2 Corintio 13:4 - Tachi Ak'õre Pedea

⁴ Ichi ɨbɨwẽa bɨ jĩra k'urusude barijira bɨdaadamina Tachi Ak'õre chaareadepa chok'ae bɨma. Tai sida ɨbɨwẽa p'anɨma ichi ɨbɨwẽa bada jĩra, maamina ichi ome tai Tachi Ak'õre chaareadepa p'ananait'a mãrá unupidaipɨ.

2 Corintio 13:4 ပူးပေါင်းရင်းမြစ်များ

Juan 10:18

Mɨa mɨ itu itarpiepɨra mi ãpia pida mɨ p'ue peadaiwẽma, maamina mɨ piuipɨ ara mɨchia mãɨya k'ɨ̃ria bɨ pẽra. Mɨ piuk'ari ya mãicha chok'ae p'irabariipɨ. Mãɨ mɨ Ak'õrepa mɨá mãɨya oopisima».

Hecho 2:36

»Mãɨ k'orea ãarea israel ĩjũanepemarã, piarã k'awat'ɨ: Jesú, chi mãrapa k'urusude barijira bɨpidada, Tachi Ak'õrepa mãɨ chi ãareaɨrã Chipari mãɨnepa Tachi K'aripaparí teai jarada bɨsima».

Hecho 3:16

Ara mãɨ Jesú jua chaareadepa nãɨ ẽpẽra, chi mãrapa unu p'anɨt'a, nãɨ jɨpa beesima. Taipa ĩjãa p'anɨma Jesupa chi k'ɨdade be jɨpa beepiparit'a. Mãɨya ĩjãa p'anɨnepa nãɨ ẽpẽra piarã jɨpa beesima, mãɨ ara machia k'awa p'anɨ jĩra.

Romano 14:9

Cristo piusima, piudaadarã Chipari pai k'orea. Mãɨnepa chok'ae p'irabarisima, chi chok'ae berã Chipari pai k'orea.

1 Corintio 1:25

Ẽpẽrarãmá Cristo k'urusude piuda pẽra Tachi Ak'õre ne k'awawẽa bɨma mãɨnepa jua chaareawẽa bɨma. Maamina ne atua bɨ jĩra bɨmina Tachi Ak'õre jõma nãɨ ĩjũanepemarã k'aepẽra atepe k'awa bɨma. Mãɨnepa jua chaareawẽa bɨ jĩra bɨmina jõma nãɨ ĩjũanepemarã k'aepẽra atepe jua chaarea bɨma.

1 Corintio 15:43

K'ak'ua piawẽa bɨ t'ɨbaripatama maamina k'ak'ua pia bɨ chok'ae p'irabariipɨ. K'ak'ua ɨbɨwẽa bɨ t'ɨbaripatama maamina k'ak'ua jua chaarea bɨ chok'ae p'irabariipɨ.

1 Corintio 2:3

Mãɨne mɨ ɨbɨwẽa bɨ k'ɨ̃risiasima. Mãɨnepa p'ue pia jarateawẽa k'ɨ̃risia bada pẽra wap'eapa k'ak'ua ãarea ore nɨbapachima.

1 Corintio 6:14

Tachi Ak'õrepa ichi jua chaareadepa Tachi Chipari Jesú piu bada chok'ae p'irabaripisima. Ara mãɨ jĩra ichi jua chaareadepa tachi sida chok'ae p'irabaripiipɨ.

2 Corintio 10:10

Waapẽarãpa nãɨya jara p'anɨma: «Pablopa k'art'adepa mãrá minachia ɨtɨaparima mãɨnepa ne minachia oopiparima. Maamina mãra ome bɨde wap'ea nɨbɨ jĩra bɨma mãɨnepa piawẽa pedeapariade apatama».

2 Corintio 12:10

Cristo k'orea minachia mĩa bɨde, ɨbɨwẽa bɨde, nenea bɨde, ẽpẽrarãpa k'achia pedea p'anɨne mãɨnepa piawẽa oodai k'orea ẽp'ẽ p'anɨne mɨ arapá bɨma. Piarã mɨ ɨbɨwẽa bɨde Cristodepa chaarea bɨma.

2 Corintio 13:9

Mãrapa minachia ĩjãa p'anɨpɨra tai ɨbɨwẽa p'anɨmina arapá p'anɨma. Mãɨ awara taipa Tachi Ak'õrea ɨt'aa chiidi p'anɨma mãrapa jĩp'a oo p'ananamẽrá.

P'ilipense 3:10

Mɨa Cristo minachia k'awa k'ɨ̃ria bɨma. Ichi Tachi Ak'õre jua chaareadepa chok'ae p'irabarisima. Mɨ ara mãɨ jua chaareadepa ichi ome p'ɨrrɨa k'ɨ̃ria bɨma. Mãɨpuru ichi minachia mĩana jĩra mɨ mĩa k'ɨ̃ria bɨma, mãɨnepa ichi piuda jĩra piui k'ɨ̃ria bɨma.

Hebreo 5:7

Cristo nãɨ k'ak'uade baside ɨbɨa jẽa bɨpa Tachi Ak'õrea jĩk'ua chichupuria idisima, ichi piui bɨdepema p'ue k'aripai bada pẽra. Mãɨne chi Tachi Ak'õrepa k'ɨ̃ria bɨ jĩra ooyade ada pẽra, Tachi Ak'õrepa ichi pedea ũrisima.

1 Pedro 3:18

Cristo jĩp'a bɨmina nemietá k'orea bari k'ak'o aba mĩasima. Mãɨpa tachi chi jĩp'a bewẽ Tachi Ak'õre ome pia bɨsima. Ichi nãɨ k'ak'ua piusima, maamina Tachi Ak'õre Jaoredepa chok'ae p'irabarisima.

1 Pedro 3:22

Mãɨ Jesucristo chok'ae p'irabarik'ari, pajãnea wãk'ari Tachi Ak'õre juaraari bɨma. Jõma Tachi Ak'õrepa ɨt'aripa peedarã, jõma jaore mietaarã chi atepe k'awa p'anɨrã, chi jua chaarea berã sida ichi juade uru bɨma.