2 Corintio 13:7 - Tachi Ak'õre Pedea

⁷ Taipa Tachi Ak'õrea idi p'anɨma mãrá nemietá oopidaemaapa. Maamina mãɨya idi p'anɨwẽma ak'ɨpidai k'orea tai Jesucristopa peedaɨrãt'a. Mãɨpari idi p'anɨma mãrapa jõma pia oodamẽrá, tai Jesucristopa peedaɨrãt'a k'ɨ̃risiadawẽa p'anɨmina.

2 Corintio 13:7 ပူးပေါင်းရင်းမြစ်များ

Mateo 6:13

Tai nemietaade baepirãse mãɨnepa nemietaadepema k'aripase”. [Pɨa jõmãɨrã p'ue bɨpɨ, pɨ chi chaarea bɨpɨ ichiaba ewaricha chi minachia k'awa bɨpɨ.]

Juan 17:15

Mɨa pɨá idi bɨwẽma ãchi nãɨ ĩjũanepema ãyá ateewãmẽrá, mãɨpari ɨt'aa chiidi bɨma nemietaadepema ak'ɨ bamẽrá.

Romano 1:28

Ãchia Tachi Ak'õre itu bɨdada pẽra ichia itu bɨsima nemietá k'ɨ̃risiadak'ari, chi tachia oodaiwẽa p'anɨt'a mãɨya oo p'ananamẽrá.

Romano 12:17

Abaɨ pida mãra piawẽa ooipɨra, ara mãɨya oorãt'ɨ. Jõmãɨrã k'ĩrari pia oot'ɨ.

Romano 13:13

Tachi jĩp'a nipadai p'anɨma ãst'á nipapata jĩra. Arapá oopataɨ tiidá it'ua tode wãnaiwẽa p'anɨma, tachi k'ak'uadepa nemietá oo p'ananaiwẽa p'anɨma, k'ĩruu pedea p'ananaiwẽa p'anɨma, mãɨnepa abaɨpa uru bɨ k'orea piawẽa k'ɨ̃risiadaiwẽa p'anɨma.

Romano 16:10

Ũpẽa Apelea pia bapade a jara peet'ɨ. Ichia unupisima Cristo piarã ĩjãa bɨt'a. Jõma Aristóbulo ẽpẽrarã́ pida abarik'a jĩra jarat'ɨ.

1 Corintio 11:19

Piarã mãra k'ɨ̃risia awara awará p'anɨnepa unupiipɨ k'airã Tachi Ak'õrepa pia unu bɨ.

2 Corintio 10:10

Waapẽarãpa nãɨya jara p'anɨma: «Pablopa k'art'adepa mãrá minachia ɨtɨaparima mãɨnepa ne minachia oopiparima. Maamina mãra ome bɨde wap'ea nɨbɨ jĩra bɨma mãɨnepa piawẽa pedeapariade apatama».

2 Corintio 10:18

Abaɨpa ara ichi k'orea pia jaraipɨra, mãɨ jara bɨwẽma Tachi Chiparipa mãɨ ẽpẽra pia unu bɨt'a. Mãɨpari chi Tachi Chiparipa chi ẽpẽra pia bɨade a bɨt'a, mãɨt'u pia unu bɨma.

2 Corintio 13:6

Maamina mãra sõne bɨ k'awasidara mɨa k'ɨ̃risia bɨma mãrapa k'awadait'a tai piarã Jesucristopa peedaɨrã.

2 Corintio 13:8

Taipa chi piarã pedea p'ue k'ĩra awara oodaiwẽma, mãɨpari piarã pedea jõma oodai p'anɨma.

2 Corintio 13:9

Mãrapa minachia ĩjãa p'anɨpɨra tai ɨbɨwẽa p'anɨmina arapá p'anɨma. Mãɨ awara taipa Tachi Ak'õrea ɨt'aa chiidi p'anɨma mãrapa jĩp'a oo p'ananamẽrá.

2 Corintio 6:4

Mãɨpari ne ãareaɨne unupi p'anɨma tai Tachi Ak'õre pae pari mimiapataɨrã. Minachia mĩa p'anɨne, nenea p'anɨne mãɨnepa nepɨrade p'anɨne jõma choa p'anɨnepa mãɨya unupi p'anɨma.

2 Corintio 8:21

Piarã taipa Tachi Chipari k'ĩrari mãɨnepa ẽpẽrarã k'ĩrari jĩp'a oo k'ɨ̃ria p'anɨma.

P'ilipense 4:8

Mãɨ awara ũpẽarã, jõma piarãnepema, nejõma tachia pia bɨt'a unupataɨdepema, jõma jĩp'a bɨdepema, jõma nemietaawẽa bɨdepema, jõmãɨrãpa k'ɨ̃riapataɨdepema, jõma chi piipará bayade a p'anɨnepema, nejõma piadepema mãɨnepa nejõma tachia pia jarapataɨdepema k'ɨ̃risia p'anat'ɨ.

1 Tesalonicense 5:23

Mɨa k'ɨ̃ria bɨma Tachi Ak'õrepa mãra ichi pae ãarea pia p'anapimẽrá. Ichia tachi ne k'ɨ̃risiawẽa p'anapiparima. Mɨa k'ɨ̃ria bɨma Tachi Ak'õrepa mãra jaore, mãra k'ɨ̃risia mãɨnepa mãra k'ak'ua ãarea pia ak'ɨmẽrá. Mãɨya Tachi Chipari Jesucristo cherude, waapẽarãpa mãra mi ãpia pida nemietaade p'anɨane a jaradawẽa p'ananaipɨ.

1 Timoteo 2:2

Jõma nãɨ ĩjũanepema minachia k'awa berã k'orea mãɨnepa chi poro chaarearã be k'orea Tachi Ak'õrea ɨt'aa chiididai p'anɨma tachi ne k'ɨ̃risiadawẽa p'ananai k'orea, Tachi Ak'õre wap'ea p'ananai k'orea, mãɨnepa ne ãareaɨne jĩp'a p'ananai k'orea.

2 Timoteo 2:15

Tachi Ak'õre pedea piarãpema arí jaratea bɨ unupi base. Mimiaparí pia bɨ jĩra jĩrak'aua oo base Tachi Ak'õrepa pɨ p'erawẽa pia unumẽrá.

2 Timoteo 4:18

Ichia jõma mɨ piawẽa ooutadepema k'aripaipɨ. Mɨ pia ak'ɨk'ari, pajãnea ateewãipɨ ichidirã ichi juade ua bɨmá. Ewaricha ichiá minachia pia pedeadai p'anɨma. Mãɨya beese.

Santiago 1:12

Abaɨpa nemietá ooi k'ɨ̃risiadepema choa bɨpɨra, Tachi Ak'õremá minachia pia bɨma. Jõma choak'ari Tachi Ak'õrepa poro jũra jɨ̃parí tearu jĩra, ichi ewaricha chok'ae bɨipɨ. Tachi Ak'õrepa jõma ichi k'ɨ̃ria berã́ piarãnepa mãɨya chok'ae bɨyade asima.

1 Pedro 2:12

Tachi Ak'õrene ĩjãanak'apɨɨrã t'ãena jĩp'a nipat'ɨ. Mãɨya ãchia mãra nemietá oopataade a p'anɨmina, mãrapa pia oo p'anɨt'a unu p'anɨma. Maapae Tachi Ak'õre cherude mãra k'orea ichiá pia pedeadaipɨ.