1 Timoteo 3:2 - Tachi Ak'õre Pedea

² Mãɨpuru chi ĩjãapataɨrã ak'ɨparí nepɨra pará bɨade adaiwẽa bai bɨma, k'ima aba uru bai bɨma, minachia bɨ jĩra baiwẽa bɨma, k'ɨ̃risia piadepa bai bɨma, k'ĩrip'a bai bɨma, ichi tede cheutarã́ pia pedeai bɨma mãɨnepa pia k'awa jaratea bai bɨma.

1 Timoteo 3:2 ပူးပေါင်းရင်းမြစ်များ

Luca 1:6

Ãchi umea Tachi Ak'õre k'ĩrari jĩp'a p'anasidama. Tachi Chiparipa oopi bɨ pedea jõma ĩjãapachida pẽra, waapẽarãpa k'achia pedeadaiwẽa p'anasidama.

Luca 2:36

Arí Tachi Ak'õre pari pedeaparí Ana apataɨ basima. Ichi Aserdepa cheda P'anuel k'au pasima. Ichi chõtã́ basima. Ãwẽra bɨt'a k'ima atak'ari siete ãyo bɨde p'ẽtã́ pasima.

Romano 12:13

Ẽpẽrarã Tachi Ak'õreneerã chi nenea k'ede k'aripat'ɨ. Chi mãra tede cheutá pia pedeat'ɨ.

P'ilipense 2:15

Mãɨya mãra k'orea k'achia pedeadawẽa p'ananaipɨ mãɨnepa jĩp'a p'ananaipɨ. Ẽpẽrarã minachia nemietá oopataɨrã t'ãena p'anɨmina nemietá newẽa p'anat'ɨ. Tachi Ak'õre warrarã pẽra ãchi t'ãena k'ãk'ãi uchuchoapataɨ jĩra p'anɨma.

1 Timoteo 3:12

Ũpẽarã k'aripaparipa k'ima aba uru bai bɨma. Ichi warrarã mãɨnepa ichi tedepemarã minachia ak'ɨ bai bɨma.

1 Timoteo 3:8

Ara mãɨ jĩra ũpẽarã k'aripapataɨrã sida jĩp'a nipadai p'anɨma ẽpẽrarãpa wap'eadamẽrá. Ãchia sea jara p'ananaiwẽa p'anɨma, piu nipadaiwẽa p'anɨma mãɨnepa erreara awaa p'ananaiwẽa p'anɨma.

1 Timoteo 4:3

Ãchia wẽra itu atapidak'ama mãɨnepa chi chik'o be sida itu k'opidak'ama. Maamina Tachi Ak'õrepa ãarea teasima ichide ĩjãapataɨrãpa, chi piarã pedea k'awa berãpa ichiá sõpia p'anɨane adak'ari k'odamẽrá.

1 Timoteo 5:10

Ãchia pia oodada k'orea t'ɨ̃ p'oa p'ananai p'anɨma. Ãchi warrarã pia taup'ãepachidapɨra, ãchi tedea chedaadarã́ pia pedeapachidapɨra, ũpẽarã jĩru sɨɨpachidapɨra, chi mĩa k'ede k'aripapachidapɨra mãɨnepa nejõma pia oopachidapɨra, mãɨ p'ẽtã́ t'ɨ̃ k'art'ade bɨdai p'anɨma.

1 Timoteo 5:22

Jĩrak'aua k'ɨ̃risiawẽa, pɨ jua abaɨ ɨ̃rɨ bɨrãse ũpẽarã ak'ɨparí bamẽrá. Pɨa mãɨya ooipɨra, ichia nemietá oosira, pɨ sida nepɨra pará bayade aipɨ mãɨ nemietá k'orea. Jõma k'ɨ̃risia piadepa k'ɨ̃risia base.

1 Timoteo 5:9

Ũpẽarãpa paritua p'ẽtã́ t'ɨ̃ k'art'ade bɨdaiwẽa p'anɨma k'aripadai k'orea. Mãɨpari nãɨya p'anɨrã bɨdai p'anɨma: sesenta ãyo waa k'ede mãɨnepa ɨmɨk'ĩra abapuru uru k'edeada.

2 Timoteo 2:24

Chi Tachi Chipari pae pari mimiaparí k'ĩruu pedea baiwẽa bɨma, mãɨpari jõmãɨrã ome sõpia bai bɨma. Jaratea k'awa bai bɨma. Jõmãɨrã ome choa bai bɨma.

Tito 2:2

Chõarã́ jaratease ãchi k'ak'ua jĩp'a uru p'ananamẽrá, k'ĩra jĩp'a p'ananamẽrá, k'ɨ̃risia piadepa nipadamẽrá, Cristode minachia ĩjãa p'ananamẽrá, piarã k'ɨ̃rianepa p'ananamẽrá, mãɨnepa jõma choadamẽrá.

Hebreo 13:2

K'ɨ̃risia atuarãt'ɨ chi mãra tiidá cheuta mãɨa pia pedeadai p'anɨt'a. Chi eda waapẽarãpa k'awadawẽa Tachi Ak'õrepa ɨt'aripa peedaɨrã ãchi tiidá pia chepi p'anasidama.

Hebreo 3:14

Tachia naa ĩjãanaananepa aba piuutadea Cristode ĩjãa p'ananaipɨra, ichi ome p'ananaipɨ.

1 Pedro 4:7

Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

1 Pedro 4:9

Chi mãra tiida cheutarã́ k'achia k'ɨ̃risiadawẽa pia pedeat'ɨ.

1 Pedro 5:8

Jĩrak'aua p'anat'ɨ mãɨnepa ẽrea p'anat'ɨ. Tiore mãra ome chi nek'ĩramá imama jĩra ɨrrɨa p'ɨrrɨa bɨma, k'aiyá Tachi Ak'õre p'ue itu bɨpii k'awayá.