1 Timoteo 2:1 - Tachi Ak'õre Pedea

¹ Nãɨ pia jararuma: ẽpẽrarã ãarea k'orea tachia Tachi Ak'õrea chichupuria ididai p'anɨma, ichia k'aripamẽrá ɨt'aa chiididai p'anɨma mãɨnepa sõpia p'anɨane adai p'anɨma.

1 Timoteo 2:1 ပူးပေါင်းရင်းမြစ်များ

Hecho 17:30

Ẽpẽerãpa chi Tachi Ak'õre atua p'ananapa naena mãɨya oodada ichia itu bɨsima. Maamina idiapae jara bɨma ãarea tuachadepemarãpa nemietá itu bɨdak'ari ichide ĩjãanamẽrá.

Romano 1:8

Naa mɨa jararuma: Jesucristodepa mɨa jõma mãra k'orea Tachi Ak'õrea sõpia bɨade aparima mãrapa Jesucristode ĩjãa p'anɨ k'orea tuachadepemarãpa pedea p'anɨ pẽra.

Romano 6:17

Naena mãra nemietá pae pari mimiapataɨrã pasima. Maamina jõma Tachi Ak'õre k'orea jarateadada sõnepa oo p'anɨ pẽra mɨa Tachi Ak'õrea sõpia bɨade aparima.

1 Corintio 15:3

Mɨa chi atepe piipará bɨt'u mãrá jarateasima, ara mɨa k'awada jĩra. Mãɨ nãɨpɨ: Cristo tachi nemietá k'orea piusima Tachi Ak'õre pedeade bɨ bɨ jĩra.

2 Corintio 8:6

Mãɨ k'orea taipa Titoa chichupuria idisidama mãrá jarade wãmẽrá jõma mãrapa sõpiadepa teadayade adada piarã jɨrɨp'edamẽrá.

Ep'esio 3:13

Mãɨ k'orea mɨa mãrá nãɨya ũraaruma: mɨ mãra k'orea nãma mĩa bɨmina minachia k'ɨ̃risia paraarãt'ɨ. Mãɨya minachia mĩa bɨma mãra Tachi Ak'õre ome pia p'ananamẽrá.

Ep'esio 5:20

Tachi Chipari Jesucristo t'ɨ̃nepa ewaricha tachi Pajãnepema Ak'õrea nejõma k'orea sõpia bɨade at'ɨ.

Ep'esio 6:18

Ewaricha ne ãarea k'orea Tachi Ak'õre Jaoredepa ɨt'aa chiidi p'anat'ɨ. Jõma ichi ẽpẽrarã k'orea tau pará, sẽnawẽa ɨt'aa chiidi p'anat'ɨ.

P'ilipense 1:3

Mɨa mãra k'ɨ̃risiarucha Tachi Ak'õrea sõpia bɨade aparima.

P'ilipense 4:6

Ne paritua k'orea minachia k'ɨ̃risiarãt'ɨ, mãɨpari Tachi Ak'õrea ɨt'aa chiidit'ɨ, ichiá chichupuria idit'ɨ, mãɨnepa nejõma k'orea pia bɨade at'ɨ.

1 Tesalonicense 3:12

Taipa k'ɨ̃ria p'anɨma Tachi Chiparipa mãra k'aripa bai jõmãɨrã ome minachia chi k'ɨ̃ria p'ananamẽrá taipa mãra minachia k'ɨ̃ria p'anɨ jĩra.

2 Tesalonicense 1:3

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Taipa mãɨya oodai pia bɨma. Mãrapa ewaricha Cristode pia ĩjãa p'anɨma mãɨnepa machicha pia chi k'ɨ̃ria p'anɨma.

1 Timoteo 2:4

Ichia k'ɨ̃ria bɨma jõmãɨrãpa chi piarã pedea k'awadak'ari, k'achiadepema k'aripait'a.

1 Timoteo 5:5

P'ẽtã́ piarã ichi tuaba k'ɨrɨpa Tachi Ak'õret'u nɨparima. Ãst'á mãɨnepa teamasi Tachi Ak'õrea ɨt'aa chiidi baparima k'aripamẽrá.

2 Timoteo 2:24

Chi Tachi Chipari pae pari mimiaparí k'ĩruu pedea baiwẽa bɨma, mãɨpari jõmãɨrã ome sõpia bai bɨma. Jaratea k'awa bai bɨma. Jõmãɨrã ome choa bai bɨma.

Tito 2:11

Tachi Ak'õrepa jõmãɨrã́ unupisima ichi sõpiadepa ẽpẽrarã k'aripaparit'a.

Tito 3:2

Ũpẽarã́ jarase: abaɨ k'orea piawẽa pedeadaiwẽa p'anɨma mãɨnepa k'ĩruu pedea p'ananaiwẽa p'anɨma, mãɨpari sõpia p'ananai p'anɨma, jõmãɨrã ome minachia bɨ jĩra p'ananaiwẽa p'anɨma.

Hebreo 6:11

Taipa k'ɨ̃ria p'anɨma machicha mãɨya oo p'ananait'a aba piuutadea. Ara mãɨya mãrapa chi Tachi Ak'õrenepema jitadayá nɨ p'anɨ ãarea jitadaipɨ.

Santiago 5:16

Mãɨ k'orea mãrapa nemietá oodada abaɨa jaradak'ari, jõrea jarat'ɨ. Mãɨnepa tausia Tachi Ak'õrea ɨt'aa chiidit'ɨ pia tuananai k'orea. Ẽpẽra jĩp'a bɨpa Tachi Ak'õrea ɨt'aa chiidisira Tachi Ak'õre jua chaareadepa ne waibɨa ooparima.