2 Corintio 10:6 - Tachi Ak'õre Pedea

⁶ Taipa ũpẽarã k'ɨɨrɨwẽa be ɨtɨadai k'orea p'anɨma. Maamina naa nɨ p'anɨma mãrapa Cristode nejõmane ĩjãa p'anɨt'a unupidamẽrá.

2 Corintio 10:6 ပူးပေါင်းရင်းမြစ်များ

Romano 2:23

Moisepa bɨda mãrapa minachia k'awa p'anɨane apatama. Maamina mãɨ Moisepa bɨdade jara bɨ ĩjãanawẽa p'anɨ pẽra, mãra k'orea waapẽarãpa Tachi Ak'õre k'orea piawẽa pedeapatama.

1 Corintio 4:21

Mãɨ ¿mãrapa sãmaasã́ k'ɨ̃ria p'anɨma? ¿K'ɨ̃ria p'anɨk'ãra mɨa ɨtɨade wãi wa k'ɨ̃rianepa, pia pedeadepa wãit'a?

2 Corintio 13:10

Mãɨ k'orea mãramá wãi naena mɨa nãɨ k'art'a tea peeipɨ. Mãrapa mãɨne bɨda ĩjãasidara mãramá cherude mɨa ɨtɨaiwẽma. Piarã Tachi Chiparipa mɨ chaareapié pasima mãra piawẽa p'ananamẽrá, mãɨpari mɨ bɨsima mãrapa pia ĩjãanamẽrá.

2 Corintio 13:2

Bari k'ak'o ume mãramá wãside mɨa nemietá oo berã́ jarasima waa oopidaemaapa. Mãɨya oodaepɨra, mãicha cherude mɨa ãchi k'ĩra chupuriawẽane asima. Mãɨnepa ara nãɨena mɨ mãra ome bɨwẽmina abarik'a jararuma: nemietá oo berãpa itu bɨdaepɨra, mɨ mãicha wãrune ãchi k'ĩra chupuriaiwẽma.

2 Corintio 2:9

Mɨa naena mãɨ k'orea bɨsima mãrapa piarã jõma mɨa jarada oodai k'awai k'orea.

2 Corintio 7:15

Titopa k'ɨ̃risia baparima mãrapa ichia jarada jĩra oosidama mãɨnepa wap'ea p'anɨnepa ichi pia bɨade asidama. Mãɨpuru mãra minachia k'ɨ̃ria bɨma.

1 Timoteo 1:20

Mãɨnepemarã aba Himeneo pasima. Abaɨ Alejandro pasima. Ãchi mɨa tiore juade bɨsima k'awadamẽrá Tachi Ak'õre k'orea waa piawẽa pedeapidaemaapa.

3 Juan 1:10

Mãɨ k'orea jãmá wãrune mɨa jõmãɨrã́ k'awapiipɨ ichia piawẽa oo bɨt'a. Ichia seadepa tai k'orea k'achia pedeaparima. Mãɨ awara chi ũpẽarã jarateapataɨrã jãmá wãutá ichia pia pedeak'ama mãɨnepa ũpẽarãpa ãchi tede mãɨrã k'ãipidayá ooutade itu k'ãipik'ama. Mãɨrã́ pia pedeasidara mãɨ ũpẽarã ãyá jeret'aaparima.