1 Timoteo 5:3 - Tachi Ak'õre Pedea

³ P'ẽtãarã chi k'aripadawẽa k'ede k'aripase.

1 Timoteo 5:3 ပူးပေါင်းရင်းမြစ်များ

Mateo 15:6

Mãɨya jarak'ari, pia bɨade apatama, chi ak'õrerã k'aripapiemaapa. Mãra chõarãenapemarãpa jarateadada ĩjãa p'anɨ k'orea, Tachi Ak'õre pedea itu bɨpatama.

Mateo 23:13

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa ẽpẽrarã́ Pajãne Bɨpa ichidirã ichi juade ua bɨ k'orea itu k'awapidak'ama. Machia k'ɨ̃riawẽa p'anɨma ichia mãra p'e uru bait'a mãɨnepa waapẽarãpa mãɨya k'ɨ̃ria p'anɨrã mãrapa itu oopidak'ama.

Luca 2:37

Ichi p'ẽtã́ beeda ãyo 84 basima. Ewaricha ãst'á, teamasi pida Tachi Ak'õre te minachia bɨdea wãpachima Tachi Ak'õrea pia pedeai k'orea, Tachi Ak'õrene k'ɨ̃risiadayá nek'odak'apɨ́ ewaride ooi k'orea mãɨnepa Tachi Ak'õrea ɨt'aa chiidii k'orea.

Luca 7:12

Jesú chi p'uurude eda wãpataɨ k'ait'a cheside unusima ẽpẽrarãpa k'ũtã́ k'ĩrawẽana t'ɨbaride enemeeutat'a. Chi nae p'ẽtã́ pasima. Mãɨpa warra abapuru uru basima. Chi p'ẽtã́ ome ẽpẽrarã chi chok'ará tuanasidama.

Juan 1:47

Jesupa Natanael ichimá orrobari cheru unuside nãɨya jarasima: —¡Ak'ɨt'ɨ! Nãɨt'a chi piarãpẽa ẽpẽra Israeldepemapɨ. Ichia tachi seak'ama.

Hecho 6:1

Mãɨ ewaride chi Jesude ĩjãapataɨrã minachia waripodosidama. Mãɨne chi judiorã griego pedeade pedeapataɨrãpa chi hebreo pedeade pedeapataɨrã k'orea k'ĩruu pedea p'aneesidama. Jarasidama ũpẽarãpa p'ẽtãarã ewaricha chik'o jedautade ãchi p'ẽtãarã k'aripadak'a pasit'a.

Hecho 9:39

Ara mãɨne Pedro ãchi ome wãsima. Chesidaɨde ichi chi te ɨt'aride aba k'ãipataɨmá ateewãsidama. Mãma p'ẽtãarã ãarea jẽa tuanasidama. Ãchia Pedroa chi Dorcapa p'aru k'osak'oa bada ak'ɨpisidama.

Hecho 9:41

Pedropa ichi juade jitak'ari bai nɨbeepisima. Maapae ũpẽarã mãɨnepa p'ẽtãarã t'ɨ̃k'oak'ari Dorca chok'ae p'irabarida ak'ɨpisima.

1 Tesalonicense 2:6

Taipa jɨrɨdaé pasima mãrapa, waapẽarã pida tai k'orea pia jaradamẽrá. Mãɨ awara tai Cristopa peedaɨrã pẽra tai jua chaareadepa p'ananai p'anasima mãra t'ãena. Maamina mãɨya oodaé pasima.

1 Timoteo 5:2

Chõtãarã́ pedease pɨ nae ome pedeapari jĩra. Ãwẽrarã́ k'ɨ̃risia piadepa pedease pɨ ũpẽawẽra ome pedeapari jĩra.

Santiago 1:27

Chi piarã ĩjãa bɨpa nãɨya ooi bɨma Tachi Pajãnepema Ak'õrepa ichia oo bɨ pia unumẽrá mãɨnepa jĩp'a unumẽrá: jẽramãra warrarã mãɨnepa p'ẽtãarã minachia mĩa p'anɨrã k'aripai bɨma, mãɨnepa nãɨ ĩjũanepemarãpa nemietá oopataɨ jĩra ooiwẽa bɨma.

1 Pedro 2:17

Jõmãɨrã wap'eat'ɨ. Ũpẽarã minachia k'ɨ̃riat'ɨ. Tachi Ak'õre wap'eat'ɨ. Nãɨ ĩjũanepema chi minachia k'awa bɨ wap'eat'ɨ.

1 Pedro 3:7

Ɨmɨk'ĩrarã k'ima pará berã, k'ɨ̃risia piadepa mãra k'ima ome pia p'anat'ɨ. Mãra k'ima pia bapii k'ɨ̃ria p'anɨnepa ãchi pia ak'ɨt'ɨ, wẽra ɨmɨk'ĩra k'aepẽra ɨbɨwẽa bɨ pẽra mãɨnepa mãra ome ará p'anɨrã́ Tachi Ak'õrepa, ichi sõpiadepa chok'ae p'ananait'a pari teada pẽra. Mãɨya oodaepɨra, mãrapa ɨt'aa chiidiutat'a Tachi Ak'õrepa pia ũriwẽma.