2 Corintio 13:11 - Tachi Ak'õre Pedea

¹¹ Ũpẽarã, k'aadea mɨa nãɨya bɨruma: arapá p'anat'ɨ, mãicha jĩp'a oo p'anayá jɨrɨt'ɨ, mɨa jara bɨt'a oo p'anat'ɨ, abarik'a k'ɨ̃risia uru p'anat'ɨ mãɨnepa ne k'ɨ̃risiawẽa p'anat'ɨ. Mãɨya chi Tachi Ak'õre tachiá k'ɨ̃riapiparí mãɨnepa ne k'ɨ̃risiawẽa bapiparí mãra ome baipɨ.

2 Corintio 13:11 ပူးပေါင်းရင်းမြစ်များ

Mateo 1:23

«Wẽra ɨmɨk'ĩra atua bɨ biak'oa beek'ari warra t'õipɨ. Ẽpẽrarãpa chi warra Emanuel adaipɨ». (Mãɨ t'ɨ̃ jara k'ɨ̃ria bɨma «Tachi Ak'õre tachi ome bɨ»).

Mateo 5:48

Mãɨpuru jõmãɨrã k'ɨ̃ria beat'ɨ mãra Ak'õre pajãne bɨpa jõmãɨrã k'ɨ̃ria bɨ jĩra.

Marco 10:49

Mãɨ ũriside Jesú bai nɨbeek'ari, nãɨya jarasima: —Ichi t'ɨ̃t'ɨ. Mãɨne chi tau p'ãrio bɨ t'ɨ̃nak'ari jarasidama: —Sõpia base. P'irabarise. Jesupa pɨ t'ɨ̃ bɨma.

Marco 9:50

T'ã pia bɨma maamina k'ɨyaawẽa beesira ¿sãmaasã́ mãicha k'ɨyaa beeima? Mãɨpuru Tachi Ak'õre pae pia p'anat'ɨ. Mãɨnepa ara machi ẽpẽerã paara sõpia p'anat'ɨ.

Luca 9:61

Mãɨne waapẽarãpa Jesua jarasima: —Mɨ sida pɨ ome p'ɨrrɨa k'ɨ̃ria bɨma, maamina mãɨ naena mɨ tiidapemarãmá jarade wãi bɨma.

Juan 17:23

Mɨ ãchi ome bɨ pẽra mãɨnepa pɨ mɨ ome bɨ pẽra tachi ãarea ará k'ak'ua aba bɨ jĩra p'ananaipɨ. Mãɨya nãɨ ĩjũanepemarãpa k'awadaipɨ pɨa mɨ peesit'a mãɨnepa k'awadaipɨ pɨa ãchi k'ɨ̃ria bɨt'a ara mɨ k'ɨ̃ria bɨ jĩra.

Hecho 15:29

juapa oodada sãdo ne k'iuru paateada k'odaiwẽa p'anɨma mãɨnepa oa k'odaiwẽa p'anɨma, ãnimara ojɨ̃ peadada k'odaiwẽa p'anɨma mãɨnepa nemietá awaraɨ ome oodaiwẽa p'anɨma. Ãarea mãɨ oosidara pia p'ananaipɨ. Pia p'anat'ɨ.

Hecho 18:21

Mãɨpari wãrune nãɨya jarasima: —Tachi Ak'õrepa k'ɨ̃riasira mɨ mãicha mãra ak'ɨde cheipɨ. Maapae p'ãp'orrode batook'ari Ep'esodepa wãsima.

Hecho 23:30

Mãɨya nak'ari mɨa k'awasima judiorã pedea ausidama ichi peadai k'orea. Ara mãɨne ichi pɨmá peeyade asima. Mãɨnepa mɨa ãchiá jarasima chi ichia nemietá oosiade a jara p'anɨt'a pɨ k'ĩrari jarade wãnai p'anɨ. Pia base.

Romano 12:16

Jõmãɨrã ome pia p'anat'ɨ. Chi waapẽarã k'aepẽra pia be k'ɨ̃risiarãt'ɨ, mãɨpari chi chupuri k'ede ome pia p'anat'ɨ. Mãrapa waapẽarã k'aepẽra minachia k'awa p'anɨ jĩra k'ɨ̃risiarãt'ɨ.

Romano 12:18

Mãrapa jɨrɨt'ɨ jõmãɨrã ome ne k'ɨ̃risiawẽa p'ananai k'orea.

Romano 14:19

Mãɨ k'orea jɨrɨdai p'anɨma ũpẽarã ome ne k'ɨ̃risiawẽa p'ananai k'orea. Mãɨya chi k'aripa p'ananaipɨ pia ĩjãanai k'orea.

Romano 15:13

Nejõma pia tachia nɨ p'anɨt'a Tachi Ak'õrepa teaipɨ. Mãrapa ichide ĩjãa p'anɨ pẽra mɨa k'ɨ̃ria bɨma ichia mãra minachia arapaapiit'a mãɨnepa ne k'ɨ̃risiawẽa p'anapiit'a. Mãɨya Tachi Ak'õre Jaore jua chaareadepa mãrapa pia k'awadaipɨ nejõma pia tachia nɨ p'anɨt'a piarã atadaipɨ.

Romano 15:33

Mɨa k'ɨ̃ria bɨma chi Tachi Ak'õre tachi ne k'ɨ̃risiawẽa bapiparí jõma mãra ome bait'a. Mãɨya beese.

Romano 16:20

Chi ne k'ɨ̃risiawẽa bapiparí Tachi Ak'õrepa tãaraawẽa bɨde tiore p'uek'ari mãra juade bɨipɨ. Mɨa k'ɨ̃ria bɨma Tachi Chipari Jesupa ichi sõpiadepa mãra k'aripa bait'a.

1 Corintio 1:10

Ũpẽarã, Tachi Chipari Jesucristodepa mɨa mãrá chichupuria idiruma ará pia tuananamẽrá. K'ɨ̃risia k'ak'awá tuananaiwẽa p'anɨma, mãɨpari k'ɨ̃risia abaɨde ará pia tuananai p'anɨma.

2 Corintio 1:4

Ne ãareaɨne minachia mĩa p'anɨne ichia tai sõpiapiparima waapẽarã minachia mĩa be sõpiapidamẽrá ichia tai sõpiapida jĩra.

2 Corintio 13:14

Mɨa k'ɨ̃ria bɨma Tachi Chipari Jesucristopa ichi sõpiadepa mãra k'aripa bait'a, Tachi Ak'õrepa minachia k'ɨ̃ria bait'a mãɨnepa ewaricha Tachi Ak'õre Jaorepa ará pia uru bait'a.

2 Corintio 13:9

Mãrapa minachia ĩjãa p'anɨpɨra tai ɨbɨwẽa p'anɨmina arapá p'anɨma. Mãɨ awara taipa Tachi Ak'õrea ɨt'aa chiidi p'anɨma mãrapa jĩp'a oo p'ananamẽrá.

Ep'esio 4:12

Ichia mãɨya bɨsima ẽpẽrarã Tachi Ak'õrenepemarã k'aripadamẽrá, ãchia pida Tachi Ak'õre pae p'ue pia oodamẽrá. Mãɨya jõma Cristo ẽpẽrarã, ichi k'ak'ua apataɨ chaarea waripodoparima,

Ep'esio 4:3

Tachi Ak'õre Jaorepa mãra ne k'ɨ̃risiawẽa p'anapi bɨdepa nejõma oot'ɨ piarã ará p'ananamẽrá.

Ep'esio 6:23

Ũpẽarã, mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida mãra k'aripadait'a, chi k'ɨ̃ria p'ananamẽrá mãɨnepa pia ĩjãa p'ananamẽrá. Mãɨnepa k'ɨ̃ria bɨma ãchia mãra ne k'ɨ̃risiawẽa p'anapidamẽrá.

P'ilipense 1:27

Jĩp'a nipat'ɨ chi pedea pia Cristo k'orea jara bɨ jĩra. Mãɨyara mɨa mãra ak'ɨde wãipɨra, wa mãra ome bɨwẽne mãra k'orea ũriipɨra, k'awaipɨ mãrapa abarik'a k'ɨ̃risiadepa ará minachia ĩjãa p'anɨt'a mãɨnepa ará minachia mimia p'anɨt'a mãɨ pedea pia k'awapidai k'orea.

P'ilipense 3:16

Maamina tachia k'awadada jõma oodai p'anɨma.

P'ilipense 4:2

Mɨa ũpẽawẽra Evodia mãɨnepa ũpẽawẽra Sintik'ea chichupuria idiruma chi pia pedeadamẽrá Tachi Chipari Jesucristo ome p'anɨ pẽra.

P'ilipense 4:4

Tachi Chipari Jesucristo ome p'anɨ pẽra ewaricha arapá p'anat'ɨ. Mɨa mãicha jararuma: ¡Arapá p'anat'ɨ!

P'ilipense 4:9

Mɨa jarateada, chi mãrapa mɨnepa k'awadada, mɨnepa ũrinana mãɨnepa ununana jõma oo p'anat'ɨ. Mãɨne Tachi Ak'õre mãra ome baipɨ mãɨnepa mãra ne k'ɨ̃risiawẽa bɨipɨ.

1 Tesalonicense 3:10

Ãst'á mãɨnepa teamasi taipa Tachi Ak'õrea ɨt'aa chiidipatama mãra ak'ɨde wãnai k'orea. Mãɨya mãrapa Cristo k'orea waidi atua p'anɨ, taipa p'ue jarateadaipɨ jõma atepe ĩjãanamẽrá.

1 Tesalonicense 4:1

Mãɨ awara ũpẽarã, taipa mãrá jarateasidama sãmaasã́ Tachi Ak'õre k'ĩrari nipadai p'anɨ ichia pia unumẽrá. Tachi Chipari Jesú t'ɨ̃ne taipa mãrá chichupuria idi p'anɨma ara mãɨ jĩra nipadamẽrá. Piarã mãrapa mãɨya oomaa p'anɨma, maamina pia oot'ɨ.

1 Tesalonicense 4:18

Mãɨ pedeapa ara machi paara sõpia p'aneepit'ɨ.

1 Tesalonicense 5:13

Ãchi k'orea pia k'ɨ̃risiat'ɨ. Ãchia oo p'anɨ k'orea minachia k'ɨ̃riat'ɨ. Jõmãɨrã ome pia tuanat'ɨ.

1 Tesalonicense 5:16

Nejõmane arapá p'anat'ɨ.

1 Tesalonicense 5:23

Mɨa k'ɨ̃ria bɨma Tachi Ak'õrepa mãra ichi pae ãarea pia p'anapimẽrá. Ichia tachi ne k'ɨ̃risiawẽa p'anapiparima. Mɨa k'ɨ̃ria bɨma Tachi Ak'õrepa mãra jaore, mãra k'ɨ̃risia mãɨnepa mãra k'ak'ua ãarea pia ak'ɨmẽrá. Mãɨya Tachi Chipari Jesucristo cherude, waapẽarãpa mãra mi ãpia pida nemietaade p'anɨane a jaradawẽa p'ananaipɨ.

2 Tesalonicense 2:16

Tachi Ak'õrepa tachi k'ɨ̃riasima. Ichi sõpiadepa sõpiapisima ewaricha mãɨya p'ananamẽrá. Mãɨnepa k'awapisima piarã ichidepa nepia atadait'a. Taipa k'ɨ̃ria p'anɨma Tachi Chipari Jesucristopa mãɨnepa Tachi Pajãnepema Ak'õrepa mãra sõpiapidait'a mãɨnepa chaarea bɨdait'a. Mãɨya mãrapa pedea p'anɨ mãɨnepa oo p'anɨ ãarea pia baipɨ.

2 Tesalonicense 3:1

Mãɨ awara ũpẽarã, tai k'orea Tachi Ak'õrea ɨt'aa chiidit'ɨ Tachi Chipari pedea tuacha isapea wãmẽrá mãɨnepa ẽpẽrarãpa mãɨ k'orea pia jaradamẽrá mãra t'ãena mãɨyana jĩra.

2 Tesalonicense 3:16

Taipa k'ɨ̃ria p'anɨma Tachi Chipari ne k'ɨ̃risiawẽa p'anapiparipa mãrá ewaricha ne k'ɨ̃risiadawẽa ne ãareaɨne p'anapimẽrá. K'ɨ̃ria p'anɨma Tachi Chipari mãra ome bamẽrá.

2 Timoteo 2:22

K'ũtãarãpa nemietá oo k'ɨ̃riapataɨ jĩra oorãse. Mãɨpari jĩp'a ooi k'orea base. Jesude ĩjãa base. Jõmãɨrã k'ɨ̃ria base. Jõmãɨrã ome ne k'ɨ̃risiawẽa base. Tachi Chiparia ɨt'aa chiidipataɨrã ome sõ jĩp'a bɨdepa ãarea mãɨya base.

Hebreo 12:14

Ãareaɨrã ome ne k'ɨ̃risiawẽa p'anat'ɨ. Mãɨnepa Tachi Chipari pae pia p'anat'ɨ. Chi Tachi Chipari pae pia p'anɨwẽpa ichi p'ue ununaiwẽma.

Hebreo 13:20

Tachi Chipari Jesucristo chi Oveja Ak'ɨparí chi Minachia Bɨpɨ. Tachi Ak'õrepa chi tachi ne k'ɨ̃risiawẽa p'anapiparí ichi piu badadepa chok'ae p'irabaripisima. Jesucristo oadepa Tachi Ak'õre ẽpẽrarã ome pedea ausidama. Mãɨ ewaricha baipɨ.

Santiago 1:4

Mãɨ piarã choa p'ananaipɨra, ne ãareaɨne pia, jĩp'a p'ananaipɨ. Mi ãpia pida ne newẽa p'ananaiwẽma.

1 Pedro 3:11

Ichia nejõma nemietá itu bɨk'ari pia oo bai bɨma. Waapẽarã ome ne k'ɨ̃risiawẽa bai k'orea jɨrɨk'ari mãɨya bai bɨma.

1 Pedro 3:8

Mãɨ awara ũpẽarã, abarik'a k'ɨ̃risiadepa jõma mãra ará pia tuanat'ɨ. Waapẽarã k'aripai k'ɨ̃risiadepa p'anat'ɨ. Ũpẽarã pẽra chi k'ɨ̃riat'ɨ. Chi k'ĩra chupuriat'ɨ mãɨnepa waapẽarã k'aepẽra atepe bɨ jĩra k'ɨ̃risiarãt'ɨ.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.

Apocalipsi 22:21

Mɨa k'ɨ̃ria bɨma Tachi Chipari Jesupa ichi sõpiadepa jõma mãra k'aripa bait'a. Mãɨya beese.