2 Corintio 11:2 - Tachi Ak'õre Pedea

² Tachi Ak'õrepa ak'ɨpi bɨ jĩra mɨa mãra minachia ak'ɨ k'ɨ̃ria bɨma. Ẽpẽrapa ichi k'au k'ima tearu jĩra mɨa mãra Cristoa tea k'ɨ̃ria bɨma abapuru ichidirã p'ananamẽrá. Mɨa k'ɨ̃ria bɨma mãra ichi pae minachia pia p'ananait'a ãwẽra ɨmɨk'ĩra atua bɨ jĩra.

2 Corintio 11:2 ပူးပေါင်းရင်းမြစ်များ

Juan 3:29

Miak'ãiutade chi wẽra ataru mãɨ chi atepe bɨma. Maamina chi ichik'á bɨ k'õp'ãero arapá bɨma, ichia pedearut'a ũri bɨẽra. Ara mãɨ jĩra mɨ sõpia bɨma ichi nãma bɨ k'orea.

Romano 7:4

Ũpẽarã, ara mãɨ jĩra mãra Cristo ome p'anɨ pẽra, ichi piuk'ari Moisepa bɨdadepema pari ãjã́ p'aneesidama. Naapae mãra Cristoderã pẽra Tachi Ak'õre pae p'ue nepia oodaipɨ.

1 Corintio 4:15

Mãrapa Cristo k'orea jarateapataɨrã chok'ará uru p'anɨpara wapida ak'õre aba uru p'ananai pasima. Mɨnepa mãrapa chi Jesú k'orea pedea pia ĩjãanana pẽra ichidepa mɨ mãra ak'õrepɨ.

2 Corintio 4:14

Tachi Ak'õrepa Tachi Chipari Jesú chok'ae p'irabaripisima mãɨnepa taipa k'awa p'anɨma tai sida Jesú jĩra chok'ae p'irabaripiit'a. Maapae tai mãra ome ará ichi k'ĩrari bɨipɨ.

Gálata 4:11

Mãɨpuru mɨa k'ɨ̃risia bɨma mɨ pari mãrá jarateasit'a.

P'ilipense 1:8

Tachi Ak'õrepa k'awa bɨma mɨa Jesucristo minachia k'ɨ̃ria bɨdepa jõma mãra sida minachia k'ɨ̃ria bɨt'a.

Colosense 1:28

Jõma k'ɨ̃risia k'awaadepa taipa Cristo k'orea jõmãɨrã́ jaratea p'anɨma jĩp'a nipadamẽrá. Mãɨya taipa ẽpẽrarã ãarea Cristo k'orea ne ãareaɨne jĩp'a p'anɨt'a Tachi Ak'õrea unupidaipɨ.

1 Tesalonicense 2:11

Mãɨ awara k'awa p'anɨma ak'õrepa ara ichi warrarã ome oopari jĩra taipa machicha mãɨya oo p'anasidama.

Apocalipsi 14:4

Mãɨrã ẽpẽerã waidi wẽra oodak'a pasima. Tachi Ak'õremá mãɨrã ãpia pida nemietá newẽa p'anasima. Ãchia chi Oveja Chak'e ichi wãrumá ichi ome wãpatama. Tachi Ak'õrepa ãchi nãɨ ĩjũanepema k'aripasima, ichi pae mãɨnepa chi Oveja Chak'e pae p'ananamẽrá mãɨ chi ne uuda naa chauda ichiá teapata jĩra.