2 Corintio 12:2 - Tachi Ak'õre Pedea

² Mɨa Cristode ĩjãaparí ẽpẽra aba k'awa bɨma. Catorce ãyo pa baside Tachi Ak'õrepa mãɨ ũpẽa pajãnea ichi bɨmá ateewãsima. Mɨa atua bɨma Tachi Ak'õrepa ichi k'ak'uat'u ateewã basit'a wa abapuru ichi jaoret'a ateewã basit'a. Tachi Ak'õrepuru mãɨ k'awa bɨma.

2 Corintio 12:2 ပူးပေါင်းရင်းမြစ်များ

Luca 24:51

Mãɨya pia pedea bɨde Tachi Ak'õrepa ichi pajãnea ɨt'aa ateewãsima.

Juan 6:56

Chi mɨ k'ak'ua k'o bɨ mãɨnepa mɨ oa to bɨ, mɨ ome bɨma mãɨnepa mɨ ichi ome bɨma.

Hecho 14:6

Maamina Pablo mãɨnepa Bernabepa mãɨ k'awasidaɨde Licaonia tuadea mĩruwãsidama. Listra p'uurudea mãɨnepa Derbe p'uurudea wãsidama. Ãarea mãɨ Licaonia tuade p'ɨrrɨasidama.

Hecho 22:17

»Mãɨya nak'ari mɨ jĩitea Jerusalenea chesima. Ewariaba Tachi Ak'õre te minachia bɨdea wãk'ari ichiá ɨt'aa chiidi basima. Mãɨne mɨa k'ãmok'araa jĩra Tachi Chipari unusima. Ichia mɨá jarasima: “Jerusalenepa isapea ãyá wãse. Pɨa mɨ k'orea jara bɨt'a chi nãmapemarãpa ĩjãanaiwẽma”.

Romano 16:10

Ũpẽa Apelea pia bapade a jara peet'ɨ. Ichia unupisima Cristo piarã ĩjãa bɨt'a. Jõma Aristóbulo ẽpẽrarã́ pida abarik'a jĩra jarat'ɨ.

Romano 16:3

Ũpẽawẽra Priscilá mãɨnepa ũpẽa Aquilá pia p'anapade a jara peet'ɨ. Ãchia mɨ jĩra abarik'a Jesucristopa oo bɨ oo p'anɨma.

Romano 16:7

Mɨ ũpẽarã judiorã Andronicoa mãɨnepa Juniá ara mãɨ jĩra jarat'ɨ. Waapẽarãpa pia k'awa p'anɨma ãchi Cristopa peedaɨrãt'a. Mɨ ome ará eda serra p'anasidama. Mɨa Cristode ĩjãai naena ãchia ĩjãa p'anasima.

Romano 16:9

Ũpẽa Urbanoa pia bapade a jara peet'ɨ. Ichia tai ome ará Jesucristo k'orea jaratea bɨma. Ũpẽa Estaquia pida abarik'a jarat'ɨ. Ichi sida mɨa k'ɨ̃ria bɨma.

Romano 8:1

Naapae tachi Cristo Jesú ome p'anɨ pẽra nepɨra mi ãpia pida pará p'anɨane a bɨwẽma.

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

2 Corintio 11:11

¿Mɨa k'ãarea mãɨya erreara idiwẽa bɨma? ¿Mãra k'ɨ̃riawẽa bɨ pẽra mãɨya oo bɨk'ãra? Tachi Ak'õrepa k'awa bɨma mɨa mãra k'ɨ̃ria bɨt'a.

2 Corintio 13:5

Ara machicha minachia k'ɨ̃risiat'ɨ piarã Jesude ĩjãa p'anɨt'a k'awadai k'orea. Ara machicha minachia ak'ɨt'ɨ jĩp'a nipapata k'awadai k'orea. ¿Mãrapa atua p'anɨk'ãra Jesucristo mãra sõne bɨ? Mãra sõne bɨwẽpɨra ichidirãwẽma.

2 Corintio 5:17

Piarã abaɨ Cristo ome bɨpɨra, ichi naena bada jĩra bɨwẽma mãɨpari ichi ẽpẽra chiwidi jĩra bɨma.

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

Gálata 1:22

Cristode ĩjãa be Judea tuadepemarãpa mɨ ununak'a pasima.

Gálata 5:6

K'ak'ua tauchaa bɨdepa wa k'ak'ua tauchaawẽa bɨdepa tachi Jesucristo ome ará bak'ama. Mãɨpari chi ichide ĩjãa bɨdepa ichi ome ará baparima mãɨnepa waapẽarã k'ɨ̃ria baparima.

Ep'esio 4:10

Chi ɨt'ɨpa edá chedat'a mãicha chi pajã atepe ɨt'ɨ pará bɨmá wãsima ne ãarea ichidepa p'ananamẽrá.

1 Tesalonicense 4:17

Ara mãɨne tachi, chi chok'ae berã, ãchi ome ará ɨt'aa wãnaipɨ Tachi Chipari ome jɨ̃arane chi ununai k'orea. Mãɨya Tachi Chipari ome ewaricha tuananaipɨ.

Hebreo 4:14

Tachi Ak'õre Warra Jesú, tachi P'aare minachia k'awa bɨ pajãnea wãsima. Ichide ĩjãa p'anɨane a p'anɨ pẽra, piarã ĩjãa p'ananai p'anɨma.

Hebreo 9:24

Cristo Tachi Ak'õre te ẽpẽerãpa oodaadade eda wãé pasima, mãɨ abapuru Tachi Ak'õre te chi piarã bɨt'a, ara pajãne bɨ jĩra bɨ pẽra. Cristo pajãne Tachi Ak'õre k'ĩrari wãsima, ichi oa ãrisidepa tachi k'orea ichiá k'ĩra chupuria idi bai k'orea.

Apocalipsi 1:10

Tachi Chipari ewaride mɨ Tachi Ak'õre Jaoredepa basima. Mãɨne mɨ ãpɨte abaɨpa pedea ãnimara k'achu chaaru jĩra ũrisima.

Apocalipsi 12:5

Mãɨne wẽrapa ɨmɨk'ĩra warra t'õsima. (Mãɨ warrapa ichi jua chaareadepa jõma nãɨ ĩjũane berã́ ichi pedea oopiipɨ). Maamina jepa mii naena Tachi Ak'õrepa mãɨ warra ɨt'aa ateesima ichi suak'a beeparí auk'ará bɨde suak'abari bɨmá.

Apocalipsi 4:2

Ara mãɨne mɨ Tachi Ak'õre Jaorede beek'ari, suak'a beeparí auk'ará bɨt'a pajãne unusima. Mãɨ ɨ̃rɨ aba suak'abari basima.