2 Corintio 2:12 - Tachi Ak'õre Pedea

¹² Mɨ Troa p'uurudea wãsima chi pedea pia Cristo k'orea jarateai k'orea. Mãma Tachi Chiparipa eda wãpataɨ ewaru jĩra oosima ẽpẽrarãpa ũri k'ɨ̃rianamẽrá.

2 Corintio 2:12 ပူးပေါင်းရင်းမြစ်များ

Hecho 14:27

Chedak'ari ũpẽarã ome ará p'anasidama. Mãɨne nepɨrɨsidama ãarea Tachi Ak'õrepa ãchidepa ooda. Jarasidama Tachi Ak'õrepa eda wãpataɨ ewasit'a judiorãwẽ pida Jesude ĩjãanamẽrá.

Hecho 16:11

Troa p'uurudepa p'ãp'orrode batoodak'ari jĩp'a wãnak'ari Samotracia ĩjũa p'ɨrra bɨde pasidama. Norema Neápoli p'uurude chesidama.

Hecho 16:8

Mãɨpuru Misia tuade p'asa wãnak'ari Troa p'uurudea pasidama.

Hecho 20:8

Tai chi te ɨt'ɨ pará bɨmá ará p'anasidama. Ĩpira minachia k'oa nɨbasima.

Romano 1:1

Mɨ Pablopɨ, Jesucristo pae pari mimiaparí. Tachi Ak'õrepa mɨ jɨrɨ atasima Jesucristopa peeda bamẽrá mãɨnepa bɨsima chi pedea pia Tachi Ak'õre k'orea jarateade wãmẽrá.

1 Corintio 16:9

Nãma chi mɨ unuemaa minachia p'anɨmina p'ue Tachi Ak'õre pedea pia jaratea baipɨ mãɨnepa chok'araɨrãpa ĩjãautama.

1 Corintio 9:12

Waapẽarã jarateapataɨrãpa mãranepa ne jitadai p'anɨpɨra, taipa ãchi k'aepẽra ne atepe jitadai p'anɨma. Maamina ne ididak'ama. Mãɨpari jõma choa p'anɨma ẽpẽrarãpa chi pedea pia Cristo k'orea piawẽa k'ɨ̃risiapidaemaapa.

1 Corintio 9:14

Ara mãɨ jĩra Tachi Chiparipa jarasima chi pedea pia ichi k'orea jaratea nipapataɨrãpa chi mãɨnepema jitadai p'anɨ k'odai k'orea.

1 Corintio 9:16

Mɨa chi pedea pia Cristo k'orea jaratea bɨmina mɨ chi atepe bɨ jĩra k'ɨ̃risiak'ama, Tachi Ak'õrepuru jarateapi bɨ pẽra. Chi mãɨ pedea pia jarateaepɨra, mɨ mĩa chupuria beeipɨ.

2 Corintio 10:14

Tai mãrá naa chi pedea pia Cristo k'orea jarateade wãsidama. Mãɨya baépara idiapae mãrá jarateautade Tachi Ak'õrepa peedawẽmá p'ananaiwẽ pasima.

2 Corintio 11:4

Tai awaraɨ chedapa Jesú k'orea taipa jarateadada awara jaratearude, wa chi Tachi Ak'õre Jaore mãrapa jitadada k'orea awara jaratearude mãrapa minachia ĩjãapatama. Ichiaba chi pedea pia mãrapa ĩjãanana awara jaratearude minachia ĩjãapatama.

2 Corintio 11:7

Mɨa chi pedea pia Tachi Ak'õre k'orea mãrá pari jarateada pẽra mɨ mãra k'ĩrari ãpia jĩra beesima Tachi Ak'õre ome pia p'ananamẽrá. ¿Mãɨyara nemietá oosik'ãra?

2 Corintio 4:3

Maamina chi pedea pia Cristo k'orea taipa jaratea p'anɨ waidi pia ũriwẽpɨra, aba chi atuai p'anɨrãmaapuru mãɨya bɨma.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

2 Corintio 8:18

Ichi ome taipa ũpẽa aba peeutama. Mãɨ ũpẽapa chi pedea pia Cristo k'orea k'aripa jaratea nipapari pẽra ũpẽarã p'uuru bechadepemarãpa ichi k'orea pia pedeapatama.

2 Corintio 9:13

Mãrapa k'aripa p'anɨnepa unupi p'anɨma chi pedea pia Cristo k'orea piarã ĩjãa p'anɨt'a. Sõpiadepa chi ũpẽarã́ tea p'anɨma mãɨnepa jõmãɨrã k'aripa p'anɨma. Mãɨ k'orea Tachi Ak'õrea pia pedeadaipɨ.

Colosense 4:3

Tai k'orea ɨt'aa chiidit'ɨ Tachi Ak'õrepa eda wãpataɨ ewaru jĩra chi Cristo k'orea naena k'awapiwẽa bada itu jarateapimẽrá. Mãɨ jaratea bɨ k'orea mɨ eda jɨ̃a nɨbɨ uru p'anɨma.