2 Corintio 11:23 - Tachi Ak'õre Pedea

²³ Ãchi Cristo pae pari mimiapataɨrãane a p'anɨma. Maamina ãchi k'aepẽra mɨa atepe pia Cristopa k'ɨ̃ria bɨ ooparima. Mãɨya pedea bɨde k'ɨ̃risia newẽa bɨ jĩra pedea bɨma. Piarã ãchi k'aepẽra mɨa Tachi Ak'õrepa oo bɨt'a atepe ooparima. Ãchi k'aepẽra ẽpẽrarãpa mɨ bari k'ak'o minachia jok'aesidama. Ãchi k'aepẽra mɨ bari k'ak'o minachia eda jɨ̃a nɨbɨpisidama. Bari k'ak'o minachia mɨ piui basima.

2 Corintio 11:23 ပူးပေါင်းရင်းမြစ်များ

Hecho 14:19

Listrade p'anɨne waapẽarã judiorã Antioquiadepa mãɨnepa Iconionepa chesidama. Ãchia Listradepemarã́ Pablo k'orea piawẽa k'ɨ̃risiapisidama. Mãɨpuru ãareaɨrãpa Pablo mawarapa bat'asidama. Ichi piuda k'ɨ̃risiasidada pẽra p'uuru tajatá jidibari ateewãsidama.

Hecho 20:23

Abapuru k'awa bɨma Tachi Ak'õre Jaorepa mɨá k'awapi bɨma p'uurucha mɨ mĩa bait'a mãɨnepa mɨ jɨ̃a nɨbɨ bait'a.

Hecho 21:11

Tai ak'ɨde cheside chi Pablo k'ɨrrɨde jɨ̃parí ẽrak'ari ara ichi jĩru mãɨnepa jua jɨ̃k'ari nãɨya jarasima: —Tachi Ak'õre Jaorepa nãɨya jara bɨma: Jerusalenepema judiorãpa nãɨ k'ɨrrɨde jɨ̃parí chipari nãɨya jɨ̃naipɨ. Maapae judiorãwẽa ichi teadaipɨ.

Hecho 25:14

Ãchi mãma tãaraa p'anɨ pẽra P'estopa Agripá Pablo k'orea nãɨya jarasima: —P'elipa aba eda jɨ̃a nɨbɨ ameena nãma bɨma.

Hecho 27:1

Mãɨ ewaride chi poro chaarea bɨpa tai Italia tuadea wãnai p'anɨane a jarak'ari, Pablo mãɨnepa chi eda waapẽarã jɨ̃a nɨp'anana, mãɨrã Julio juade bɨsima. Mãɨ Julio papaká berã chi Augusto apataɨdepema chi mãɨrã chaarea pasima.

Hecho 28:16

Roma p'uurudea chedak'ari papaká berã chi mãɨrã chaarea bɨpa chi jɨ̃a nɨp'anɨrã chi mãmapema chaarea bɨa juade teasima, maamina Pablo tuaba te awara bɨde itu beepisima. Papaká bɨ aba bɨsima ichi ot'ea bamẽrá.

Hecho 28:30

Mãɨya nak'ari Pablo ãyo k'ak'o ume mãma te aba bɨde beesima. Mãɨ te chiparia erreara teapachima mãma bai k'orea. Chi ichi ak'ɨde wãutarã́ ãarea pia pedeapachima.

Hecho 9:16

Mɨa ichiá k'awapiipɨ sãmaasã́ mĩai bɨt'a mɨnepema pedeai k'orea.

Romano 8:36

Tachi Ak'õre pedeade nãɨya bɨ bɨma: «Ewaricha pɨ k'orea tai pea k'ɨ̃ria p'anɨma. Oveja peauta jĩra peadai k'ɨ̃risia p'anɨma».

1 Corintio 15:10

Maamina Tachi Ak'õrepa ichi sõpiadepa mɨ bɨsima Jesucristopa peeda bamẽrá. Ichia mɨ pari mãɨya bɨé pasima. Mãɨpari jõma chi waapẽarã Jesucristopa peedaɨrã k'aepẽra mɨa ichi pae atepe oo bɨma. Maamina ara mɨchidepa mãɨya oowẽa bɨma. Tachi Ak'õrepuru ichi sõpiadepa mɨ k'aripa bɨma mãɨya oomẽrá.

1 Corintio 3:5

Maamina ¿Pablo k'aima? ¿Apolo k'aima? Tait'u Tachi Ak'õre pae pari mimiapataɨrãpɨ. Taidepa mãrapa Tachi Chiparide ĩjãasidama. Tachi Ak'õrepa taicha oopida jĩra oosidama.

1 Corintio 4:1

Mãɨya bɨde mãrapa k'ɨ̃risiadai p'anɨma tai Cristo pae pari mimiapataɨrãt'a. Tachi Ak'õrepa tai bɨsima chi ichi k'orea naena k'awapiwẽa bada jarateadamẽrá.

1 Corintio 4:11

Wapida ara nãɨ ewaride taipa jarra choa p'anɨma, opisia choa p'anɨma, mãɨnepa neet'á sore k'edet'a uru p'anɨma. Tai te nea p'anɨma mãɨnepa ẽpẽrarãpa tai piawẽa oopatama.

1 Corintio 4:9

Maamina mɨa k'ɨ̃risia bɨma tai chi Jesucristopa peedaɨrã Tachi Ak'õrepa jõmãɨrã k'aepẽra k'aadea bɨsit'a. Tai chi nepɨra ak'ɨparipa jõmãɨrã k'ĩrari peapipade a bɨ jĩra p'anɨma. Ẽpẽrarãpa mãɨnepa Tachi Ak'õrepa ɨt'aripa peedaɨrãpa, jõmãɨrãpa ak'ɨ p'anɨma piudai k'awadai k'orea.

2 Corintio 10:7

Mãrapa chi ɨ̃rɨpema ak'ɨ p'anɨma. Abaɨpa piarã Cristodé k'ɨ̃risia bɨpɨra, k'awa bai bɨma tai sida Cristoderã.

2 Corintio 11:5

Chi mãɨya jarateapataɨrã ¿mãramá Jesucristopa peedaɨrã chi atepe piipará p'anɨane a k'ɨ̃risiapatak'ãra? Mɨmá ãchi k'aepẽra mɨ mi ãpia pida ãpia bɨwẽma.

2 Corintio 3:6

Tachi Ak'õrepa tai bɨsima ichia ẽpẽrarã ome pedea chiwidi bɨda p'ue jarateadamẽrá. Mãɨ pedea chiwidi bɨda chi Moisepa bɨda jĩra juapa bɨdawẽma, mãɨpari Tachi Ak'õre Jaorepa k'awapi bɨma. Chi Moisepa bɨdapa k'awapi bɨma nemietá oo p'anɨ k'orea ẽpẽrarã piudai p'anɨt'a, maamina Tachi Ak'õre Jaorepa tachiá chok'ae p'anapiparima.

2 Corintio 4:11

Piarã tai wapida chok'ae p'anɨne Jesú k'orea ẽpẽrarãpa tai pea k'ɨ̃ria p'ananaipɨ. Mãɨya tai k'ak'ua piui bɨdepa jõmãɨrãpa Jesú chok'ae bɨt'a ununaipɨ.

2 Corintio 6:9

Tai pia k'awa p'anɨmina ãchia ununak'apɨ́ ẽpẽrarã jĩra oopatama. Tai piumaa p'anɨ jĩra k'ɨ̃risia p'anɨmina wapida chok'ae p'anɨma. Tai soapa p'epatamina peadak'ama.

Gálata 6:17

Chi Jesudepema pedea jaratea bɨ k'orea ẽpẽrarãpa mɨ piawẽa oosidama. Mɨ k'ak'ua k'õk'oadada pada ya anik'ari uru bɨma mãɨya unupii k'orea mɨ ichidit'a. Mãɨpuru idiipa waa mɨa k'ɨ̃riawẽma abaɨ pida mɨ waa ooit'a.

Ep'esio 3:1

Mãɨpuru mɨa [mãra k'orea Tachi Ak'õrea ɨt'aa chiidiparima]. Mɨ Pablopɨ. Mãra judiorãwẽa Jesucristo k'orea jaratea bɨ k'orea eda serra bɨma.

Ep'esio 4:1

Mɨ Tachi Chipari k'orea eda serra bɨma. Mɨa mãrá chichupuria idiruma jĩp'a nipadamẽrá. Tachi Ak'õrepa mãra t'ɨ̃sima mãɨya nipadamẽrá.

Ep'esio 6:20

Cristopa mɨ peesima mãɨ pedea jarateamẽrá. Mãɨ jaratea bɨ k'orea mɨ mãɨya eda serra uru p'anɨma. Tachi Ak'õrea ɨt'aa chiidit'ɨ mɨa mãɨ pedea pia ne wap'eawẽa pedeai k'orea, mɨa mãɨya ooi bɨ jĩra.

P'ilipense 1:13

Romanepema chi minachia k'awa bɨ chi te ak'ɨpataɨ papaká berãpa mãɨnepa waapẽarãpa k'awa p'anɨma mɨ Cristo k'orea eda jɨ̃a nɨbɨt'a.

P'ilipense 2:17

Tãaraawẽa bɨde mɨ Cristo k'orea peadai p'anɨma, uvaba Tachi Ak'õrea weateai jĩra. Ara mãɨya mãrapa Cristode ĩjãa p'anɨt'a ãnimara Tachi Ak'õrea paateai jĩra bɨma. Mãɨ k'orea mɨ mãra ome minachia arapá bɨma.

Colosense 1:24

Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea.

Colosense 1:29

Mãɨ k'orea mɨ ɨ̃apaawẽa mimia bɨma Cristopa ichi jua chaareapi bɨdepa.

1 Timoteo 4:6

Timoteo, pɨa jõma mãɨ ũpẽarã́ jaratea baipɨra, Jesucristo pae pari mimiaparí pia baipɨ. Tachi Ak'õre chi piarã pedea tachia ĩjãa p'anɨ ĩjãapodoutadepa pɨ jaore chaarea wari baipɨ, pia nek'o bɨ jĩra.

2 Timoteo 1:16

Maamina mɨa k'ɨ̃ria bɨma Tachi Chiparipa ũpẽa Onesíp'oro tedepemarã k'ĩra chupuria bamẽrá. Ichia mɨ bari k'ak'o minachia k'aripasima. Mɨ k'ãnenapa jɨ̃ bɨmina mɨ k'orea k'ĩra p'eraé pasima.

2 Timoteo 1:8

Mãɨpuru Tachi Chipari Jesucristo k'orea jarai k'orea p'erarãse. Mɨ Jesucristo k'orea eda serra bɨmina, mɨ k'orea p'erarãse. Mãɨpari chi Jesú k'orea pedea pia jaratearude Tachi Ak'õre jua chaareadepa pɨ sida mĩai k'orea choa base.

2 Timoteo 2:9

Mãɨ jaratea bɨ k'orea mɨ minachia mĩa bɨma. Mɨ ẽpẽra k'achia jĩra k'ãnenapa jɨ̃ uru p'anɨma. Maamina Tachi Ak'õre pedea jɨ̃ uru p'anɨwẽma.

2 Timoteo 3:11

mãɨnepa mɨ ẽp'ẽ p'anɨt'a minachia mĩapidai k'orea. Antioquiade, Iconio p'uurude mãɨnepa Listrade mɨ piawẽa oodai k'orea ẽp'ẽnana pɨa minachia k'awa bɨma. Mɨ minachia mĩasima. Maamina Tachi Chiparipa jõma mãɨnepema k'aripasima.

P'ilemón 1:9

Mãɨpari mɨa chichupuria idiruma pɨa k'ɨ̃rianepa mãɨya oomẽrá. Mɨ Pablo chõa k'eesima, mãɨnepa naapae Jesucristo k'orea eda serra uru p'anɨma.

Hebreo 10:34

Chi Cristo k'orea eda serrasidaɨde mãrapa k'ĩra chupuriasidama. Mãɨnepa mãrapa ne uru beada arapá chi ĩjãanak'apɨɨrã́ itu ẽemaripisidama, k'awa p'anɨ pẽra mãɨ k'aepẽra nepia jõk'apɨ́ pajãne uru p'anɨt'a.