2 Corintio 11:26 - Tachi Ak'õre Pedea

²⁶ Mɨ ode wãrune, to k'achiade nipapachima mãɨnepa nechɨapataɨ mietaarã paraamá nipapachima. Ara mɨ ẽpẽrarã judiorã t'ãena mãɨnepa judiorãwẽ t'ãena mɨ nepɨrade basima. Mãɨ p'uuru wawaria bede mãɨnepa p'uuru awaraɨde mɨ nepɨrade basima. P'usade pida nepɨrade basima. Chi ũpẽarã piarãpemawẽmá pida mɨ nepɨrade basima.

2 Corintio 11:26 ပူးပေါင်းရင်းမြစ်များ

Hecho 14:5

Mãɨne judiorã mãɨnepa judiorãwẽ chi p'uurudepema chaarearã ome pedea ausidama Pablo mãɨnepa Bernabé mĩapidak'ari mawarapa bat'a peadai k'orea.

Hecho 25:3

Ãchia P'estoa chichupuria idisidama Pablo Jerusalenea ateewãpimẽrá. Mãɨya jarasidama Pablo ode peadai k'ɨ̃risia p'anɨ pẽra.

Hecho 20:19

Mɨa chi Tachi Chiparipa k'ɨ̃ria bɨt'a oo baside, chi atepe bait'a k'ɨ̃riaé pasima. Edaɨde jẽa bapachima mãɨnepa judiorãpa mɨ piawẽa oo k'ɨ̃ria p'anana pẽra mĩa bapachima.

Hecho 17:5

Maamina judiorã Jesude ĩjãawẽa berã sõk'achia tuaneesidama. Mãɨpuru ẽpẽerã k'achia berã jɨrɨdak'ari ãchi paara chi p'uurudea k'ĩruupik'ade wãsidama. Maapae Jasón tede eda k'ĩruu wãnak'ari, Pablo mãɨnepa Sila jitasidama ãareaɨrã k'ĩrari ãchi nepɨra ak'ɨdayá.

Hecho 13:50

Maamina judiorãpa chi Tachi Ak'õre wap'ea be wẽerã minachia k'awa berã́ mãɨnepa p'uurudepema ɨmɨk'ĩira chi chaarearã́ jarasidama Pablo mãɨnepa Bernabé piawẽa oodamẽrá. Mãɨya ãchi p'uurudepema ãyá jeret'aasidama.

Gálata 2:4

Mãɨnepema pedeasidama chi eda waapẽarã ũpẽarã piarãwẽpa jarapachida pẽra. Mãɨrã ũpẽarã jĩra p'ananapa ak'ɨ p'anapachidama tachi chi Moisepa bɨdadepema ãyá wãsida k'awa. Jesucristode ĩjãanai k'aepẽra, chi Moisepa bɨdat'a mãicha oopi k'ɨ̃ria p'anasidama, chi mãɨ bɨda pae pari mimiapataɨrã jĩra p'anasi pẽra.

2 Corintio 11:32

Damasco p'uurude baside chi minachia k'awa bɨ Aretapa ichi p'uuru ak'ɨpiparia mɨ jɨrɨpisima jitapii k'orea.

1 Corintio 15:32

Ép'eso p'uurude Tachi Ak'õre pedea jarateai k'orea mɨ minachia mĩasima ãnimara k'achia be ome chõo bɨ jĩra. Piudada chok'ae p'irabaridawẽpɨra, ¿mɨ minachia mĩana k'orea k'ãre piat'a atasima? Piarã tachi chok'ae p'irabaridawẽpɨra, pia bɨma oodai waapẽarãpa jarapata jĩra: «Pia nek'odaipɨ, it'ua todaipɨ nũ piudai pẽra».

Romano 15:19

mãɨnepa ẽpẽerãpa ne p'ue oodak'apɨɨdepa mãɨya k'aripasima. Mɨa Tachi Ak'õre Jaore jua chaareadepa jõma mãɨ ãarea oosima. Jerusalenepa Ilírico tuadea chi pedea pia Cristo k'orea mɨa jõma jarateai badamá jarasima.

Hecho 23:10

Ãchi mãicha atepe k'ĩruu pedea p'anɨ pẽra papaká berã chi atepe chaarea bɨpa wap'ea basima Pablo wawaria p'edait'a. Mãɨpuru papaká berã wãpisima Pablo ãchi t'ãenapema ẽemarinak'ari chi papaká berã tuanapataɨ tede eda ateewãnamẽrá.

Hecho 19:23

Mãɨ ewaride chi Jesú O k'orea ẽpẽerã minachia k'ĩruupik'asidama.

Hecho 19:1

Apolo Corinto p'uurude bɨmisa Pablo ĩjũa eya idá bɨde p'asa wãk'ari Ép'eso p'uurude chesima. Mãma chi eda waapẽarã Jesude ĩjãapataɨrã unusima.

Hecho 18:12

Galión apataɨ Acaya ĩjũanepema chi chaarea bɨ beeside judiorãpa ará pedeadak'ari Pablo jitadak'ari, ichi mãɨ Galión k'ĩrari ateesidama.

Hecho 15:40

Mãɨne Pablopa Sila ateewãsima ichi ome wãmẽrá. Ũpẽarãpa Tachi Chipari juade bɨsidama ichi sõpiadepa k'aripamẽrá.

Hecho 14:19

Listrade p'anɨne waapẽarã judiorã Antioquiadepa mãɨnepa Iconionepa chesidama. Ãchia Listradepemarã́ Pablo k'orea piawẽa k'ɨ̃risiapisidama. Mãɨpuru ãareaɨrãpa Pablo mawarapa bat'asidama. Ichi piuda k'ɨ̃risiasidada pẽra p'uuru tajatá jidibari ateewãsidama.

Hecho 13:45

Maamina chi judiorã chaarearãpa ẽpẽerã minachia nɨbɨ ãchi tede unusidaɨde Pablo k'orea sõpiawẽa tuaneesidama. Pablopa jaratea bɨde ãchia seaade apachidama mãɨnepa Pablo k'orea piawẽa pedeapachidama.

Hecho 17:13

Mãɨmisa judiorã Tesalónica p'uurudepemarãpa k'awasidama Pablopa Tachi Ak'õre pedea Berea p'uurude jaratea bɨt'a. Mãɨpuru mãmá wãnak'ari mãmapemarã k'ĩruupik'apisidama piawẽa oodamẽrá.

Hecho 20:3

Mãma jedek'o ũpea basima. Pablo Siria tuadea p'ãp'orrode wãi paside k'awasima judiorãpa ichi piawẽa oodai k'orea pedea ausidama. Mãɨpuru Macedonia tuade p'asa wãsima.

Hecho 27:42

Mãɨne papaká berãpa chi eda jɨ̃a nɨberã peadai k'ɨ̃risiasidama aba pida ũu wãnak'ari mĩrupidaemaapa.

Romano 8:35

¿K'aipa tachi Cristopa k'ɨ̃ria bɨdepema p'ue ãyá bɨima? Ewari chaarea cherude, minachia mĩa p'anɨne, ẽpẽrarãpa tachi ẽp'ẽ p'anɨne, jarra cherude, neet'á nea p'anɨne, k'achiade p'anɨne, ẽpẽrarãpa pea k'ɨ̃ria p'anɨne mi ãpia pida tachi Cristopa k'ɨ̃ria bɨdepema p'ue ãyá bɨiwẽma.

1 Corintio 15:30

Mãɨnepa piudada chok'ae p'irabaridawẽpɨra, ¿tai k'ãre k'orea Jesucristo pedea k'orea ewaricha k'achiade minachia mĩa p'anɨma?