2 Corintio 1:18 - Tachi Ak'õre Pedea

¹⁸ Tachi Ak'õre pedea aba bɨma. Ichia k'awa bɨma taipa jaradada piarã pasit'a. Taipa mãramá wãnayane adak'ari ara mãɨne wãnawẽane adaé pasima. Taipa «nãɨ piarãane» adaé pasima, mãɨyá «seaade» adai k'orea.

2 Corintio 1:18 ပူးပေါင်းရင်းမြစ်များ

Juan 7:28

Mãɨne Jesupa Tachi Ak'õre te tuda jaratea bɨde jĩk'ua jarasima: —Piarã mãrapa mɨ unupatama mãɨnepa sãmapemat'a k'awa p'anɨma. Maamina mɨ ara mɨchidepa chewẽa bɨma, mãɨpari mɨ chi piarã jaraparipa mɨ peesima. Mãrapa ichi k'awadawẽa p'anɨma.

Juan 8:26

Mɨa ne minachia mãra k'orea pedeai bɨma, mãra nepɨra pará p'anɨane ai k'orea. Maamina mãɨyaiwẽma. Chi mɨ peeda pedea piarãpɨ. Mɨa chi ichidepa ũri bɨt'a nãɨ ĩjũanepemarã́ jaraparima.

1 Corintio 1:9

Tachi Ak'õrepa ara ichia jara bɨ jĩra ooipɨ. Ichia mãra t'ɨ̃sima ichi Warra Tachi Chipari Jesucristo ome ará p'ananamẽrá.

2 Corintio 1:23

Mɨa Tachi Ak'õre k'ĩrari jararuma: Corinto p'uurudea wãwẽa bɨma mãra minachia ɨtɨarudepa sõp'uapiemaapa.

2 Corintio 11:31

Tachi Pajãnepema Chipari Jesú Ak'õrea ewaricha pia pedeadai p'anɨma. Ichia k'awa bɨma mɨa sea jarak'ama.

2 Corintio 2:17

Taipa erreara atadai k'orea Tachi Ak'õre pedea jaratea nipadawẽma chok'araɨrãpa oopata jĩra. Mãɨpari Cristo ome p'anɨ pẽra Tachi Ak'õrepa tai peesima. Mãɨne ichi k'ĩrari k'ɨ̃risia piadepa jarateapatama.

2 Corintio 6:8

Edaɨde waapẽarãpa tai k'orea pia jarapatama. Edaɨde k'achia pedeapatama. Edaɨde tai k'orea piawẽa t'ɨ̃ p'oapipatama. Edaɨde pia t'ɨ̃ p'oapipatama. Taipa chi piarã pedea jara p'anɨmina waapẽarãpa jara p'anɨma taipa sea jara p'anɨt'a.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.

Apocalipsi 3:14

»Chi Laodicea p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Chi Piarãpẽa Pedea apataɨpa Tachi Ak'õre k'orea piarã jõma arí jaraparima. Ichidepa Tachi Ak'õrepa nejõma oosima. Ichia nãɨya jara bɨma:

Apocalipsi 3:7

»Chi P'iladelp'ia p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Ichi chi Tachi Ak'õre Paepuru Bɨ mãɨnepa chi Piarã Pedea Aba Bɨ, chi Daví p'uuru minachia k'awa bɨpɨ. Chi ichia ewaru mi ãpia pida p'ue serraiwẽma. Ichia serraru mi ãpia pida p'ue ewaiwẽma.