1 Timoteo 5:2 - Tachi Ak'õre Pedea

² Chõtãarã́ pedease pɨ nae ome pedeapari jĩra. Ãwẽrarã́ k'ɨ̃risia piadepa pedease pɨ ũpẽawẽra ome pedeapari jĩra.

1 Timoteo 5:2 ပူးပေါင်းရင်းမြစ်များ

Mateo 12:50

Mɨ Ak'õre pajãne bɨpa k'ɨ̃ria bɨ oo p'ananarãpa mãɨrãt'a mɨ ũpẽarãpɨ, mɨ ũpẽawẽrapɨ mãɨnepa mɨ naepɨ.

P'ilipense 4:8

Mãɨ awara ũpẽarã, jõma piarãnepema, nejõma tachia pia bɨt'a unupataɨdepema, jõma jĩp'a bɨdepema, jõma nemietaawẽa bɨdepema, jõmãɨrãpa k'ɨ̃riapataɨdepema, jõma chi piipará bayade a p'anɨnepema, nejõma piadepema mãɨnepa nejõma tachia pia jarapataɨdepema k'ɨ̃risia p'anat'ɨ.

1 Tesalonicense 5:22

Nemietá mi ãpia pida oorãt'ɨ.

1 Timoteo 4:12

Pɨ k'ũtã́ bɨmina abaɨa itu k'aepe bɨ jĩra k'ɨ̃risiapirãse. Mãɨpari pɨa pedearudepa, ne oo bɨdepa, awaraɨrã piarã k'ɨ̃ria bɨdepa, k'ĩra jĩp'a bɨdepa mãɨnepa Cristode ĩjãa bɨdepa ũpẽarã́ unupise sãmaasã́ p'ananai p'anɨt'a.

1 Timoteo 5:1

Chõarã ɨtɨarãse, mãɨpari pɨ ak'õre ome pedeapari jĩra ãchi ome sõpiadepa pedease ũrinamẽrá. K'ũtãrã́ pedease pɨchi ũpẽarã ome pedeapari jĩra.

1 Timoteo 5:3

P'ẽtãarã chi k'aripadawẽa k'ede k'aripase.

2 Timoteo 2:22

K'ũtãarãpa nemietá oo k'ɨ̃riapataɨ jĩra oorãse. Mãɨpari jĩp'a ooi k'orea base. Jesude ĩjãa base. Jõmãɨrã k'ɨ̃ria base. Jõmãɨrã ome ne k'ɨ̃risiawẽa base. Tachi Chiparia ɨt'aa chiidipataɨrã ome sõ jĩp'a bɨdepa ãarea mãɨya base.