. K'ĩra chupuria p'anat'ɨ. Chi mãrapa piawẽa oodada k'ɨ̃risia atuat'ɨ, Tachi Ak'õrepa mãra nemietá Cristodepa k'ɨ̃risia atuada jĩra.

P'ilipense 2:27

Piarã ichi k'ak'ua piawẽa basima. Perá piusima. Maamina Tachi Ak'õrepa ichi k'ĩra chupuriasima. Abapuru ichi k'ĩra chupuriaé pasima, mãɨpari mɨ sida k'ĩra chupuriasima mãɨ atepe minachia k'ɨ̃risiapiemaapa.

Colosense 3:13

Jõmãɨrã ome choa k'awa p'anat'ɨ. Abaɨpa piawẽa oosira mãɨ piawẽa ooda k'ɨ̃risia atuat'ɨ. Mãrapa piawẽa oodada Tachi Chiparipa k'ɨ̃risia atuada jĩra mãra pida k'ɨ̃risia atuat'ɨ.

1 Tesalonicense 4:13

Ũpẽarã, taipa k'ɨ̃ria p'anɨma mãrapa chi Jesude ĩjãapataɨrã piudaadarã k'orea k'awadamẽrá. Mãɨya mãra sõp'ua p'ananaiwẽma Tachi Ak'õrene ĩjãanak'apɨɨrã sõp'ua p'anapata jĩra. Ãchi sõp'ua p'anapatama chi piuda sãmaasã́ bai k'awadawẽ pẽra.

2 Tesalonicense 3:6

Ũpẽarã, Tachi Chipari Jesucristo t'ɨ̃nepa taipa mãrá jara peeutama ũpẽarã k'oa be ome ará p'anapidaemaapa. Jãɨrãpa taipa jarateadada jĩra oodak'ama.