2 Corintio 10:18 - Tachi Ak'õre Pedea

¹⁸ Abaɨpa ara ichi k'orea pia jaraipɨra, mãɨ jara bɨwẽma Tachi Chiparipa mãɨ ẽpẽra pia unu bɨt'a. Mãɨpari chi Tachi Chiparipa chi ẽpẽra pia bɨade a bɨt'a, mãɨt'u pia unu bɨma.

2 Corintio 10:18 ပူးပေါင်းရင်းမြစ်များ

Luca 16:15

Mãɨne Jesupa ãchiá jarasima: «Mãra waapẽarã k'ĩrari ẽpẽra pia jĩra p'anapatama. Maamina Tachi Ak'õrepa k'awa bɨma mãra piarã sãmaasã́ p'anɨt'a. Ẽpẽrarãpa pia unupataɨ, mãɨ Tachi Ak'õrepa pia unuk'ama.

Juan 12:43

Tachi Ak'õrepa ãchi k'orea pia pedeai k'aepẽra mãɨ judiorãpa k'ɨ̃ria p'anasidama ẽpẽerãpa ãchi k'orea pia pedeadait'a.

Hecho 2:22

»Israeldepemarã, nãɨ pedea ũrit'ɨ: Tachi Ak'õrepa Jesú Nazaredepemá ẽpẽerãpa ne p'ue oodak'apɨɨrã mãra t'ãena oopik'oasima. Mãɨya oo bɨdepa Jesupa k'awapisima Tachi Ak'õre ichi ome bɨt'a, ara mãrapa pia k'awa p'anɨ jĩra.

Romano 14:18

Chi mãɨya Cristo pae mimiapataɨrã Tachi Ak'õrepa pia unu bɨma. Ẽpẽrarã pida pia unupatama.

Romano 16:10

Ũpẽa Apelea pia bapade a jara peet'ɨ. Ichia unupisima Cristo piarã ĩjãa bɨt'a. Jõma Aristóbulo ẽpẽrarã́ pida abarik'a jĩra jarat'ɨ.

Romano 2:29

Mãɨyawẽapuru Tachi Ak'õremá, chi sõ jĩp'a bɨt'a mãɨt'u judio piarãpẽapɨ. Chi Moisepa bɨdade bɨ bɨ jĩra k'ak'ua tauchaa bɨade aparí judio piarãwẽpɨ, mãɨpari chi Tachi Ak'õre Jaorepa mãɨya sõne jĩp'a bɨparipɨ. Ẽpẽrarãpa chi sõ jĩp'a bɨ k'orea pia jaradak'amina Tachi Ak'õrepa mãɨ k'orea pia jaraparima.

1 Corintio 11:19

Piarã mãra k'ɨ̃risia awara awará p'anɨnepa unupiipɨ k'airã Tachi Ak'õrepa pia unu bɨ.

1 Corintio 4:5

Mãɨ k'orea ichia nepɨra ak'ɨi ewari naena tachia jaradaiwẽa p'anɨma, chi ichia ooda oo bɨpa jĩp'a oo bɨ wa jĩp'a oowẽa bɨ. Tachi Chipari cherude tachi sõne k'ɨ̃risia bada mãɨnepa nejõma tachi sõne mẽra beada k'awapiipɨ. Tachi Ak'õrepuru tachicha pia bayade aipɨ tachia pia oodada k'orea.

2 Corintio 10:12

Maamina ¿sãmaasã́ tachi k'ɨ̃ría chi waapẽarã ãchit'u chi piipará beade apataɨrã jĩra k'ɨ̃risiadaima? Ara ãchit'u chaapatama, mãɨnepa ara ãchi waapẽarã paara ak'ɨpatama, k'ai piipará bɨ k'awadai k'orea. Mãɨya oodadepa, k'ɨ̃risia nea p'anɨt'a unupipatama.

2 Corintio 13:7

Taipa Tachi Ak'õrea idi p'anɨma mãrá nemietá oopidaemaapa. Maamina mãɨya idi p'anɨwẽma ak'ɨpidai k'orea tai Jesucristopa peedaɨrãt'a. Mãɨpari idi p'anɨma mãrapa jõma pia oodamẽrá, tai Jesucristopa peedaɨrãt'a k'ɨ̃risiadawẽa p'anɨmina.

2 Corintio 3:1

¿Mãɨ jara p'anɨnepa mãicha ara tai k'orea pia pedea p'anɨk'ãra? ¿Tai pia nipadada k'orea k'art'a mãrá ak'ɨpidai p'anɨk'ãra jarateadai k'orea? ¿Taipa mãrá k'art'a ididai p'anɨk'ãra jarateade wãnai k'orea waapẽarãpa oopata jĩra?

2 Corintio 5:12

Mãicha ara tai k'orea mãrá pia pedea p'anɨwẽma, mãɨpari k'ɨ̃ria p'anɨma mãrapa tai k'orea p'ue pia k'ɨ̃risiadait'a. Mãɨya chi eda waapẽarãpa tai k'orea k'achia pedeautade mãrapa tai k'orea p'ue pia jaradaipɨ. Jãɨrãpa ãchi taupa pia unu bɨt'a pia bɨade a k'ɨ̃risiapatama. Maamina sõnepema k'ɨ̃risiadak'ama.

2 Corintio 6:4

Mãɨpari ne ãareaɨne unupi p'anɨma tai Tachi Ak'õre pae pari mimiapataɨrã. Minachia mĩa p'anɨne, nenea p'anɨne mãɨnepa nepɨrade p'anɨne jõma choa p'anɨnepa mãɨya unupi p'anɨma.

2 Timoteo 2:15

Tachi Ak'õre pedea piarãpema arí jaratea bɨ unupi base. Mimiaparí pia bɨ jĩra jĩrak'aua oo base Tachi Ak'õrepa pɨ p'erawẽa pia unumẽrá.

1 Pedro 1:7

mãɨ choa p'anɨnepa unupidaipɨ Jesucristode piarã ĩjãa p'anɨt'a. Mãrapa ĩjãa p'anɨt'a nee jĩra bɨma. Nee t'ɨpɨ taude tort'iiparima mãɨ wariara piipará beemẽrá. Ara mãɨ jĩra mãra minachia mĩautade, choa p'anɨnepa unupii p'anɨma Jesucristode piarã ĩjãa p'anɨt'a. Mãɨ nee k'aepẽra piipará bɨma, nee jõpari pẽra. Mãrapa Jesucristode piarã ĩjãa p'anɨt'a unupi p'anɨ pẽra, ichi unuutade Tachi Ak'õrepa mãra pia unuipɨ, mãra k'orea pia jaraipɨ mãɨnepa chi atepe k'awa p'anɨrã bɨipɨ.