1 Timoteo 2:4 - Tachi Ak'õre Pedea

⁴ Ichia k'ɨ̃ria bɨma jõmãɨrãpa chi piarã pedea k'awadak'ari, k'achiadepema k'aripait'a.

1 Timoteo 2:4 ပူးပေါင်းရင်းမြစ်များ

Mateo 28:19

Mãɨ k'orea ãarea p'uuru becha wãnak'ari jarateat'ɨ mɨ ome p'ɨrrɨadamẽrá. Ãchi chi Ak'õre t'ɨ̃nepa, chi Warra t'ɨ̃nepa, Tachi Ak'õre Jaore t'ɨ̃nepa porochoat'ɨ.

Marco 16:15

Maapae Jesupa ãchiá jarasima: «Tuacha wãnak'ari chi pedea pia mɨ k'orea ãareaɨrã́ jarat'ɨ.

Luca 1:77

Pɨa israel ĩjũanepemarã́ k'awapiipɨ sãmaasã́ Tachi Ak'õrepa ãchi nemietá k'ɨ̃risia atuak'ari k'aripait'a.

Luca 14:23

Mãɨpuru te chiparipa chi ichi pae pari mimiaparia mãicha jarasima: “P'uuru awara o becha wãpade asima. Ẽpẽrarã unusira isapea chepipadaade asima, mɨ te minachia bɨ ipiru k'obeemẽrá.

Luca 24:47

Maapae ichi t'ɨ̃nepa ichide ĩjãa berãpa ẽpẽrarã́ jaradaipɨ ãchi nemietá itu bɨdak'ari Tachi Ak'õremá chedamẽrá. Mãɨya Tachi Ak'õrepa ãchi nemietá k'ɨ̃risia atuaipɨ. Mãɨ naa Jerusalén p'uurude jaradak'ari jõma p'uuru becha jarade wãnaipɨ.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 17:17

Pɨ pedeapa pɨ piarã k'awapi bɨma. Mãɨpa ãchi aba pɨ pae pia bɨse.

Juan 6:37

Chi mɨ Ak'õrepa mɨá tea bɨ ẽpẽerã mɨmá chedaipɨ; mãɨrã ãyá jeret'aiwẽma.

Romano 11:14

Mɨa judiorãwẽa jaratea bɨdepa k'ɨ̃ria bɨma mɨ ẽpẽrarã judiorã pida mãɨ pedea ũri k'ɨ̃rianait'a, jiwá p'anɨ jĩra. Mãɨya Tachi Ak'õrepa eda ãchidiidepema k'aripaipɨ.

1 Timoteo 4:10

Mãɨ k'orea tachia choa nɨp'anɨne, mimia p'anɨma. Nɨ p'anɨma Tachi Ak'õre chok'ae bɨpa k'aripamẽrá. Ichit'a chi jõmãɨrã K'aripaparipɨ. Piarã, chi ichide ĩjãautat'a k'aripaparipɨ.

2 Timoteo 2:25

Ichia pedea piadepa Tachi Ak'õre pedea k'awapi bɨma, chi ichia jaratea bɨ k'ɨ̃rianak'apɨ́ ẽpẽrarã́, mãɨ Tachi Ak'õrepa ãchi k'ariparupara. Mãɨya ichimá jĩitea chedak'ari chi piarã pedeat'a k'awadaipɨ.

2 Timoteo 3:7

Mãɨ wẽerã ewaricha ne k'awapodo p'anɨma, maamina chi piarã pedea p'ue k'awadak'ama.

Tito 1:1

Mɨ Pablopɨ, Tachi Ak'õre pae pari mimiaparí mãɨnepa Jesucristopa peedapɨ. Mɨ peesima Tachi Ak'õrepa jɨrɨ atadaɨrãpa ichide ĩjãanamẽrá mãɨnepa chi piarã pedea k'awadak'ari Tachi Ak'õrepa k'ɨ̃ria bɨ jĩra p'ananamẽrá.

Tito 2:11

Tachi Ak'õrepa jõmãɨrã́ unupisima ichi sõpiadepa ẽpẽrarã k'aripaparit'a.

Hebreo 10:26

Maamina chi piarã pedea k'awak'ari ara tachia nemietá oo p'ananaipɨra, waa newẽma Tachi Ak'õrea ne teadai k'orea mãɨ nemietá k'ɨ̃risia atuamẽrá.

Santiago 3:14

Maamina awaraɨpa uru bɨ k'orea wa oo bɨ k'orea sõpiawẽa p'aneenaipɨra, mãɨnepa waapẽarã k'aepẽra pia p'ananai k'orea jɨrɨdaipɨra, jararãt'ɨ mãra ne k'awa bet'a. Mãɨya jaradaipɨra, chi piarãpema pedea itu bɨ p'anɨma.

2 Pedro 3:9

Tachi Chipari cheyade adaedapema tãaraaru pẽra, waapẽarãpa cheiwẽane a k'ɨ̃risia p'anɨma. Maamina mãɨyawẽma. Mãɨpari mãra k'orea ãarea choa bɨ pẽra tãaraaruma. Ichia k'ɨ̃riawẽa bɨma mi aba pida atuait'a. K'ɨ̃ria bɨma ãareaɨrãpa nemietá itu bɨdak'ari ichimá chedait'a.

2 Juan 1:1

Mɨ Chõapɨ. Mɨa nãɨ k'art'a bɨruma wẽra Tachi Ak'õrepa jɨrɨ atada pae mãɨnepa ichi warrarã pae pida. Mɨa mãra piarã k'ɨ̃ria bɨma. Mɨapuru mãra k'ɨ̃ria bɨwẽma, mãɨpari jõma chi piarãpẽa pedea k'awapataɨrãpa mãra k'ɨ̃ria p'anɨma.

Apocalipsi 14:6

Mãɨya nak'ari mɨa aba chi Tachi Ak'õrepa ɨt'aripa peeda pajãne wãamari wã nɨbɨt'a unusima. Ichia chi pedea pia uru basima ãarea ẽpẽerã́ jarai k'orea: ĩjũanepemarãcha, ẽpẽerã awaraɨcha, pedeacha mãɨnepa p'uurucha. Mãɨ pedea ewaricha mãɨya baipɨ.