2 Corintio 10:1 - Tachi Ak'õre Pedea

¹ Mɨ Pablopɨ. Cristo k'ɨ̃rianepa mãɨnepa ichi sõpiadepa mɨa mãrá chichupuria idiruma mɨ pedea ũrinamẽrá. Waapẽarãpa jara p'anɨma mãra ome bɨde, mɨa wap'ea baparit'a mãra ɨtɨai k'orea, maamina mãra ome bɨwẽne wap'eak'ama mãra k'art'adepa ɨtɨai k'orea.

2 Corintio 10:1 ပူးပေါင်းရင်းမြစ်များ

Mateo 11:29

Mɨá itu ateewãpit'ɨ. Mɨa ne jara bɨ ũrit'ɨ. Mɨa ãarea choaparima mãɨnepa mɨ sõnepa waapẽarã k'aepẽra atepe k'awa bɨade a k'ɨ̃risiak'ama. Mɨmá chedaipɨra mãra piarã ɨ̃apaadaipɨ.

Mateo 21:5

«Sión p'uurudepemarã́ nãɨya jarat'ɨ: “Ak'ɨt'ɨ, mãra chipari mũra ɨ̃rɨ mãramá cheruma. Chi ẽpẽra minachia k'awa bɨ jĩra chewẽma. Mũra chak'e ɨ̃rɨ cheruma”».

Hecho 8:32

Ichia Tachi Ak'õre pedeade eda jara bada nãɨ pasima: «Oveja peapataɨmá ateewãpata jĩra ara mãɨya ichi peade ateewãsidama. Chi k'ara t'ɨɨrude oveja k'ĩup'ea bapari jĩra, ara mãɨya ichi k'ĩup'ea beesima.

Romano 10:20

Mãɨnepa Isaíapa Tachi Ak'õrenepa ne wap'eawẽa nãɨya jarasima: «Chi mɨ jɨrɨdawẽa p'anarãpa mɨ unusidama. Chi mɨ k'orea ididawẽa p'ananarã́ ara mɨchi k'orea k'awapisima».

Romano 12:1

Mãɨpa ũpẽarã, Tachi Ak'õrepa mãra k'ĩra chupuriada pẽra, mɨa mãrá chichupuria idiruma ara machi Tachi Ak'õrea teadamẽrá, ãnimara peadak'ari, paateapata jĩra. Mãɨ ãnimara piuda k'aepẽra, ichi pae pia p'anat'ɨ mãra pia unumẽrá.

Romano 15:15

Maamina nãɨ k'art'ade mɨa k'ɨ̃risia wawaria piarã bɨsima, mãrá k'ɨ̃risia atuapidaemaapa. Mãɨya bɨsima Tachi Ak'õrepa ichi sõpiadepa mɨ bɨda pẽra

1 Corintio 2:3

Mãɨne mɨ ɨbɨwẽa bɨ k'ɨ̃risiasima. Mãɨnepa p'ue pia jarateawẽa k'ɨ̃risia bada pẽra wap'eapa k'ak'ua ãarea ore nɨbapachima.

1 Corintio 4:10

Ẽpẽrarãmá tai Cristo k'orea ne atua berã jĩra p'anɨpɨ mãɨnepa jua chaareawẽa berã jĩra p'anɨpɨ. Maamina Cristo ome p'anɨ pẽra machi chi minachia k'awa p'anɨ jĩra beayade apatama mãɨnepa chi jua chaarea p'anɨ jĩra beayade apatama. Ẽpẽrarãpa mãra k'orea pia pedea p'anɨma, maamina tai ununaemaa p'anɨma.

1 Corintio 4:21

Mãɨ ¿mãrapa sãmaasã́ k'ɨ̃ria p'anɨma? ¿K'ɨ̃ria p'anɨk'ãra mɨa ɨtɨade wãi wa k'ɨ̃rianepa, pia pedeadepa wãit'a?

2 Corintio 10:10

Waapẽarãpa nãɨya jara p'anɨma: «Pablopa k'art'adepa mãrá minachia ɨtɨaparima mãɨnepa ne minachia oopiparima. Maamina mãra ome bɨde wap'ea nɨbɨ jĩra bɨma mãɨnepa piawẽa pedeapariade apatama».

2 Corintio 10:2

Mãɨya jara p'anɨmina mãramá cherude tai k'orea k'achia pedea p'anɨrã mɨa piarã ɨtɨaipɨ. Ãchia jara p'anɨma tai nãɨ k'ak'uapa k'ɨ̃ria bɨ jĩra nipada. Mãɨpuru mãra sida ɨtɨaemaapa mɨa chichupuria idiruma jĩp'a oodamẽrá.

2 Corintio 10:7

Mãrapa chi ɨ̃rɨpema ak'ɨ p'anɨma. Abaɨpa piarã Cristodé k'ɨ̃risia bɨpɨra, k'awa bai bɨma tai sida Cristoderã.

2 Corintio 11:21

Mɨa jararuma: mɨ mãra t'ãena baside, jãɨrã jĩra baé pasima. Mãramá, mɨ mãɨya jua chaareawẽa bada k'orea ¿p'era bai bɨk'ãra? Abaɨ pida ara ichi k'orea p'ue pia pedeaipɨra, mɨa pida ara mɨ k'orea p'ue pia pedeaipɨ. Maamina mãɨya pedeai k'ɨ̃risia newẽa bɨ jĩra pedeai bɨma.

2 Corintio 11:30

Ara mɨ k'orea pia pedeaipɨra, mɨ ɨbɨwẽa bɨ k'orea pia pedeaipɨ.

2 Corintio 12:5

Mãɨ ũpẽa k'orea mɨa pia pedearuma, maamina ara mɨchi k'orea pia pedeaiwẽma. Abapuru mɨ ɨbɨwẽa bɨ k'orea pia pedeaipɨ.

2 Corintio 3:12

Mãɨ pedea chiwidi bɨda piarã jõk'apɨ́ k'awa p'anɨ pẽra taipa pia jarateapatama.

2 Corintio 5:20

Mãɨpuru Cristopa tai peesima ichi pari pedeadamẽrá. Taidepa Tachi Ak'õrepa mãrá t'ɨ̃ bɨma ichi ome pia p'ananamẽrá. Taipa Cristo t'ɨ̃nepa chichupuria idiutama: Tachi Ak'õre ome pia p'anat'ɨ.

2 Corintio 6:1

Taipa Tachi Ak'õre ome ichia oo bɨt'a oo p'anɨẽra, mãrá chichupuria idiutama Tachi Ak'õrepa ichi sõpiadepa k'aripa bɨt'a itu bɨpidaemaapa.

2 Corintio 7:4

Mɨa mãrá piarã pedea bɨma mãɨnepa mãra k'orea mɨ arapá bɨma. Tai minachia mĩa p'anɨne mɨ mãra k'orea sõpia baparima mãɨnepa minachia arapá baparima.

Gálata 4:13

K'awa p'anɨma mɨa mãramá pedea pia Cristo k'orea naa jarade wãside, mɨ k'ɨdade bada pẽra mãramá jaratea beesit'a.

Gálata 5:2

Mɨ Pablopɨ. ¡Ũrit'ɨ! Mɨa nãɨ mãrá jararuma: mãra k'ak'ua tauchaadai p'anɨ a k'ɨ̃risia p'anɨpɨra, Cristopa mãra k'orea oodapa k'aripaiwẽma.

Ep'esio 3:1

Mãɨpuru mɨa [mãra k'orea Tachi Ak'õrea ɨt'aa chiidiparima]. Mɨ Pablopɨ. Mãra judiorãwẽa Jesucristo k'orea jaratea bɨ k'orea eda serra bɨma.

Ep'esio 4:1

Mɨ Tachi Chipari k'orea eda serra bɨma. Mɨa mãrá chichupuria idiruma jĩp'a nipadamẽrá. Tachi Ak'õrepa mãra t'ɨ̃sima mãɨya nipadamẽrá.

P'ilipense 4:5

Mãra ẽpẽrarã paara pia p'anɨt'a, jõmãɨrã́ unupit'ɨ. Tachi Chipari chei ewari k'ait'a bɨma.

Colosense 1:23

Mãɨpuru Cristo minachia ĩjãa p'anɨnepa ɨbɨa choa p'ananai p'anɨma. Chi pedea pia Cristo k'orea mãrapa ũrinana itu bɨdaiwẽa p'anɨma, mãɨpari Tachi Ak'õrepa ne teai jarada nɨ p'ananai p'anɨma. Mãɨ pedea pia jõma nãɨ ĩjũane jaratea p'anɨma. Ara mãɨ pedea mɨa pida jaratea bɨma.

2 Tesalonicense 3:17

Mɨ Pablopɨ. Nãɨ pedea mɨ juapa bɨruma. Jõma mɨ k'art'ade nãɨya bɨparima k'awapii k'orea mɨapuru bɨruma. Nãɨya bɨ baparima.

P'ilemón 1:19

Ara mɨ juapa nãɨya bɨruma: ichi tee pará bada mɨa teaipɨ. ¡K'ɨ̃risiase, mɨnepa Cristode ĩjãana pẽra pɨa mɨá tee pará bɨt'a!

P'ilemón 1:9

Mãɨpari mɨa chichupuria idiruma pɨa k'ɨ̃rianepa mãɨya oomẽrá. Mɨ Pablo chõa k'eesima, mãɨnepa naapae Jesucristo k'orea eda serra uru p'anɨma.

1 Pedro 2:11

Mɨ ũpẽarã, nãɨ ĩjũane mãra tua awaraɨdepemarãpɨ. Mãɨpuru mɨa mãrá chichupuria idiruma nãɨ k'ak'uapa nemietá oo k'ɨ̃ria bɨt'a itu bɨdamẽrá. Mãɨ ara tachi ome chõo bɨma.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.