2 Corintio 12:16 - Tachi Ak'õre Pedea

¹⁶ Mãrapa k'awa p'anɨma mɨa mãra erreara mi ãpia pida idié pasit'a. Maamina chi jarautamá mɨ k'ɨ̃risia k'awaadepa mãra seasit'a erreara jitai k'orea.

2 Corintio 12:16 ပူးပေါင်းရင်းမြစ်များ

2 Corintio 1:12

Nãɨ k'orea arapá p'anɨma: taipa k'awa p'anɨma sõ jĩp'a p'anɨnepa, k'ɨ̃risia piadepa nãɨ ĩjũanepemarã t'ãena mãɨnepa mãra t'ãena pia nipadada. Mãɨ sõ jĩp'a bai mãɨnepa k'ɨ̃risia pia Tachi Ak'õrenepemapɨ. Tai nãɨ ĩjũanepema k'ɨ̃risiadepa mãɨya nipadak'ama, mãɨpari Tachi Ak'õrepa ichi sõpiadepa k'aripa bɨ pẽra mãɨya nipapatama.

2 Corintio 11:20

Mãra ãchi pae pari mimiapataɨrã jĩra p'aneepiutade, mãra ik'á barik'outade, itu ne ãarea oopiutade, mãra k'aepẽra atepe p'anɨane a k'ɨ̃risiautade, mãɨyawẽpɨra mãra k'ĩtarramá p'eutade mãrapa itu mãɨya oopipatama.

2 Corintio 12:13

¿Mɨa k'ãrenepa mãra piawẽa oosima p'uuru awaraɨdepema ũpẽarã k'aepẽra? ¿Abapuru mɨa mãra juadepema ne idiwẽ pẽra mãɨya k'ɨ̃risia p'anɨk'ãra? Mãɨya bɨpɨra ¡mãɨ piawẽa ooda mɨ chupuria k'ɨ̃risia atuat'ɨ!

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

2 Corintio 6:8

Edaɨde waapẽarãpa tai k'orea pia jarapatama. Edaɨde k'achia pedeapatama. Edaɨde tai k'orea piawẽa t'ɨ̃ p'oapipatama. Edaɨde pia t'ɨ̃ p'oapipatama. Taipa chi piarã pedea jara p'anɨmina waapẽarãpa jara p'anɨma taipa sea jara p'anɨt'a.

2 Corintio 7:2

Sõnepa tai k'ɨ̃riat'ɨ. Taipa abaɨ sida mietá oodawẽa p'anɨma, mi ãpia pida nemietá k'ɨ̃risiapidaemaa p'anɨma mãɨnepa seadawẽa p'anɨma.

1 Tesalonicense 2:3

Taipa mãrá mãɨya k'ɨ̃risiapidaé pasima piarãpẽawẽne jarateadada ĩjãanamẽrá. Mãɨnepa seadawẽa p'anasima mãra seadai k'orea.

1 Tesalonicense 2:5

Mãrapa k'awa p'anɨma taipa seadepa mãra ẽpẽerã piade adaé pasima. Mãɨnepa erreara jɨrɨdayá seadepa jarateadaé pasima. Mãɨ Tachi Ak'õrepa k'awa bɨma.